English - European Union - Energy -

DIRETTIVA (UE) 2023/1791 TAL-PARLAMENT EWROPEW U TAL-KUNSILL tat-13 ta’ Settembru 2023 dwar l-effiċjenza enerġetika u li temenda r-Regolament (UE) 2023/955 (riformulazzjoni) (Test b’rilevanza għaż-ŻEE)

DIRETTIVA (UE) 2023/1791 TAL-PARLAMENT EWROPEW U TAL-KUNSILL

tat-13 ta’ Settembru 2023

dwar l-effiċjenza enerġetika u li temenda r-Regolament (UE) 2023/955 (riformulazzjoni)

(Test b’rilevanza għaż-ŻEE)

1. Ħarsa ġenerali

KAPITOLU I SUĠĠETT, KAMP TA’ APPLIKAZZJONI, DEFINIZZJONIJIET U MIRI GĦALL-EFFIĊJENZA ENERĠETIKA

KAPITOLU II IR-RWOL EŻEMPLARI TAS-SETTUR PUBBLIKU

KAPITOLU III L-EFFIĊJENZA FL-UŻU TAL-ENERĠIJA

KAPITOLU IV INFORMAZZJONI U GĦOTI TA’ SETGĦA LILL-KONSUMATURI

KAPITOLU V L-EFFIĊJENZA FIL-PROVVISTA TAL-ENERĠIJA

KAPITOLU VI DISPOŻIZZJONIJIET ORIZZONTALI

KAPITOLU VII DISPOŻIZZJONIJIET FINALI

ANNESS I KONTRIBUTI NAZZJONALI GĦALL-MIRI TAL-UNJONI GĦALL-EFFIĊJENZA ENERĠETIKA FL-2030 FIL-KONSUM TAL-ENERĠIJA FINALI U/JEW FIL-KONSUM TAL-ENERĠIJA PRIMARJA

ANNESS I

KONTRIBUTI NAZZJONALI GĦALL-MIRI TAL-UNJONI GĦALL-EFFIĊJENZA ENERĠETIKA FL-2030 FIL-KONSUM TAL-ENERĠIJA FINALI U/JEW FIL-KONSUM TAL-ENERĠIJA PRIMARJA

1. Il-livell tal-kontributi nazzjonali jiġi kkalkulat abbażi tal-formula indikattiva:

Fejn CEU huwa l-fattur ta’ korrezzjoni, Target huwa l-livell ta’ ambizzjoni speċifiku għall-pajjiż, u FECB2030 PECB2030 huwa x-Xenarju ta’ Referenza tal-UE tal-2020 użat bħala xenarju bażi għall-2030.

2. Din il-formula indikattiva li ġejja tirrappreżenta l-kriterji oġġettivi li jirriflettu l-fatturi elenkati fl-Artikolu 4(3), il-punti (d)(i) sa (iv), kull wieħed użat għad-definizzjoni tal-livell ta’ ambizzjoni speċifika nazzjonali bħala % (Target) u bl-istess piż fil-formula (0,25):

(a)

kontribut dipendenti fuq l-azzjoni bikrija(“Fearly-action”);

(b)

kontribut dipendenti fuq il-PDG għal kull ras (“Fwealth”);

(c)

kontribut dipendenti fuq l-intensità enerġetika (“Fintensity”);

(d)

kontribut potenzjali tal-iffrankar tal-enerġija kosteffettiv (“Fpotential”).

3. Fearly-action għandha tiġi kkalkulata għal kull Stat Membru bħala l-prodott tal-ammont tiegħu ta’ ffrankar tal-enerġija u t-titjib fl-intensità enerġetika li kull Stat Membru kiseb. L-ammont ta’ ffrankar tal-enerġija għal kull Stat Membru għandu jiġi kkalkulat abbażi tat-tnaqqis fil-konsum tal-enerġija (f’toe) għat-tnaqqis tal-konsum tal-enerġija tal-Unjoni bejn il-medja ta’ tliet snin għall-perjodu 2007-2009 u l-medja ta’ tliet snin għall-perjodu 2017-2019. It-titjib fl-intensità enerġetika għal kull Stat Membru għandu jiġi kkalkulat abbażi tat-tnaqqis tal-intensità enerġetika (f’toe/EUR) għat-tnaqqis tal-intensità enerġetika tal-Unjoni bejn il-medja ta’ tliet snin għall-perjodu 2007-2009 u l-medja ta’ tliet snin għall-perjodu 2017-2019.

