+Airteagal 2 Eintitis airgeadais a shainaithint a gceanglaítear orthu TLPT a dhéanamh
---+Airteagal 2 1
---+Airteagal 2 2
---+Airteagal 2 3

Airteagal 2 Eintitis airgeadais a shainaithint a gceanglaítear orthu TLPT a dhéanamh

-

1. Forbhreathnú

,
Airteagal 2 1

1.   Déanfaidh údaráis TLPT measúnú cé acu a cheanglaítear nó nach gceanglaítear ar aon eintiteas airgeadais TLPT a dhéanamh, agus tionchar na n-eintiteas airgeadais sin, a saintréithe sistéamacha agus a bpróifíl riosca TFC á gcur san áireamh, ar bhonn na gcritéar uile seo a leanas:

(a)

tosca a bhaineann le tionchar agus le saintréithe sistéamacha:

(i)

méid an eintitis airgeadais, arna chinneadh ar bhonn cé acu a sholáthraíonn nó nach soláthraíonn an t-eintiteas airgeadais seirbhísí airgeadais i mBallstát amháin nó níos mó agus trí ghníomhaíochtaí an eintitis airgeadais a chur i gcomparáid le gníomhaíochtaí eintiteas airgeadais eile a sholáthraíonn seirbhísí comhchosúla;

(ii)

méid agus cineál idircheangailteachta an eintitis airgeadais le heintitis airgeadais eile san earnáil airgeadais i mBallstát amháin nó níos mó;

(iii)

criticiúlacht nó tábhacht na seirbhísí a sholáthraíonn an t-eintiteas airgeadais don earnáil airgeadais;

(iv)

inionadaitheacht na seirbhísí a sholáthraíonn an t-eintiteas airgeadais;

(v)

castacht shamhail ghnó an eintitis airgeadais agus na seirbhísí gaolmhara agus na bpróiseas gaolmhar;

(vi)

cé acu atá nó nach bhfuil an t-eintiteas airgeadais ina chuid de ghrúpa saintréithe sistéamaí ar leibhéal an Aontais nó ar an leibhéal náisiúnta san earnáil airgeadais agus a dhéanann córais TFC a chomhroinnt;

(b)

Tosca a bhaineann le riosca TFC:

(i)

próifíl riosca an eintitis airgeadais;

(ii)

timpeallacht na bagartha de chuid an eintitis airgeadais;

(iii)

a mhéid a bhraitheann feidhmeanna criticiúla nó tábhachtacha nó feidhmeanna tacaíochta an eintitis airgeadais ar chórais agus ar phróisis TFC;

(iv)

castacht ailtireacht TFC an eintitis airgeadais;

(v)

na seirbhísí agus na feidhmeanna TFC a dtacaíonn soláthraithe seirbhíse TFC tríú páirtí leo, agus cainníocht agus cineál na socruithe conarthacha le soláthraithe seirbhíse TFC tríú páirtí nó soláthraithe seirbhíse TFC inghrúpa;

(vi)

torthaí aon athbhreithnithe maoirseachta atá ábhartha don mheasúnú ar aibíocht TFC an eintitis airgeadais;

(vii)

aibíocht pleananna leanúnachais gnó TFC agus pleananna freagartha agus athshlánaithe TFC;

(viii)

aibíocht na mbeart oibríochtúil braite agus maolaithe slándála TFC, lena n-áirítear an cumas chun:

(1)

faireachán a dhéanamh ar bhonneagar TFC an eintitis airgeadais ar bhonn buan;

(2)

teagmhais a bhaineann le TFC a bhrath i bhfíor-am;

(3)

anailís a dhéanamh ar na teagmhais dá dtagraítear i bpointe (2);

(4)

freagairt do na teagmhais dá dtagraítear i bpointe (2) ar bhealach tráthúil agus éifeachtach;

(ix)

cé acu atá nó nach bhfuil an t-eintiteas airgeadais ina chuid de ghrúpa atá gníomhach san earnáil airgeadais ar leibhéal an Aontais nó ar an leibhéal náisiúnta a chomhroinneann córais TFC.

Chun críocha phointe (a)(i), breithneoidh údarás TLPT, i gcás inar féidir, an méid seo a leanas:

(a)

staid an eintitis airgeadais maidir lena sciar den mhargadh ar leibhéal an Aontais agus ar an leibhéal náisiúnta;

(b)

raon na ngníomhaíochtaí a chuireann an t-eintiteas airgeadais ar fáil;

(c)

an sciar den mhargadh atá ag na seirbhísí a sholáthraíonn an t-eintiteas airgeadais nó ag na gníomhaíochtaí a dhéantar ar leibhéal an Aontais agus ar an leibhéal náisiúnta.

