+Network Design and Segmentation

Network Design and Segmentation

Design the network infrastructure in a way that allows it to be instantaneously severed or segmented to minimize and prevent contagion. Have provisions for temporarily isolating subnetworks and network components/devices. Ensure redundant capabilities are equipped with sufficient resources, capabilities, and functions (e.g., redundant network setup). Systems and networks must be segregated based on function criticality, classification, and overall risk profile. Maintain a separate network for asset administration. Provide a Layer 3 or 7 (L3/L7) visual representation of all networks and data flows. Conduct yearly performance reviews of the network architecture/design.

1. Forbhreathnú

1.1 Tagairtí

1.2 Ceanglais aitheanta

1.3 Rialacháin ghaolmhara

2. Ceanglais aitheanta

Ceanglais

3. Rialacháin ghaolmhara

Rialacháin
EULAW Airteagal 9 4

4.   Mar chuid de chreat bainistíochta riosca TFC dá dtagraítear in Airteagal 6(1), déanfaidh eintitis airgeadais na nithe seo a leanas:

(a)

beartas slándála faisnéise a fhorbairt agus a dhoiciméadú lena sainítear rialacha chun infhaighteacht, barántúlacht, sláine agus rúndacht sonraí, sócmhainní faisnéise agus sócmhainní TFC, lena n-áirítear cinn a gcustaiméirí, a chosaint, i gcás inarb infheidhme;

(b)

i gcomhréir le cur chuige bunaithe ar riosca, struchtúr bainistíochta fónta gréasáin agus bonneagair a bhunú trí úsáid a bhaint as teicnící, modhanna agus prótacail iomchuí ar a bhféadfar a áireamh sásraí uathoibrithe a chur chun feidhme chun sócmhainní faisnéise, a ndearnadh difear dóibh, a scaradh amach i gcás cibirionsaithe;

(c)

beartais a chur i bhfeidhm lena ndéantar an rochtain fhisiciúil nó loighciúil ar shócmhainní faisnéise agus sócmhainní TFC a theorannú dá bhfuil riachtanach le haghaidh feidhmeanna agus gníomhaíochtaí dlisteanacha formheasta amháin, agus sraith beartas, nósanna imeachta agus rialuithe a bhunú chuige sin lena dtugtar aghaidh ar chearta rochtana agus lena n-áirithítear riarachán fónta orthu sin;

(d)

beartais agus prótacail le haghaidh sásraí láidre fíordheimhnithe a chur chun feidhme, bunaithe ar chaighdeáin ábhartha agus ar chórais thiomnaithe rialuithe, agus bearta cosanta i ndáil le heochracha cripteagrafacha trína ndéantar sonraí a chriptiú bunaithe ar thorthaí próiseas formheasta aicmithe sonraí agus measúnaithe riosca TFC;

(e)

beartais, nósanna imeachta agus rialuithe doiciméadaithe a chur chun feidhme le haghaidh bainistíocht athruithe TFC, lena n-áirítear athruithe ar bhogearraí, crua-earraí, comhpháirteanna dochtearraí, paraiméadair ar chórais nó paraiméadair slándála, atá bunaithe ar chur chuige measúnaithe riosca agus mar chuid dhílis de phróiseas foriomlán bainistíochta athruithe an eintitis airgeadais, chun a áirithiú go ndéanfar gach athrú ar chórais TFC a thaifeadadh, a thástáil, a mheasúnú, a fhormheas, a chur chun feidhme agus a fhíorú ar bhealach rialaithe;

(f)

beartais iomchuí chuimsitheacha dhoiciméadaithe a bheith acu maidir le paistí agus nuashonruithe.

Chun críocha na chéad fhomhíre, pointe (b), ceapfaidh eintitis airgeadais an bonneagar nasctha gréasáin ar bhealach lenar féidir é a ghearradh ar an toirt nó a dheighilt chun tógálacht a íoslaghdú agus a chosc, go háirithe i gcás próisis airgeadais idirnasctha.

Chun críocha na chéad fhomhíre, pointe (e), déanfar próiseas bainistíochta athruithe TFC a fhormheas ag línte bainistíochta iomchuí agus beidh prótacail shonracha i bhfeidhm aige.
EULAW Airteagal 12 4

4.   Coinneoidh eintitis airgeadais, nach micrifhiontair iad, acmhainneachtaí iomarcacha TFC ar bun a mbeidh acmhainní, cumais agus feidhmeanna acu a bheidh leordhóthanach agus iomchuí chun riachtanais ghnó a áirithiú. Measúnóidh micrifhiontair a riachtanaí atá sé acmhainneachtaí iomarcacha TFC den chineál sin a chothabháil bunaithe ar a bpróifíl riosca.
EULAW Airteagal 13 Bainistiú slándála gréasáin

Airteagal 13

Bainistiú slándála gréasáin

Mar chuid de na coimircí lena n-áirithítear slándáil gréasán in aghaidh ionraí agus mí-úsáid sonraí, déanfaidh eintitis airgeadais beartais, nósanna imeachta, prótacail agus uirlisí bainistithe slándála gréasáin a fhorbairt, a dhoiciméadú agus a chur chun feidhme, lena n-áirítear na nithe uile seo a leanas:

