Airteagal 4 Colúin ghníomhaíochta

tacaíocht d’idirnasc na n-acmhainní Ríomhaireachta Ardfheidhmíochta, ríomhaireachta candamaí agus sonraí atá faoi úinéireacht iomlán nó faoi pháirtúinéireacht an Chomhghnóthais nó atá á gcur ar fáil ag na Stáit Rannpháirteacha ar bhonn deonach;

tacaíocht d’idirnasc na mbonneagar sár-ríomhaireachta agus ríomhaireachta candamaí le spásanna coiteanna sonraí Eorpacha an Aontais, agus bonneagair néil agus sonraí cónasctha, slána;

tacaíocht d’fhorbairt, fáil agus oibriú ardáin le haghaidh cónascadh rianúil agus soláthar seirbhíse slán do sheirbhís sár-ríomhaireachta agus ríomhaireachta candamaí agus bonneagar sonraí, lena mbunaítear pointe rochtana ilfhreastail le haghaidh aon seirbhís sár-ríomhaireachta nó sonraí arna mbainistiú ag an gComhghnóthas, ag tabhairt pointe iontrála aonair d’aon úsáideoir;

comhpháirteanna micrea-phróiseála ísealchumhachta, comhpháirteanna idirnascachta, ailtireacht an chórais agus teicneolaíochtaí gaolmhara amhail algartaim nua, cóid bhogearraí, uirlisí, agus timpeallachtaí;

paraidímí ríomhaireachta atá ag teacht chun cinn agus a gcomhtháthú i bpríomhchórais sár-ríomhaireachta trí chur chuige atá bunaithe ar chomhdhearadh; nascfar na teicneolaíochtaí sin le forbairt, fáil agus cur chun úsáide na sár-ríomhairí ardleibhéil, lena n-áirítear ríomhairí candamacha, agus na mbonneagar;

teicneolaíochtaí agus córais chun córais sár-ríomhaireachta chlasaiceacha a idirnascadh agus a oibriú le teicneolaíochtaí ríomhaireachta eile ar minic comhlántach iad, amhail ríomhaireacht chandamach nó teicneolaíochtaí ríomhaireachta eile atá ag teacht chun cinn agus a n-oibriú éifeachtach a áirithiú;

algartaim nua agus teicneolaíochtaí bogearraí a thairgeann méaduithe feidhmíochta suntasacha;

feidhmchláir, lena n-áirítear algartaim agus forbairtí bogearraí nua, le haghaidh úsáideoirí poiblí agus príobháideacha a thairbhíonn ó shaothrú acmhainní agus chumais na sár-ríomhairí ardleibhéil agus a gcoinbhéirseacht le hardteicneolaíochtaí digiteacha amhail an intleacht shaorga, anailísíocht sonraí ardfheidhmíochta, teicneolaíochtaí néil, etc., trí chóid agus feidhmchláir Ríomhaireachta Ardfheidhmíochta-chumasaithe, mórscála agus atá ag teacht chun cinn sa mhargadh a chomhdhearadh, a fhorbairt agus a bharrfheabhsú;

tacaíocht a thabhairt, i measc rudaí eile, d’Ionaid Barr Feabhais sa Ríomhaireacht Ardfheidhmíocht i bhfeidhmchláir agus do thaispeántóirí píolótacha agus do bhinsí tástála Ríomhaireachta Ardfheidhmíochta-chumasaithe mórscála le haghaidh feidhmchláir olltiomsaithe sonraí agus ardseirbhísí digiteacha i raon leathan earnálacha eolaíocha, poiblí agus tionsclaíocha;

fáil agus oibriú sár-ríomhairí arna mbarrfheabhsú le IS arna gcomhshuíomh le lárionaid sonraí nó atá nasctha le lárionaid sonraí trí líonraí fíor-ardluais;

sár-ríomhairí EuroHPC atá ann cheana a bhfuil cumas IS acu a uasghrádú;

rochtain agus deiseanna cothroma rochtana ar na sár-ríomhairí arna mbarrfheabhsú le IS nó ar na sár-ríomhairí EuroHPC arna n-uasghrádú le cumais IS a sholáthar, lena n-áirítear a n-úsáid a leathnú chuig líon mór úsáideoirí poiblí agus príobháideacha, lena n-áirítear gnólachtaí nuathionscanta agus fiontair bheaga agus mheánmhéide;

lárionaid seirbhísí sár-ríomhaireachta láraithe nó dáilte atá dírithe ar IS a oibriú chun tacú le héiceachóras na ngnólachtaí nuathionscanta i réimse IS agus le héiceachóras an taighde agus na nuálaíochta lena soláthraítear tacaíocht algartamach, tacú le samhlacha agus córais oiliúna IS a fhorbairt a thuilleadh, a chur faoi oiliúint, a thástáil, a mheas agus a bhailíochtú, agus tacú le forbairt feidhmeanna IS ar mhórscála atá ag teacht chun cinn i réimsí straitéiseacha lena n-áirítear an tsláinte agus cúram sláinte, an t-athrú aeráide, róbataic, nó tiomáint nasctha nó uathoibrithe.

