Ábhar

I gcomhréir le hAirteagal 16 de Rialachán (AE) Uimh. 1093/2010 agus de Rialachán (AE) Uimh. 1095/2010, leagtar síos sna Treoirlínte Comhpháirteacha seo an mhodheolaíocht ba cheart d’údaráis inniúla a úsáid chun measúnú a dhéanamh ar na himthosca is cúis le sealúchais cháilitheacha (Cuid F.1 de na Treoirlínte).

Leagtar síos sna Treoirlínte Comhpháirteacha sin an mhodheolaíocht ba cheart d’údaráis inniúla a úsáid chun measúnú a dhéanamh ar oiriúnacht an scairshealbhóra nó an chomhalta a bhfuil sealúchais cháilitheacha aige nó aici, bíodh siad díreach nó indíreach (Cuid F.2 de na Treoirlínte):

• a) in eisitheoir is iarratasóir atá ag lorg údarú faoi Airteagal 18 de MiCA, i gcomhréir leis an sainordú a leagtar amach in Airteagal 21(3) den Rialachán sin;
• b) in CASP is iarratasóir atá ag lorg údarú faoi Airteagal 62 de MiCA, i gcomhréir leis an sainordú a leagtar amach in Airteagal 63(11) den Rialachán sin.

I gcomhréir le hAirteagal 16 de Rialachán (AE) Uimh. 1093/2010 agus de Rialachán (AE) Uimh. 1095/2010, leagtar síos sna Treoirlínte Comhpháirteacha seo an mhodheolaíocht ba cheart d’údaráis inniúla a úsáid chun measúnú a dhéanamh ar oiriúnacht faighteora bheartaithe sealúchas cáilitheach díreach nó indíreach (Cuid F.3 de na Treoirlínte):

• a) in eisitheoir ARTanna arna údarú faoi Airteagal 21 de MiCA, i gcomhréir leis na critéir a leagtar amach in Airteagal 42(1), pointí (a) go (e) den Rialachán sin;
• b) in CASP arna údarú faoi Airteagal 63 den Rialachán sin, i gcomhréir leis na critéir a leagtar amach in Airteagal 84(1), pointí (a) go (e) den Rialachán sin.