(a) 

córais agus gréasáin TFC a leithscaradh agus a dheighilt, agus na nithe seo a leanas á gcur san áireamh:

(i) 

criticiúlacht nó tábhacht na feidhme a dtacaíonn na córais agus na gréasáin TFC sin léi;

(ii) 

an t-aicmiú a bhunaítear i gcomhréir le hAirteagal 8(1) de Rialachán (AE) 2022/2554;

(iii) 

próifíl riosca fhoriomlán sócmhainní TFC a úsáideann na córais agus na gréasáin TFC sin;

(b) 

naisc ghréasáin agus sreabha sonraí uile an eintitis airgeadais a dhoiciméadú;

(c) 

gréasán scartha tiomnaithe a úsáid chun sócmhainní TFC a riar;

(d) 

rialuithe rochtana gréasáin a shainaithint agus a chur chun feidhme chun naisc a dhéanfaidh aon ghaireas nó córas neamhúdaraithe le gréasán an eintitis airgeadais, nó a dhéanfaidh aon chríochphointe nach gcomhlíonann ceanglais slándála an eintitis airgeadais, a chosc agus a bhrath;

(e) 

criptiú a dhéanamh ar naisc ghréasáin a théann trí ghréasáin chorparáide, gréasáin phoiblí, gréasáin tí, gréasáin tríú páirtí agus gréasáin gan sreang, le haghaidh na bprótacal cumarsáide a úsáidtear, agus torthaí an aicmithe sonraí fhormheasta, torthaí an mheasúnaithe riosca TFC agus an criptiú ar naisc ghréasáin dá dtagraítear in Airteagal 6(2) á gcur san áireamh;

(f) 

gréasáin a dhearadh i gcomhréir leis na ceanglais slándála TFC arna leagan síos ag an eintiteas airgeadais, agus cleachtais atá chun tosaigh á gcur san áireamh chun rúndacht, sláine agus infhaighteacht an ghréasáin a áirithiú;

(g) 

trácht gréasáin idir na gréasáin inmheánacha agus an t-idirlíon agus naisc sheachtracha eile a dhaingniú;

(h) 

na róil, na freagrachtaí agus na céimeanna a shainaithint chun rialacha maidir le balla dóiteáin agus scagairí nasc a shonrú, a chur chun feidhme, a fhormheas, a athrú agus a athbhreithniú;

(i) 

athbhreithnithe a dhéanamh uair amháin sa bhliain, agus go tréimhsiúil i gcás micrifhiontar, ar ailtireacht líonraí agus ar an dearadh slándála gréasáin chun leochaileachtaí féideartha a bhrath;

(j) 

na bearta chun fo-ghréasáin, agus comhpháirteanna agus gairis ghréasáin, a leithlisiú go sealadach i gcás inar gá;

(k) 

bunlíne cumraíochta sláine gach comhpháirte gréasáin a chur chun feidhme, agus an gréasán agus gairis ghréasáin a chruachan i gcomhréir le haon treoir ón díoltóir agus, i gcás inarb infheidhme, le caighdeáin a shainítear in Airteagal 2, pointe (1), de Rialachán (AE) Uimh. 1025/2012, agus le cleachtais atá chun tosaigh;

(l) 

na nósanna imeachta chun seisiúin chórais agus chianda a theorannú, a ghlasáil agus a chríochnú tar éis tréimhse shonraithe neamhghníomhaíochta;

(m) 

i gcás comhaontuithe seirbhísí gréasáin:

(i) 

bearta slándála faisnéise agus TFC, leibhéil seirbhíse agus ceanglais bhainistíochta na seirbhísí gréasáin uile a shainaithint agus a shonrú;

(ii) 

cé acu soláthraí seirbhísí TFC inghrúpa nó soláthraithe seirbhísí TFC tríú páirtí a sholáthraíonn na seirbhísí sin.

Chun críocha phointe (h), déanfaidh eintitis airgeadais an t-athbhreithniú ar rialacha maidir le balla dóiteáin agus scagairí nasc ar bhonn tráthrialta i gcomhréir leis an aicmiú a bhunaítear i gcomhréir le hAirteagal 8(1) de Rialachán (AE) 2022/2554 agus le próifíl riosca fhoriomlán na gcóras TFC lena mbaineann. I gcás córais TFC lena dtacaítear le feidhmeanna criticiúla nó tábhachtacha, fíoróidh eintitis airgeadais gach 6 mhí ar a laghad go bhfuil na rialacha atá ann cheana maidir le balla dóiteáin agus scagairí nasc leordhóthanach.
  • NOREA -

    EN: DORA in Control Framework of NOREA, the Dutch professional association of IT auditors, https://www.norea.nl/. © NOREA. Reproduced with the permission of NOREA; converted into the GRCA format. Only the version published by NOREA is authoritative.

    DE: DORA in Control Framework von NOREA, dem niederländischen Berufsverband der IT-Auditoren, https://www.norea.nl/. © NOREA. Wiedergabe mit Genehmigung von NOREA; in das GRCA-Format umgewandelt. Maßgeblich ist allein die von NOREA veröffentlichte Fassung.