IARSCRÍBHINN IV

nod, ar a laghad i bhfoirm atá oiriúnach do phróiseáil uathoibrithe, gur eisíodh an deimhniú mar dheimhniú cáilithe ar fhíordheimhniú láithreán gréasáin;

foireann sonraí a léiríonn gan athbhrí an soláthraí cáilithe seirbhísí iontaoibhe a eisíonn deimhnithe cáilithe lena n-áirítear ar a laghad, an Stát ina bhfuil an soláthraí bunaithe agus

i gcás daoine nádúrtha: ar a laghad ainm nó ainm bréige an duine dár eisíodh an deimhniú, nó ainm bréige; má úsáidtear ainm bréige, léireofar go soiléir é;

i gcás daoine dlítheanacha: tacar uathúil sonraí lena léirítear gan débhrí an duine dlítheanach dár eisíodh an deimhniú, mar aon le hainm an duine dhlítheanaigh dár eisíodh an deimhniú, ar a laghad, agus, i gcás inarb infheidhme, an uimhir chlárúcháin mar a luaitear sna taifid;

eilimintí den seoladh, lena n-áirítear ar a laghad an chathair agus an Stát lena mbaineann an duine nádúrtha nó dlítheanach ar eisíodh an deimhniú dó agus, nuair is infheidhme, mar atá sonraithe sna taifid oifigiúla;

ainm fearainn nó ainmneacha fearainn a oibríonn an duine nádúrtha nó dlítheanach ar eisíodh an deimhniú dó;

sonraí maidir le tús agus deireadh thréimhse bhailíochta an deimhnithe;

cód céannachta an deimhnithe a chaithfidh a bheith uathúil don soláthraí cáilithe seirbhísí iontaoibhe;

ríomhshíniú ardleibhéil nó ríomhshéala ardleibhéil ón soláthraí cáilithe seirbhísí iontaoibhe a eisíonn;

an láthair ina bhfuil an deimhniú a thacaíonn le ríomhshíniú ardleibhéil nó leis an ríomhshéala ardleibhéil dá dtagraítear i bpointe (h) ar fáil saor in aisce;

an fhaisnéis nó láthair ina bhfuil na seirbhísí stádais bhailíochta deimhnithe is féidir a úsáid chun fiosrú a dhéanamh faoi stádas bailíochta an deimhnithe cháilithe.