Airteagal 12 Bailíocht réamheolaire, doiciméid clárúcháin agus doiciméid clárúcháin uilíoch

Beidh réamheolaire, is cuma an bhfuil doiciméad amháin nó doiciméid ar leithligh ann, bailí go ceann 12 mhí tar éis a fhormheasa maidir le hurrúis a thairiscint don phobal nó a ligean isteach chun a dtrádála ar mhargadh rialáilte, ar choinníoll go bhfuil aon fhorlíonadh a cheanglaítear de bhun Airteagal 23 ag dul leis.

I gcás ina bhfuil doiciméid ar leithligh i réamheolaire, cuirfear tús leis an tréimhse bailíochta tráth formheasa nóta mínithe na n-urrús.

Beidh doiciméad clárúcháin a formheasadh roimhe sin bailí lena úsáid mar chuid de réamheolaire go ceann 12 mhí tar éis an fhormheasa.

Má thagann deireadh le bailíocht doiciméid clárúcháin den sórt sin, ní dhéanfaidh sé difear do bhailíocht réamheolaire ar cuid de é.

Beidh doiciméad clárúcháin uilíoch bailí lena úsáid mar chuid de réamheolaire go ceann 12 mhí tar éis a fhormheasta amhail dá dtagraítear sa chéad fhomhír d’Airteagal 9(2) nó tar éis a chomhdaithe amhail dá dtagraítear sa dara fomhír d’Airteagal 9(2).

Má thagann deireadh le bailíocht doiciméid clárúcháin uilíoch den sórt sin, ní dhéanfar difear leis sin do bhailíocht réamheolaire ar cuid de é.