4. L-Fwealth għandha tiġi kkalkulata għal kull Stat Membru abbażi tal-indiċi medju tiegħu ta’ tliet snin tal-PDG per capita reali tal-Eurostat, għall-medja ta’ tliet snin tal-Unjoni tul il-perjodu 2017-2019, espressa f’Paritajiet tal-Kapaċità tal-Akkwist (PPPs).

5. L-Fintensity għandha tiġi kkalkulata għal kull Stat Membru abbażi tal-indiċi medju ta’ tliet snin (FEC jew PEC għal kull PDG reali f’PPPs) tal-intensità enerġetika finali tiegħu, għall-medja ta’ tliet snin tal-Unjoni tul il-perjodu 2017-2019.

6. L-Fpotential għandha tiġi kkalkulata għal kull Stat Membru abbażi tal-iffrankar tal-enerġija finali jew primarja skont ix-xenarju PRIMES MIX 55 % għall-2030. L-iffrankar huwa espress b’rabta mal-projezzjonijiet tax-Xenarju ta’ Referenza tal-UE tal-2020 għall-2030.

7. Għal kull kriterju mogħti fil-punt 2(a) sa (d), għandu jiġi applikat limitu aktar baxx u ogħla. Il-livell ta’ ambizzjoni għall-fatturi Fwealth Fintensity u Fpotential għandu jkun limitat għal 50 % u 150 % tal-livell medju ta’ ambizzjoni tal-Unjoni f’xi fattur partikolari. Il-livell ta’ ambizzjoni għall-fattur Fearly-action għandu jkun limitat għal 50 % u 100 % tal-livell medju ta’ ambizzjoni tal-Unjoni.

8. Is-sors tad-data tal-input użat għall-kalkolu tal-fatturi huwa l-Eurostat sakemm ma jiġix dikjarat mod ieħor.

9. Ftotal għandu jiġi kkalkulat bħala l-għadd totali ponderat tal-erba’ fatturi kollha (Fearly-action. Fwealth Fintensity u Fpotential). Il-mira għandha mbagħad tiġi kkalkulata bħala l-multiplikazzjoni tal-fattur totali Ftotal u l-mira tal-Unjoni.

10. Il-Kummissjoni għandha tikkalkula fattur ta’ korrezzjoni tal-enerġija primarja u finali CEU, li għandu jiġi applikat biex jaġġusta s-somma totali tar-riżultati tal-formula għall-kontributi nazzjonali kollha għall-miri rispettivi tal-Unjoni fl-2030. Il-fattur CEU huwa identiku għall-Istati Membri kollha.

ANNESS II IL-PRINĊIPJI ĠENERALI GĦALL-KALKOLU TAL-ELETTRIKU MILL-KOĠENERAZZJONI

ANNESS II

IL-PRINĊIPJI ĠENERALI GĦALL-KALKOLU TAL-ELETTRIKU MILL-KOĠENERAZZJONI

Parti I

Prinċipji ġenerali

Il-valuri użati għall-kalkolu tal-elettriku mill-koġenerazzjoni għandhom jiġu ddeterminati abbażi tal-operazzjoni mistennija jew attwali tal-unità waqt kundizzjonijiet tal-użu normali. Għall-unitajiet tal-mikrokoġenerazzjoni, il-kalkolu jista’ jkun ibbażat fuq valuri ċċertifikati.

