2. Ní dochar cur i bhfeidhm an Rialacháin seo do cheannasacht na mBallstát ar a n-aerspás ná do cheanglais na mBallstát a bhaineann leis an mbeartas poiblí, leis an tslándáil phoiblí agus le hábhair chosanta, mar a leagtar amach in Airteagal 55. Ní chumhdaítear oibríochtaí míleata ná traenáil mhíleata leis an Rialachán seo. Áiritheofar go ndéanfar comhordú leis na húdaráis mhíleata chun aon tionchair a d’fhéadfadh a bheith ag cur i bhfeidhm an Rialacháin seo ar ghníomhaíochtaí míleata a shainaithint agus chun aghaidh a thabhairt orthu.