|
+Airteagal 3a |
Airteagal 3aAirteagal 3a Deis do thomhaltóirí agus d’úsáideoirí deiridh eile catagóirí nó aicmí áirithe de threalamh raidió a fháil gan gléas luchtúcháin
1.
I gcás ina dtugann oibreoir eacnamaíoch an deis do thomhaltóirí agus d’úsáideoirí deiridh eile an trealamh raidió dá dtagraítear in Airteagal 3(4) a fháil in éineacht le gléas luchtúcháin, tabharfaidh an t-oibreoir eacnamaíoch an deis do thomhaltóirí agus d’úsáideoirí deiridh eile an trealamh raidió sin a fháil gan aon ghléas luchtúcháin.
2.
Áiritheoidh oibreoirí eacnamaíocha go mbeidh an fhaisnéis faoi cé acu atá nó nach bhfuil gléas luchtúcháin san áireamh leis an trealamh raidió dá dtagraítear in Airteagal 3(4) ar taispeáint i bhfoirm ghrafach agus úsáid á baint as picteagram atá soláimhsithe agus inrochtana go héasca mar a leagtar amach i gCuid III d’Iarscríbhinn Ia nuair a chuirtear trealamh raidió den sórt sin ar fáil do thomhaltóirí agus d’úsáideoirí deiridh eile. Déanfar an picteagram a chló ar an bpacáistíocht nó a ghreamú den phacáistíocht mar ghreamán. Nuair a chuirtear an trealamh raidió ar fáil do thomhaltóirí agus d’úsáideoirí deiridh eile, beidh an picteagram ar taispeáint ar bhealach infheicthe agus inléite agus, i gcás ciandíola, gar don léiriú praghais. Tugtar de chumhacht don Choimisiún gníomhartha tarmligthe a ghlacadh i gcomhréir le hAirteagal 44 chun Cuid III d’Iarscríbhinn Ia a leasú mar thoradh ar leasuithe ar Chodanna I agus II den Iarscríbhinn sin, nó mar thoradh ar leasuithe a dhéanfar amach anseo ar cheanglais lipéadaithe, nó i bhfianaise dul chun cinn teicneolaíoch, trí aon eilimintí grafacha nó téacsúla a thabhairt isteach, a mhodhnú, a chur léi nó a bhaint. 1. Forbhreathnú
1.1 Tagairtí1.2 Ceanglais aitheanta1.3 Caighdeáin ghaolmhara2. Ceanglais aitheanta
3. Caighdeáin ghaolmhara
|