(1)

Il-produzzjoni tal-elettriku mill-koġenerazzjoni għandha titqies ugwali għall-produzzjoni annwali totali tal-elettriku tal-unità mkejla fl-iżbokk tal-ġeneraturi ewlenin; diment li jiġu ssodisfati dawn il-kundizzjonijiet li ġejjin:

(a)

f’unitajiet tal-koġenerazzjoni tat-tipi (2), (4), (5), (6), (7) u (8) kif imsemmi fil-Parti II b’effiċjenza ġenerali annwali stabbilita mill-Istati Membri f’livell ta’ mill-inqas 75 %;

(b)

f’unitajiet tal-koġenerazzjoni tat-tipi (1) u (3) kif imsemmi fil-Parti II b’effiċjenza ġenerali annwali stabbilita mill-Istati Membri f’livell ta’ mill-inqas 80 %.

(2)

F’unitajiet tal-koġenerazzjoni b’effiċjenza ġenerali annwali inqas mill-valur imsemmi fil-punt (1)(a), jiġifieri l-unitajiet tal-koġenerazzjoni tat-tipi (2), (4), (5), (6), (7), u (8) kif imsemmi fil-Parti II, jew b’effiċjenza ġenerali annwali inqas mill-valur imsemmi fil-punt (1)(b), jiġifieri l-unitajiet tal-koġenerazzjoni tat-tipi (1) u (3) kif imsemmi fil-Parti II, l-elettriku mill-koġenerazzjoni jiġi kkalkolat bil-formula li ġejja:

ECHP=HCHP*C

fejn:

ECHP hija l-ammont ta’ elettriku mill-koġenerazzjoni;

C hija l-proporzjon tal-enerġija għas-sħana;

HCHP hija l-ammont ta’ sħana utli mill-koġenerazzjoni (ikkalkulat għal dan il-għan bħala l-produzzjoni totali tas-sħana, bit-tnaqqis ta’ kull sħana ġġenerata f’bojlers separati jew bl-estrazzjoni ta’ fwar taħt pressjoni (live steam) mill-ġeneratur tal-fwar qabel it-turbina).

Il-kalkolu tal-elettriku mill-koġenerazzjoni għandu jkun ibbażat fuq il-proporzjon proprja tal-potenza għas-sħana. Jekk il-proporzjon proprja tal-potenza għas-sħana ta’ unità tal-koġenerazzjoni mhux magħruf, jistgħu jintużaw il-valuri prestabbiliti li ġejjin, b’mod partikolari għall-finijiet statistiċi, għall-unitajiet tat-tipi (1), (2), (3), (4) u (5) kif imsemmi fil-Parti II, dment li l-elettriku mill-koġenerazzjoni kkalkolat ikun daqs jew inqas mill-produzzjoni totali tal-elettriku tal-unità:

Tip tal-unità	Il-proporzjon prestabbilit tal-potenza għas-sħana, C
Turbina tal-gass b’ċiklu kkombinat bl-irkupru tas-sħana	0,95
Turbina ta’ kontropressjoni tal-fwar	0,45
Turbina ta’ estrazzjoni bil-kondensazzjoni tal-fwar	0,45
Turbina tal-gass bl-irkupru tas-sħana	0,55
Magna ta’ kombustjoni interna	0,75

Jekk l-Istati Membri jintroduċu valuri prestabbiliti għall-proporzjonijiet tal-potenza għas-sħana għall-unitajiet tat-tipi (6), (7), (8), (9), (10) u (11) kif imsemmi fil-Parti II, dawn il-valuri prestabbiliti għandhom jiġu ppubblikati u notifikati lill-Kummissjoni.

(3)

Jekk sehem mill-kontenut tal-enerġija tal-input tal-fjuwil fil-proċess tal-koġenerazzjoni jiġi rkuprat f’kimiċi u jiġi riċiklat, dak is-sehem jista’ jitnaqqas mill-input tal-fjuwil qabel ma tiġi kkalkolata l-effiċjenza ġenerali użata fil-punti (1) u (2).

(4)

L-Istati Membri jistgħu jiddeterminaw il-proporzjon tal-potenza għas-sħana bħala l-proporzjon tal-elettriku għas-sħana utli meta l-operazzjoni ssir fil-modalità ta’ koġenerazzjoni b’kapaċità aktar baxxa li tuża data operazzjonali tal-unità speċifika.

