+Airteagal 3 3

Airteagal 3 3

3.   Is iad seo a leanas cuspóirí sonracha an Chláir:

(a)

na gníomhaíochtaí a áirítear leis na pleananna díchoimisiúnúcháin faoi seach a dhéanamh, Aonaid 1, 2, 3 agus 4 i nGléasra Cumhachta Núicléiche Kozloduy agus Aonaid 1 agus 2 i nGléasra Cumhachta Núicléiche Bohunice a dhíchóimeáil agus a dhí-éilliú, lena n-áirítear córais, struchtúir agus comhpháirteanna gaolmhara agus foirgnimh chúnta, bainistiú sábháilte dramhaíola radaighníomhaí i gcomhréir leis na riachtanais atá sainaitheanta sna pleananna díchoimisiúnúcháin faoi seach agus tacaíocht acmhainní daonna, scaoileadh Aonaid 1 go 4 de Ghléasra Cumhachta Núicléiche Kozloduy agus Aonaid 1 agus 2 de Ghléasra Cumhachta Núicléiche Bohunice ó rialuithe rialála a shaothrú;

(b)

tacú leis an bplean díchoimisiúnúcháin agus na gníomhaíochtaí a dhéanamh i gcomhréir le dlí náisiúnta an Bhallstáit óstaigh chun suiteálacha núicléacha an Choimisiúin ag suíomhanna an JRC a dhíchóimeáil agus a dhí-éilliú, bainistiú sábháilte ar dhramhaíl radaighníomhach ghaolmhar a dhéanamh agus, nuair is iomchuí, aistriú roghnach na ndliteanas núicléach gaolmhar ó JRC go dtí an Ballstát óstach a ullmhú.

(c)

JRC d’fhorbairt nasc agus malartú idir geallsealbhóirí an Aontais maidir le díchoimisiúnú núicléach, d’fhonn a áirithiú go scaipfear eolas agus go roinnfear taithí i ngach réimse ábhartha, amhail taighde agus nuálaíocht, rialáil agus oiliúint, agus d’fhonn sineirgí de chuid an Aontais a d’fhéadfadh a bheith ann a fhorbairt.

Ní fhorchuirfear an t-aistriú dá dtagraítear i bpointe (b) den chéad fhomhír ar aon Bhallstát óstach agus beidh sé faoi réir comhaontú déthaobhach frithpháirteach idir an Coimisiún agus an Ballstát óstach. Áireofar sa chomhaontú déthaobhach frithpháirteach sin go n-íocfaidh an tAontas na costais uile a bhaineann le díchoimisiúnú suiteálacha núicléacha an Choimisiúin féin ag suíomhanna JRC, mar aon leis na costais a bhaineann leis an dramhaíl radaighníomhach ghaolmhar a stóráil, agus comhlíonfaidh sé go hiomlán Treoir 2011/70/Euratom ón gComhairle.

1. Forbhreathnú

,

1.1 Tagairtí

1.2 Ceanglais aitheanta

1.3 Caighdeáin ghaolmhara

2. Ceanglais aitheanta

Ceanglais

3. Caighdeáin ghaolmhara

Caighdeáin
  • Builddate: 01.02.2021 00:00:00 -Doknr: CELEX:32021R0100
  • EULAW -

    EN: Legal acts of the European Union from EUR-Lex, https://eur-lex.europa.eu/. © European Union. Re-use is authorised by Decision 2011/833/EU, provided the source is acknowledged; the consolidated texts are licensed under CC BY 4.0 (EUR-Lex legal notice). Divided into sections and converted into the GRCA format, the wording unchanged. Only the legislation published in the Official Journal of the European Union is deemed authentic.

    DE: Rechtsakte der Europäischen Union aus EUR-Lex, https://eur-lex.europa.eu/. © Europäische Union. Weiterverwendung nach Beschluss 2011/833/EU mit Quellenangabe gestattet; die konsolidierten Fassungen stehen unter CC BY 4.0 (Rechtlicher Hinweis von EUR-Lex). In Abschnitte aufgeteilt und in das GRCA-Format umgewandelt, der Wortlaut unverändert. Verbindlich sind allein die im Amtsblatt der Europäischen Union veröffentlichten Rechtsakte.