Chun críocha phointe (a)(v), breithneoidh údarás TLPT, i gcás inar féidir:

(a)

cé acu a oibríonn nó nach n-oibríonn an t-eintiteas airgeadais níos mó ná samhail ghnó amháin;

(b)

idircheangailteacht na bpróiseas gnó éagsúil agus na seirbhísí gaolmhara.
Airteagal 2 2

2.   Ceanglóidh údaráis TLPT ar gach ceann de na heintitis airgeadais seo a leanas TLPT a dhéanamh, mura léirítear sa mheasúnú dá dtagraítear i mír 1 i leith eintiteas airgeadais nach dtugann a thionchar, na hábhair imní maidir le cobhsaíocht airgeadais a bhaineann leis an eintiteas airgeadais sin, nó a phróifíl riosca TFC, údar le TLPT a dhéanamh:

(a)

institiúidí creidmheasa a chomhlíonann aon cheann de na coinníollacha seo a leanas:

(i)

sainaithníodh iad mar institiúidí domhanda a bhfuil tábhacht shistéamach leo (G-SIInna) i gcomhréir le hAirteagal 131 de Threoir 2013/36/AE ó Pharlaimint na hEorpa agus ón gComhairle (7);

(ii)

sainaithníodh iad mar institiúidí eile a bhfuil tábhacht shistéamach leo (O-SIInna) i gcomhréir le hAirteagal 131 de Threoir 2013/36/AE;

(iii)

is cuid de G-SII nó de O-SII iad;

(b)

institiúidí íocaíochta a sháraigh EUR 150 billiún i ngach ceann den 2 bhliain féilire roimh an measúnú a rinne údarás TLPT ar luach iomlán na n-idirbheart íocaíochta mar a shainmhínítear in Airteagal 4, pointe (5), de Threoir (AE) 2015/2366 ó Pharlaimint na hEorpa agus ón gComhairle; (8)

(c)

institiúidí ríomh-airgid a sháraigh EUR 150 billiún de luach iomlán na n-idirbheart íocaíochta mar a shainmhínítear in Airteagal 4, pointe (5), de Threoir (AE) 2015/2366 nó EUR 40 billiún de luach iomlán mhéid an ríomh-airgid gan íoc i ngach ceann den 2 bhliain féilire roimh an measúnú a rinne údarás TLPT;

(d)

taisclanna lárnacha urrús;

(e)

contrapháirtithe lárnacha;

(f)

ionaid trádála ag a bhfuil córas trádála leictreonach a chomhlíonann aon cheann de na critéir seo a leanas:

(i)

tá an sciar is airde den mhargadh ag an ionad trádála i dtéarmaí láimhdeachais ar an leibhéal náisiúnta i ngach ceann den 2 bhliain féilire roimh an measúnú a rinne údarás TLPT in aon cheann díobh seo a leanas:

(1)

urrúis inaistrithe mar a shainmhínítear in Airteagal 4(1), pointe (44)(a), de Threoir 2014/65/AE ó Pharlaimint na hEorpa agus ón gComhairle (9);

(2)

urrúis inaistrithe mar a shainmhínítear in Airteagal 4(1), pointe (44)(b), de Threoir 2014/65/AE;

(3)

díorthaigh mar a shainmhínítear in Airteagal 2(1), pointe (29), de Rialachán (AE) Uimh. 600/2014 ó Pharlaimint na hEorpa agus ón gComhairle (10);

(4)

táirgí airgeadais struchtúrtha mar a shainmhínítear in Airteagal 2(1), pointe (28), de Rialachán (AE) Uimh. 600/2014;

(5)

lamháltais astaíochtaí dá dtagraítear i Roinn C, pointe (11), d’Iarscríbhinn I a ghabhann le Treoir 2014/65/AE;

(ii)

tá sciar den mhargadh ag an ionad trádála i dtéarmaí láimhdeachais ar leibhéal an Aontais a sháraíonn 5 % i ngach ceann den 2 bhliain féilire roimh mheasúnú an údaráis TLPT in aon cheann díobh seo a leanas:

(1)

scaireanna i gcuideachtaí agus in urrúis eile atá comhionann le scaireanna i gcuideachtaí, i gcomhpháirtíochtaí nó in eintitis eile, agus admhálacha taisclainne i leith scaireanna;

(2)

bannaí nó cineálacha eile fiachais urrúsaithe, lena n-áirítear admhálacha taisclainne i leith urrús den sórt sin;

(3)

díorthaigh mar a shainmhínítear in Airteagal 2(1), pointe (29), de Rialachán (AE) Uimh. 600/2014,

(4)

táirgí airgeadais struchtúrtha mar a shainmhínítear in Airteagal 2(1), pointe (28), de Rialachán (AE) Uimh. 600/2014;