(5)

L-Istati Membri jistgħu jużaw perjodi tar-rappurtar oħrajn minflok il-perjodi tar-rappurtar ta’ kull sena għall-finijiet tal-kalkoli f’konformità mal-punti (1) u (2).

Parti II

Teknoloġiji tal-koġenerazzjoni koperti minn din id-Direttiva

(1)

Turbina tal-gass b’ċiklu kkombinat bl-irkupru tas-sħana

(2)

Turbina ta’ kontropressjoni tal-fwar

(3)

Turbina ta’ estrazzjoni bil-kondensazzjoni tal-fwar

(4)

Turbina tal-gass bl-irkupru tas-sħana

(5)

Magna ta’ kombustjoni interna

(6)

Mikroturbini

(7)

Magni Stirling

(8)

Ċelloli tal-fjuwil

(9)

Magni tal-fwar

(10)

Ċikli Rankine organiċi

(11)

Kwalunkwe tip ieħor ta’ teknoloġija jew kombinazzjoni li tinvolvi l-koġenerazzjoni.

Meta jimplimentaw u japplikaw il-prinċipji ġenerali għall-kalkolu tal-elettriku mill-koġenerazzjoni, l-Istati Membri għandhom jużaw il-Linji Gwida dettaljati stabbiliti bid-Deċiżjoni tal-Kummissjoni 2008/952/KE ( 16 ).

ANNESS III METODOLOĠIJA BIEX TIĠI DDETERMINATA L-EFFIĊJENZA TAL-PROĊESS TAL-KOĠENERAZZJONI

ANNESS III

METODOLOĠIJA BIEX TIĠI DDETERMINATA L-EFFIĊJENZA TAL-PROĊESS TAL-KOĠENERAZZJONI

Il-valuri użati għall-kalkolu tal-effiċjenza tal-koġenerazzjoni, u tal-iffrankar tal-enerġija primarja għandhom jiġu ddeterminati abbażi tal-operazzjoni mistennija jew attwali tal-unità waqt kundizzjonijiet tal-użu normali.

(a) Koġenerazzjoni ta’ effiċjenza għolja

Għall-fini ta’ din id-Direttiva, il-koġenerazzjoni ta’ effiċjenza għolja għandha tissodisfa dawn il-kriterji li ġejjin:

—

il-produzzjoni tal-koġenerazzjoni mill-unitajiet tal-koġenerazzjoni għandhom jipprovdu ffrankar tal-enerġija primarja kkalkolat skont il-punt (b) ta’ mill-inqas 10 % meta mqabbla mar-referenzi għal produzzjoni separata tas-sħana u tal-elettriku;

—

il-produzzjoni minn unitajiet ta’ skala żgħira u tal-mikrokoġenerazzjoni li jipprovdu ffrankar tal-enerġija primarja jistgħu jikkwalifikaw bħala koġenerazzjoni ta’ effiċjenza għolja;

—

għall-unitajiet tal-koġenerazzjoni li jinbnew jew jiġu rinnovati sostanzjalment wara t-traspożizzjoni ta’ dan l-Anness, l-emissjonijiet diretti tad-diossidu tal-karbonju mill-produzzjoni tal-koġenerazzjoni alimentata bil-fjuwils fossili, huma inqas minn 270 gCO2 għal kull 1 kWh ta’ output ta’ enerġija mill-ġenerazzjoni kkombinata (inkluż tisħin/tkessiħ, potenza u enerġija mekkanika);

—

unitajiet ta’ koġenerazzjoni li jkunu qed joperaw qabel l-10 ta’ Ottubru 2023, jistgħu jidderogaw minn dan ir-rekwiżit sal-1 ta’ Jannar 2034 dment li jkollhom pjan li jnaqqsu progressivament l-emissjonijiet biex jilħqu l-limitu ta’ inqas minn 270 gCO2 għal kull 1 kWh sal-1 ta’ Jannar 2034 u dment li jkunu nnotifikaw dan il-pjan lill-operaturi rilevanti u lill-awtoritajiet kompetenti.

