Article 14 2a.

I gcás ina mbainistíonn cuideachta bainistíochta GCUI nó ina bhfuil sé beartaithe aici GCUI a bhainistiú ar thionscnamh tríú páirtí, lena n-áirítear cásanna ina n-úsáideann an GCUI sin ainm tionscnóra tríú páirtí nó i gcás ina gceapann cuideachta bainistíochta tionscnóir tríú páirtí mar thoscaire de bhun Airteagal 13, déanfaidh an chuideachta bainistíochta, agus aon choinbhleachtaí leasa á gcur san áireamh, mínithe mionsonraithe agus fianaise mhionsonraithe ar a comhlíontacht le mír 1, pointe (d), den Airteagal seo a chur faoi bhráid údaráis inniúla a Ballstáit baile. Go háirithe, sonróidh an chuideachta bainistíochta na bearta réasúnta atá déanta aici chun coinbhleachtaí leasa a eascraíonn as an gcaidreamh leis an tríú páirtí a chosc nó, i gcás nach féidir na coinbhleachtaí leasa sin a chosc, an chaoi a dtugann sí faoi shainaithint, bainistiú agus faireachán na gcoinbhleachtaí leasa sin agus, i gcás inarb infheidhme, an chaoi a nochtann sí iad chun cosc a chur orthu dochar a dhéanamh do leasanna an GCUI agus a infheisteoirí.