(5)

lamháltais astaíochtaí dá dtagraítear i Roinn C, pointe (11), d’Iarscríbhinn I a ghabhann le Treoir 2014/65/AE;

(g)

gnóthais árachais agus athárachais a chomhlíonann na critéir uile seo a leanas:

(i)

tá préimh chomhlán i scríbhinn (GWP) acu ar mó í ná EUR 1 500 000 000;

(ii)

tá forálacha teicniúla acu ar mó iad ná EUR 10 000 000 000;

(iii)

gnóthais árachais nach saothraíonn ach gníomhaíochtaí saoil nó a shaothraíonn gníomhaíochtaí saoil agus neamhshaoil araon agus a bhfuil sócmhainní iomlána acu a sháraíonn 3,5 % de shuim iomlán na sócmhainní arna luacháil i gcomhréir le hAirteagal 75 de Threoir 2009/138/CE ó Pharlaimint na hEorpa agus ón gComhairle (11) de na gnóthais árachais agus athárachais atá bunaithe sa Bhallstát.

Chun críocha (f)(ii), i gcás ina mbeidh an t-ionad trádála ina chuid de ghrúpa a chomhroinneann chórais TFC nó den soláthraí seirbhíse TFC inghrúpa céanna, breithneofar láimhdeachas na gconarthaí urrús agus díorthach ar gach ionad trádála a bhaineann leis an ngrúpa céanna agus atá bunaithe san Aontas.

Chun críocha phointe (g), sainaithneoidh údaráis TLPT fothacar de na gnóthais árachais agus athárachais uile trí na critéir a leagtar síos i bpointí (g)(i), (ii), agus (iii) a chur i bhfeidhm. Ceanglófar ar ghnóthais árachais agus athárachais a áirítear san fhothacar sin TLPT a dhéanamh i gcás ina gcomhlíonann siad aon cheann de na critéir seo a leanas freisin:

(a)

préimh chomhlán i scríbhinn (GWP) ar mó í ná EUR 3 000 000 000;

(b)

forálacha teicniúla ar mó iad ná EUR 30 000 000 000;

(c)

sócmhainní iomlána a sháraíonn 10 % de shuim iomlán na sócmhainní arna luacháil i gcomhréir le hAirteagal 75 de Threoir 2009/138/CE de chuid na ngnóthas árachais agus athárachais atá bunaithe sa Bhallstát.
Airteagal 2 3

3.   I gcás ina gcomhlíonfaidh níos mó ná eintiteas airgeadais amháin a bhaineann leis an ngrúpa céanna agus a chomhroinneann córais TFC, nó i gcás ina gcomhlíonfaidh níos mó ná eintiteas airgeadais amháin a úsáideann an soláthraí seirbhíse TFC inghrúpa céanna, na critéir a leagtar amach i mír 2, cinnfidh údaráis TLPT na n-eintiteas airgeadais sin, i gcomhréir le hAirteagal 16(2), cé acu atá nó nach bhfuil an ceanglas TLPT a dhéanamh ar bhonn aonair ábhartha do na heintitis airgeadais sin.

I gcás nach ionann údarás TLPT mháthairghnóthas grúpa eintiteas airgeadais dá dtagraítear sa chéad fhomhír agus údaráis TLPT eintitis airgeadais an ghrúpa, rachaidh údaráis TLPT na n-eintiteas airgeadais ar leis an ngrúpa sin i gcomhairle leis an údarás sin maidir le cé acu is iomchuí nó nach iomchuí TLPT a dhéanamh ar bhonn aonair.

1.1 Tagairtí

1.2 Ceanglais aitheanta

1.3 Caighdeáin ghaolmhara

2. Ceanglais aitheanta

Ceanglais

3. Caighdeáin ghaolmhara

Caighdeáin
  • Builddate: 18.06.2025 00:00:00 -Doknr: CELEX:32025R1190
  • EULAW -

    EN: Legal acts of the European Union from EUR-Lex, https://eur-lex.europa.eu/. © European Union. Re-use is authorised by Decision 2011/833/EU, provided the source is acknowledged; the consolidated texts are licensed under CC BY 4.0 (EUR-Lex legal notice). Divided into sections and converted into the GRCA format, the wording unchanged. Only the legislation published in the Official Journal of the European Union is deemed authentic.

    DE: Rechtsakte der Europäischen Union aus EUR-Lex, https://eur-lex.europa.eu/. © Europäische Union. Weiterverwendung nach Beschluss 2011/833/EU mit Quellenangabe gestattet; die konsolidierten Fassungen stehen unter CC BY 4.0 (Rechtlicher Hinweis von EUR-Lex). In Abschnitte aufgeteilt und in das GRCA-Format umgewandelt, der Wortlaut unverändert. Verbindlich sind allein die im Amtsblatt der Europäischen Union veröffentlichten Rechtsakte.