+Airteagal 42 Inneachar an mheasúnaithe ar éadálacha beartaithe na n-eisitheoirí comharthaí sócmhainn-tagartha
---+Airteagal 42 1.
---+Airteagal 42 2.
---+Airteagal 42 3.
---+Airteagal 42 4.
|
Airteagal 42 Inneachar an mheasúnaithe ar éadálacha beartaithe na n-eisitheoirí comharthaí sócmhainn-tagartha
1. Forbhreathnú
| Teideal |
Rialáil |
|
Airteagal 42 1.
|
Agus an measúnú dá dtagraítear in Airteagal 41(4) á dhéanamh acu, tabharfaidh an t-údarás inniúil breithmheas ar oiriúnacht an fhaighteora bheartaithe agus ar fhóntacht airgeadais na héadála beartaithe dá dtagraítear in Airteagal 41(1) i gcoinne gach ceann de na critéir seo a leanas:
(a)
clú an fhaighteora bheartaithe;
(b)
clú, eolas, scileanna agus taithí aon duine a stiúrfaidh gnó eisitheoir an chomhartha sócmhainn-tagartha de thoradh na héadála beartaithe;
(c)
fóntacht airgeadais an fhaighteora bheartaithe, go háirithe i ndáil leis an gcineál gnó a bheartaítear agus a shaothraítear i leith eisitheoir an chomhartha sócmhainn-tagartha ina bhfuil an éadáil beartaithe;
(d)
an mbeidh eisitheoir an chomhartha sócmhainn-tagartha in ann forálacha an Teidil seo a chomhlíonadh agus leanúint dá gcomhlíonadh;
(e)
an bhfuil forais réasúnacha ann le bheith in amhras, i dtaca leis an éadáil bheartaithe, go bhfuil nó go raibh sciúradh airgid nó maoiniú sceimhlitheoireachta de réir bhrí Airteagal 1(3) agus (5), faoi seach, de Threoir (AE) 2015/849 á dhéanamh, nó gur féachadh nó go bhfuiltear ag féachaint lena dhéanamh, nó go bhféadfadh an éadáil bheartaithe an riosca ina leith a mhéadú.
|
|
Airteagal 42 2.
|
Ní fhéadfaidh an t-údarás inniúil cur in aghaidh na héadála beartaithe ach amháin i gcás ina bhfuil forais réasúnacha ann déanamh amhlaidh bunaithe ar na critéir a leagtar amach i mír 1 den Airteagal seo nó i gcás ina bhfuil an fhaisnéis a soláthraíodh i gcomhréir le hAirteagal 41(4) neamhiomlán nó bréagach.
|
|
Airteagal 42 3.
|
Ní fhorchuirfidh na Ballstáit aon choinníollacha roimh ré maidir le leibhéal an tsealúchais cháilithigh a cheanglaítear a fháil faoin Rialachán seo ná ní cheadóidh siad dá n-údaráis inniúla an éadáil bheartaithe a scrúdú i dtéarmaí riachtanais eacnamaíocha an mhargaidh.
|
|
Airteagal 42 4.
|
Forbróidh ÚBE, i ndlúthchomhar le ESMA, dréachtchaighdeáin theicniúla rialála lena sonraítear inneachar mionsonraithe na faisnéise is gá chun an measúnú dá dtagraítear in Airteagal 41(4), an chéad fhomhír, a dhéanamh. Beidh an fhaisnéis atá de dhíth ábhartha chun measúnú stuamachta a dhéanamh, agus beidh sí comhréireach agus oiriúnaithe do chineál an fhaighteora bheartaithe agus don éadáil bheartaithe dá dtagraítear in Airteagal 41(1). Cuirfidh ÚBE na dréachtchaighdeáin theicniúla rialála dá dtagraítear sa chéad fhomhír faoi bhráid an Choimisiúin faoin 30 Meitheamh 2024. Déantar an chumhacht a tharmligean chuig an gCoimisiún chun an Rialachán seo a fhorlíonadh trí na caighdeáin theicniúla rialála dá dtagraítear sa chéad fhomhír den mhír seo a ghlacadh i gcomhréir le hAirteagal 10 go hAirteagal 14 de Rialachán (AE) Uimh. 1093/2010.
|
,
1.1 Tagairtí
1.2 Ceanglais aitheanta
1.3 Caighdeáin ghaolmhara
2. Ceanglais aitheanta
Ceanglais
| Foinse |
Ceanglas |
3. Caighdeáin ghaolmhara
Caighdeáin
| Foinse |
Ceanglas |
- Builddate: 09.01.2024 00:00:00 -Doknr: CELEX:32023R1114
- EULAW -
EN: Legal acts of the European Union from EUR-Lex, https://eur-lex.europa.eu/. © European Union. Re-use is authorised by Decision 2011/833/EU, provided the source is acknowledged; the consolidated texts are licensed under CC BY 4.0 (EUR-Lex legal notice). Divided into sections and converted into the GRCA format, the wording unchanged. Only the legislation published in the Official Journal of the European Union is deemed authentic.
DE: Rechtsakte der Europäischen Union aus EUR-Lex, https://eur-lex.europa.eu/. © Europäische Union. Weiterverwendung nach Beschluss 2011/833/EU mit Quellenangabe gestattet; die konsolidierten Fassungen stehen unter CC BY 4.0 (Rechtlicher Hinweis von EUR-Lex). In Abschnitte aufgeteilt und in das GRCA-Format umgewandelt, der Wortlaut unverändert. Verbindlich sind allein die im Amtsblatt der Europäischen Union veröffentlichten Rechtsakte.
|