2. Nótaí a ghabhann le Tábla 1

Nóta 1

:

Is é is neamhchinnteacht tomhais ann paraiméadar neamhdhiúltach a bhfuil de shaintréith aige scaipeadh na luachanna cainníochta a shanntar do thomhasán, bunaithe ar an bhfaisnéis a úsáidtear. Tá an critéar feidhmíochta le haghaidh na neamhchinnteachta tomhais (k = 2) cothrom leis an gcéatadán den luach paraiméadrach a luaitear sa tábla nó le haon luach eile is déine ná sin. Mura sonraítear a mhalairt, measfar gur ar leibhéal an luacha pharaiméadraigh a thomhaisfear an neamhchinnteacht tomhais.

Nóta 2

:

Mura féidir luach na neamhchinnteachta tomhais a chomhlíonadh, ba cheart an teicníc is fearr atá ar fáil a roghnú (suas le 60 %).

Nóta 3

:

Leis an modh seo, déantar iomlán na ciainíde sna foirmeacha go léir ina mbíonn sí a chinneadh.

Nóta 4

:

In aonaid pH a shloinntear luach na neamhchinnteachta tomhais.

Nóta 5

:

Modh tagartha: EN ISO 8467.

Nóta 6

:

Is mar threoir amháin a thugtar na saintréithe feidhmíochta a bhaineann le lotnaidicídí aonair. A fhad a bhaineann leis an neamhchinnteacht tomhais, is féidir luachanna atá chomh híseal le 30 % a bhaint amach i gcás roinnt lotnaidicídí, agus is féidir go gceadófar luachanna is airde ná sin, suas le 80 %, i gcás lotnaidicídí áirithe.

Nóta 7

:

Tá feidhm ag na saintréithe feidhmíochta maidir le gach substaint ar leith, a shonraítear mar 25 % den luach paraiméadrach atá i gCuid B d’Iarscríbhinn I.

Nóta 8

:

Tá feidhm ag na saintréithe feidhmíochta maidir le gach substaint ar leith, a shonraítear mar 50 % den luach paraiméadrach atá i gCuid B d’Iarscríbhinn I.

Nóta 9

:

Ba cheart an neamhchinnteacht tomhais a mheas ag leibhéal 3 mg/l d’iomlán an charbóin orgánaigh (TOC). Úsáidfear Treoirlínte EN 1484 i ndáil le TOC agus carbón orgánach tuaslagtha (DOC) a chinneadh i dtaobh sonraíocht neamhchinnteacht an mhodha tástála.

Nóta 10

:

Ba cheart an neamhchinnteacht tomhais a mheas ag leibhéal 1,0 NTU (aonaid moirtiúlachta neifiliméadraí), i gcomhréir le EN ISO 7027 nó modh caighdeánach comhchosúil eile.