saoráidí clársceidealaithe atá fabhrach don sár-ríomhaire a oibriú, lena n-áirítear chun feidhmeanna IS a chomhthreorú chun an úsáid is fearr a bhaint as cumais sár-ríomhaireachta;

seirbhísí sár-ríomhaireachta eile lena gcumasaítear IS a oibriú;

daoine tréitheacha a mhealladh, a chomhthiomsú agus a chur faoi oiliúint chun a n-inniúlachtaí agus a scileanna a fhorbairt maidir le sár-ríomhairí EuroHPC don IS;

idirghníomhú le monarchana IS eile, rochtain ar a seirbhísí a chur ar fáil ar fud na hEorpa agus comhoibriú le Lárionaid Inniúlachtaí EuroHPC agus Lárionaid Barr Feabhais EuroHPC, agus le tionscnaimh ábhartha IS de chuid an Aontais, mar atá moil na ngnólachtaí nuathionscanta i réimse na hintleachta saorga, éiceachóras na hintleachta saorga agus na sonraí, Saoráidí Tástála agus Turgnamhaíochta na hIntleachta Saorga, an tArdán Lárnach Eorpach maidir leis an Intleacht Shaorga, na Moil Nuálaíochta Digití atá dírithe ar an intleacht shaorga, Institiúid Eorpach na bPobal Eolais agus Nuálaíochta Teicneolaíochta a bhaineann leis an Intleacht Shaorga, bonneagair thaighde Eorpacha ábhartha agus tionscnaimh ghaolmhara eile;

bonneagar ríomhaireachta IS den chéad scoth a chur ar fáil do thaighdeoirí, fiontraithe agus tionscail na hEorpa, lena n-áirítear FBManna, gnólachtaí nuathionscanta, gnólachtaí atá i mbun fáis, agus an earnáil phoiblí;

forbairt réiteach IS nua a chumasú ar fud na n-earnálacha poiblí agus príobháideacha uile, lena n-áirítear forbairt bunsamhlacha; agus

iomaíochas agus ceannasacht an Aontais mar mhór-roinn IS a áirithiú;

taighde agus nuálaíocht eolaíoch agus theicneolaíoch: sármhaitheas taighde a chur chun cinn i réimsí na heolaíochta candamaí agus na teicneolaíochta candamaí;

aistriú “ón tsaotharlann go dtí an mhonarcha” agus forbairt an éiceachórais: tacú le bonneagair chandamacha úrscothacha a fhorbairt agus a chur chun úsáide; tionsclú teicneolaíochtaí candamacha a chothú trí thacú le glacadh feidhmchlár candamach i bpríomhearnálacha poiblí agus tionsclaíocha; a áirithiú go n-aistreofar dul chun cinn ar fud na réimsí candamacha go fíorfheidhmeanna, lena n-áirítear príomh-mhargaí a fhorbairt; caighdeáin Eorpacha agus idirnáisiúnta a chur chun cinn; agus tacú le forbairt agus líonrú lárionad náisiúnta inniúlachta candamaí ar fud na hEorpa;

dlús a chur le forbairt agus oibríochtú córas ríomhaireachta candamaí atá lochtlamhálach agus atá ag brath ar bhearta poiblí chun tacú le héiceachóras candamach agus slabhra soláthair Eorpach atá iomaíoch agus bunaithe ar theicneolaíochtaí a dhéantar agus a dheartar san Eoraip;

scileanna agus tallann: lucht saothair innealtóireachta agus taighde chandamaigh iomaíoch agus cuimsitheach a fhorbairt trí thionscnaimh chomhordaithe oideachais, oiliúna agus soghluaisteachta, ar fud príomhdhisciplíní agus príomhréimsí teicniúla a bhaineann le candam;

comhar idirnáisiúnta: comhar idirnáisiúnta a fhorbairt i dteicneolaíochtaí candamacha chun dúshláin dhomhanda eolaíocha agus shochaíocha a réiteach, i gcomhréir le cuspóirí beartais sheachtraigh agus le gealltanais idirnáisiúnta an Aontais.