Meta unità tal-koġenerazzjoni tinbena jew tiġi rinnovata sostanzjalment, l-Istati Membri għandhom jiżguraw li ma jkun hemm l-ebda żieda fl-użu tal-fjuwils fossili għajr il-gass naturali f’sorsi tas-sħana eżistenti mqabbla mal-konsum annwali medjat għat-tliet snin kalendarji preċedenti ta’ operazzjoni sħiħa qabel ir-rinnovazzjoni, u li kwalunkwe sors tas-sħana ġdid f’dik is-sistema ma jużax fjuwils fossili għajr il-gass naturali.

(b) Kalkolu tal-iffrankar tal-enerġija primarja

L-ammont ta’ ffrankar tal-enerġija primarja miksub bil-produzzjoni tal-koġenerazzjoni definit skont l-Anness II għandu jiġi kkalkolat bil-formula li ġejja:

Fejn:

PES huwa l-iffrankar tal-enerġija primarja.

CHP Hη hija l-effiċjenza tas-sħana tal-produzzjoni tal-koġenerazzjoni definita bħala l-output tas-sħana utli annwali diviż bl-input tal-fjuwil użat biex jinkiseb it-total ta’ output tas-sħana utli u l-elettriku mill-koġenerazzjoni.

Ref Hη huwa l-valur ta’ referenza tal-effiċjenza għal produzzjoni separata tas-sħana.

CHP Eη hija l-effiċjenza elettrika tal-produzzjoni tal-koġenerazzjoni definita bħala l-elettriku annwali mill-koġenerazzjoni diviż bl-input tal-fjuwil użat biex jinkiseb it-total ta’ output tas-sħana utli u l-elettriku mill-koġenerazzjoni. Meta unità tal-koġenerazzjoni tiġġenera enerġija mekkanika, l-elettriku annwali mill-koġenerazzjoni jista’ jiżdied b’element addizzjonali li jirrappreżenta l-ammont ta’ elettriku li huwa ekwivalenti għal dak tal-enerġija mekkanika. Dan l-element addizzjonali ma joħloqx dritt ta’ ħruġ ta’ garanziji tal-oriġini f’konformità mal-Artikolu 26(13).

Ref Eη huwa l-valur ta’ referenza tal-effiċjenza għal produzzjoni separata tal-elettriku.

L-Istati Membri jistgħu jikkalkolaw l-iffrankar tal-enerġija primarja minn produzzjoni tas-sħana u tal-elettriku u tal-enerġija mekkanika kif indikat hawn taħt mingħajr ma japplikaw l-Anness II biex jeskludu l-partijiet tas-sħana u tal-elettriku nonkoġenerati tal-istess proċess. Produzzjoni bħal din tista’ titqies bħala koġenerazzjoni ta’ effiċjenza għolja dment li tkun tissodisfa l-kriterji tal-effiċjenza stabbiliti fil-punt (a) ta’ dan l-Anness u, għall-unitajiet tal-koġenerazzjoni b’kapaċità elettrika aktar minn 25 MW, l-effiċjenza ġenerali tkun aktar minn 70 %. Madankollu, speċifikazzjoni tal-kwantità tal-elettriku mill-koġenerazzjoni ġġenerat bi produzzjoni bħal din, għall-ħruġ ta’ garanzija tal-oriġini u għall-finijiet statistiċi, għandha tiġi ddeterminata f’konformità mal-Anness II.

Jekk l-iffrankar tal-enerġija primarja għal proċess jiġi kkalkolat bil-kalkolu alternattiv kif indikat hawn fuq, l-iffrankar tal-enerġija primarja għandu jiġi kkalkolat bil-formula tal-punt (b) ta’ dan l-Anness li tissostitwixxi: “CHP Hη” bi “Hη”, u “CHP Eη” bi “Eη”, fejn:

Hη tfisser l-effiċjenza tas-sħana tal-proċess definita bħala l-output tas-sħana annwali diviż bl-input tal-fjuwil użat biex jinkiseb it-total ta’ output tas-sħana u ta’ output tal-elettriku.

