Artikel 14 Meldung von Großkrediten auf Einzel- und auf konsolidierter Basis

Chun faisnéis ar risíochtaí móra a thuairisciú chuig cliaint agus grúpaí cliant nasctha i gcomhréir le hAirteagal 394 de Rialachán (AE) Uimh. 575/2013 ar bhonn aonair agus ar bhonn comhdhlúite, déanfaidh institiúidí an fhaisnéis a chur isteach a shonraítear in Iarscríbhinn VIII, i gcomhréir leis na treoracha in Iarscríbhinn IX, le minicíocht ráithiúil.

Chun faisnéis ar na 20 risíocht is mó a thuairisciú chuig cliaint agus grúpaí cliant nasctha i gcomhréir le hAirteagal 394(1) de Rialachán (AE) Uimh. 575/2013 ar bhonn comhdhlúite, déanfaidh institiúidí, faoi réir Chuid a Trí, Teideal II, Caibidil 3 de Rialachán (AE) Uimh. 575/2013 an fhaisnéis a chur isteach a shonraítear in Iarscríbhinn VIII, i gcomhréir leis na treoracha in Iarscríbhinn IX, le minicíocht ráithiúil.

Chun faisnéis ar risíochtaí, ar mó a luach ná EUR 300 milliún nó arb ionann a luach agus an méid sin ach ar lú é ná 10 % de chaipiteal Leibhéal 1 na hinstitiúide, a thuairisciú i gcomhréir le hAirteagal 394(1) de Rialachán (AE) Uimh. 575/2013 ar bhonn comhdhlúite, déanfaidh institiúidí an fhaisnéis a chur isteach mar a shonraítear in Iarscríbhinn VIII, i gcomhréir leis na treoracha in Iarscríbhinn IX, le minicíocht ráithiúil.

Chun faisnéis ar na 10 risíocht is mó a thuairisciú chuig institiúidí ar bhonn comhdhlúite agus ar na 10 risíocht is mó le heinitis scáithbhaincéireachta a dhéanann gníomhaíochtaí baincéireachta lasmuigh den chreat rialáilte ar bhonn comhdhlúite, i gcomhréir le hAirteagal 394(2) de Rialachán (AE) Uimh. 575/2013, déanfaidh institiúidí an fhaisnéis a chur isteach mar a shonraítear in Iarscríbhinn VIII, i gcomhréir leis na Treoracha in Iarscríbhinn IX, le minicíocht ráithiúil.