+Airteagal 10 Comhaontú óstach
---+Airteagal 10 1.
---+Airteagal 10 2.
---+Airteagal 10 3.
---+Airteagal 10 4.
---+Airteagal 10 5.
---+Airteagal 10 6.
|
Airteagal 10 Comhaontú óstach
1. Forbhreathnú
| Teideal |
Rialáil |
|
Airteagal 10 1.
|
Sula seolfaidh sé an nós imeachta chun sár-ríomhaire EuroHPC a fháil, tabharfaidh an Comhghnóthas comhaontú óstach i gcrích le gach eintiteas óstach a roghnófar.
|
|
Airteagal 10 2.
|
Tabharfar aghaidh go háirithe sa chomhaontú óstach ar na gnéithe seo a leanas maidir leis na sár-ríomhairí EuroHPC:
(a)
na cearta agus na hoibleagáidí i rith an nós imeachta chun an sár-ríomhaire a fháil, lena n-áirítear tástálacha inghlacthachta an tsár-ríomhaire;
(b)
na coinníollacha dliteanais chun an sár-ríomhaire a oibriú;
(c)
an cháilíocht seirbhíse a thairgfear do na húsáideoirí ar oibriú an tsár-ríomhaire, mar a leagtar amach sa chomhaontú seirbhíse;
(d)
na pleananna maidir le héifeachtúlacht fuinnimh agus inbhuanaitheacht chomhshaoil an tsár-ríomhaire;
(e)
coinníollacha rochtana do sciar an Aontais d’aga rochtana ar an sár-ríomhaire, mar a chinneann an Bord Rialaithe i gcomhréir le hAirteagal 17;
(f)
modhanna cuntasaíochta na n-agaí rochtana;
(g)
sciar den chostas iomlán úinéireachta a shocróidh an t-eintiteas óstach a bheidh cumhdaithe ag an Stát Rannpháirteach sa chás go bhfuil an t-eintiteas óstach bunaithe sa chuibhreannas óstach nó ag na Stáit Rannpháirtithe sa chuibhreannas óstach;
(h)
na coinníollacha maidir leis an aistriú úinéireachta dá dtagraítear in Airteagail 11(5), 12(7), 13(6) agus 14(6), lena n-áirítear, i gcás na sár-ríomhairí EuroHPC, forálacha maidir lena luach iarmharach agus maidir lena ndíchoimisiúnú a ríomh;
(i)
an oibleagáid atá ar an eintiteas óstach rochtain a sholáthar ar na sár-ríomhairí EuroHPC, ag áirithiú san am céanna shlándáil na sár-ríomhairí, cosaint sonraí pearsanta i gcomhréir le Rialachán (AE) 2016/679, cosaint príobháideachas cumarsáide leictreonaí i gcomhréir le Treoir 2002/58/CE, cosaint rúin trádála i gcomhréir le Treoir (AE) 2016/943 agus cosaint rúndacht sonraí eile arna gcumhdach leis an oibleagáid maidir le rúndacht ghairmiúil;
(j)
an oibleagáid atá ar an eintiteas óstach nós imeachta iniúchta deimhnithe a chur i bhfeidhm lena gcumhdaítear costais oibriúcháin an tsár-ríomhaire EuroHPC agus agaí rochtana na n-úsáideoirí;
(k)
an oibleagáid atá ar an eintiteas óstach tuarascáil iniúchóireachta agus sonraí maidir leis an úsáid a baineadh as aga rochtana sa bhliain airgeadais roimhe sin a chur isteach chuig an mBord Rialaithe faoin 31 Eanáir gach bliain;
▼M1
(l)
na coinníollacha sonracha is infheidhme nuair a oibríonn an t-eintiteas óstach sár-ríomhaire EuroHPC le húsáid san earnáil tionsclaíochta, nó nuair a oibríonn an t-eintiteas óstach sár-ríomhaire arna bharrfheabhsú le IS.
▼B
|
|
Airteagal 10 3.
|
Is le dlí an Aontais a rialófar an comhaontú óstach, agus déanfar é a fhorlíonadh, in aon ní nach bhfuil cumhdaithe ag an Rialachán seo nó ag aon ghníomhartha dlíthiúla eile de chuid an Aontais, trí dhlí an Bhallstáit ina bhfuil an t-eintiteas óstach bunaithe.
|
|
Airteagal 10 4.
|
Beidh clásal eadrána de réir bhrí Airteagal 272 CFAE sa chomhaontú óstach, ina ndeonófar dlínse ar gach ní a chumhdaítear sa chomhaontú óstach chuig Cúirt Bhreithiúnais an Aontais Eorpaigh.
|
|
Airteagal 10 5.
|
Tar éis an comhaontú óstach a thabhairt i gcrích, agus gan dochar do mhír 2 den Airteagal seo, seolfaidh an Comhghnóthas, le tacaíocht ón eintiteas óstach a roghnófar, na nósanna imeachta maidir leis an sár-ríomhaire EuroHPC a fháil i gcomhréir le rialacha airgeadais an Chomhghnóthais dá dtagraítear in Airteagal 19.
|
|
Airteagal 10 6.
|
I gcás ríomhairí lár-raoin, tar éis an comhaontú óstach a thabhairt i gcrích, seolfaidh an Comhghnóthas, nó an teintiteas óstach thar ceann an dá pháirtí chonarthacha na nósanna imeachta maidir leis an sár-ríomhaire EuroHPC a fháil i gcomhréir le rialacha airgeadais an Chomhghnóthais dá dtagraítear in Airteagal 19.
|
,
1.1 Tagairtí
1.2 Ceanglais aitheanta
1.3 Caighdeáin ghaolmhara
2. Ceanglais aitheanta
Ceanglais
| Foinse |
Ceanglas |
3. Caighdeáin ghaolmhara
Caighdeáin
| Foinse |
Ceanglas |
- Builddate: 20.01.2026 00:00:00 -Doknr: CELEX:32021R1173
- EULAW -
EN: Legal acts of the European Union from EUR-Lex, https://eur-lex.europa.eu/. © European Union. Re-use is authorised by Decision 2011/833/EU, provided the source is acknowledged; the consolidated texts are licensed under CC BY 4.0 (EUR-Lex legal notice). Divided into sections and converted into the GRCA format, the wording unchanged. Only the legislation published in the Official Journal of the European Union is deemed authentic.
DE: Rechtsakte der Europäischen Union aus EUR-Lex, https://eur-lex.europa.eu/. © Europäische Union. Weiterverwendung nach Beschluss 2011/833/EU mit Quellenangabe gestattet; die konsolidierten Fassungen stehen unter CC BY 4.0 (Rechtlicher Hinweis von EUR-Lex). In Abschnitte aufgeteilt und in das GRCA-Format umgewandelt, der Wortlaut unverändert. Verbindlich sind allein die im Amtsblatt der Europäischen Union veröffentlichten Rechtsakte.
|