Eη tfisser l-effiċjenza tal-elettriku tal-proċess definita bħala l-output tal-elettriku annwali diviż bl-input tal-fjuwil użat biex jinkiseb it-total ta’ output tas-sħana u ta’ output tal-elettriku. Meta unità tal-koġenerazzjoni tiġġenera enerġija mekkanika, l-elettriku annwali mill-koġenerazzjoni jista’ jiżdied b’element addizzjonali li jirrappreżenta l-ammont ta’ elettriku li huwa ekwivalenti għal dak tal-enerġija mekkanika. Dan l-element addizzjonali mhux ser joħloq dritt ta’ ħruġ ta’ garanziji tal-oriġini f’konformità mal-Artikolu 26(13).

L-Istati Membri jistgħu jużaw perjodi tar-rappurtar oħrajn minflok il-perjodi tar-rappurtar ta’ kull sena għall-finijiet tal-kalkoli f’konformità mal-punti (b) u (c) ta’ dan l-Anness.

Għall-unitajiet tal-mikrokoġenerazzjoni, il-kalkolu tal-iffrankar tal-enerġija primarja jista’ jkun ibbażat fuq data ċċertifikata.

(d) Valuri ta’ referenza tal-effiċjenza għal produzzjoni separata tas-sħana u tal-elettriku

Il-valuri armonizzati ta’ referenza tal-effiċjenza għandhom jikkonsistu f’matriċi ta’ valuri differenzjati skont fatturi rilevanti, inkluż is-sena tal-kostruzzjoni u t-tipi ta’ fjuwils, u għandhom ikunu bbażati fuq analiżi dokumentata sew li, fost l-oħrajn, tqis id-data minn użu operazzjonali f’kundizzjonijiet realistiċi, it-taħlita tal-fjuwils u l-kundizzjonijiet klimatiċi, u t-teknoloġiji tal-koġenerazzjoni applikati.

Il-valuri ta’ referenza għall-effiċjenza għal produzzjoni separata tas-sħana u tal-elettriku skont il-formula stabbilita fil-punt (b) għandhom jistabbilixxu l-effiċjenza operatorja tal-produzzjoni separata tas-sħana u tal-elettriku li l-koġenerazzjoni jkun beħsiebha tissostitwixxi.

Il-valuri ta’ referenza tal-effiċjenza għandhom jiġu kkalkolati skont il-prinċipji li ġejjin:

(i)

għall-unitajiet tal-koġenerazzjoni, il-paragun ma’ produzzjoni separata tal-elettriku għandu jsir abbażi tal-prinċipju li jqabbel l-istess kategoriji ta’ fjuwils;

(ii)

kull unità tal-koġenerazzjoni għandha titqabbel mal-aqwa teknoloġija disponibbli u ekonomikament ġustifikabbli fis-suq għal produzzjoni separata tas-sħana u tal-elettriku fis-sena tal-kostruzzjoni tal-unità tal-koġenerazzjoni;

(iii)

il-valuri ta’ referenza tal-effiċjenza għall-unitajiet tal-koġenerazzjoni li għandhom iżjed 10 snin għandhom jiġu stabbiliti abbażi tal-valuri ta’ referenza tal-unitajiet li għandhom 10 snin;

(iv)

il-valuri ta’ referenza tal-effiċjenza għal produzzjoni separata tal-elettriku u tas-sħana għandhom jirriflettu d-differenzi klimatiċi bejn l-Istati Membri.

