Airteagal 6 Measúnú na n-údarás inniúil ar na rioscaí a dtugtar aghaidh orthu i moltaí an Phríomh-Fhormhaoirseora

1.   Mar chuid dá maoirseacht ar eintitis airgeadais, déanfaidh an t-údarás inniúil measúnú ar thionchar na mbeart arna ndéanamh ag an soláthraí seirbhísí TFC tríú páirtí criticiúil ar na heintitis airgeadais bunaithe ar mholtaí an Phríomh-Fhormhaoirseora i gcomhréir le prionsabal na comhréireachta.

2.   Agus an measúnú dá dtagraítear i mír 1 á dhéanamh aige, cuirfidh an t-údarás inniúil na nithe uile seo a leanas san áireamh:

3.   Arna iarraidh sin don Phríomh-Fhormhaoirseoir, cuirfidh an t-údarás inniúil torthaí an mheasúnaithe a leagtar amach i mír 1 ar fáil in am réasúnach. Agus torthaí an mheasúnaithe sin á n-iarraidh aige, déanfaidh an Príomh-Fhormhaoirseoir prionsabal na comhréireachta agus méid na rioscaí a bhaineann leis na moltaí a mheas, lena n-áirítear tionchair thrasteorann na rioscaí sin nuair a bhíonn tionchar acu ar eintitis airgeadais a oibríonn i níos mó ná Ballstát amháin.

4.   I gcás inarb ábhartha, iarrfaidh an t-údarás inniúil ar eintitis airgeadais aon fhaisnéis is gá a sholáthar chun an measúnú dá dtagraítear i mír 1 a dhéanamh.