ANNESS IV REKWIŻITI TAL-EFFIĊJENZA FL-ENERĠIJA GĦALL-AKKWIST PUBBLIKU

ANNESS IV

REKWIŻITI TAL-EFFIĊJENZA FL-ENERĠIJA GĦALL-AKKWIST PUBBLIKU

Fil-proċeduri tal-għoti għall-kuntratti pubbliċi u l-konċessjonijiet, l-awtoritajiet kontraenti u l-entitajiet kontraenti li l-jixtru prodotti, servizzi, bini u xogħlijiet, għandhom:

(a)

meta prodott jiġi kopert minn att delegat adottat skont ir-Regolament (UE) 2017/1369, id-Direttiva 2010/30/UE jew b’att ta’ implimentazzjoni tal-Kummissjoni relatata, dawn għandhom jixtru biss prodotti konformi mal-kriterju stabbilit fl-Artikolu 7(2) ta’ dak ir-Regolament;

(b)

meta prodott li mhux kopert mill-punt (a) jiġi kopert minn miżura ta’ implimentazzjoni skont id-Direttiva 2009/125/KE, dawn għandhom jixtru biss prodotti konformi mal-parametri referenzjarji tal-effiċjenza enerġija speċifikati f’dik il-miżura ta’ implimentazzjoni;

(c)

meta prodott jew servizz ikun kopert mill-kriterji tal-akkwist pubbliku ekoloġiku tal-Unjoni jew mill-kriterji nazzjonali ekwivalenti disponibbli, b’rilevanza għall-effiċjenza enerġetika tal-prodott jew tas-servizz, jagħmlu l-aqwa sforzi biex jixtru biss prodotti u servizzi li jirrispettaw mill-inqas l-ispeċifikazzjonijiet tekniċi stabbiliti fil-livell “ċentrali” fil-kriterji tal-akkwist pubbliku ekoloġiku tal-Unjoni rilevanti jew fil-kriterji nazzjonali ekwivalenti disponibbli, inkluż fost l-oħrajn għaċ-ċentri tad-data, il-kmamar tas-servers u s-servizzi tal-cloud, it-tidwil tat-toroq u s-sinjali tat-traffiku, il-kompjuters, il-moniters, it-tablets u l-ismartphones;

(d)

jixtru biss tajers li jikkonformaw mal-kriterju li jkollhom l-aqwa klassi ta’ effiċjenza enerġetika tal-fjuwil, kif definit fir-Regolament (UE) 2020/740, li ma għandux jipprevjeni lill-korpi pubbliċi milli jixtru tajers tal-aqwa klassi tal-qbid fuq l-imxarrab jew tal-istorbju estern tat-tidwir, meta dan ikun iġġustifikat minn raġunijiet ta’ sikurezza jew ta’ saħħa pubblika;

(e)

fis-sejħiet għall-offerti tagħhom tal-kuntratti tas-servizzi, għandhom jeżiġu li, għall-finijiet ta’ forniment tas-servizzi inkwistjoni, il-fornituri tas-servizzi jużaw biss prodotti li jikkonformaw mal-punti (a), (b) u (d), meta jipprovdu s-servizzi inkwistjoni. Dan ir-rekwiżit għandu japplika biss għal prodotti ġodda mixtrija mill-fornituri tas-servizzi parzjalment jew kompletament għall-finijiet ta’ forniment tas-servizz inkwistjoni;

(f)

għandhom jixtru, jew jagħmlu ftehimiet ġodda għall-kiri ta’ bini li jikkonforma mill-inqas ma’ livell ta’ enerġija qrib iż-żero, mingħajr preġudizzju għall-Artikolu 6 ta’ din id-Direttiva, dment li l-finijiet tax-xiri jkun:

(i)

biex isiru rinnovazzjoni kompleta jew twaqqigħ;

(ii)

fil-każ tal-korpi pubbliċi, biex jerġa’ jbigħ il-bini mingħajr ma jużah għall-finijiet tal-korp pubbliku; jew

(iii)

biex jippreservah bħala bini protett uffiċjalment bħala parti minn ambjent deżinjat, jew minħabba l-mertu arkitettoniku jew storiku tiegħu.

Il-konformità mar-rekwiżiti stabbiliti fil-punt (f) ta’ dan l-Anness għandha tiġi vverifikata permezz taċ-ċertifikati tar-rendiment tal-enerġija msemmijin fl-Artikolu 11 tad-Direttiva 2010/31/UE.

ANNESS V METODI U PRINĊIPJI KOMUNI GĦALL-KALKOLU TAL-IMPATT TA’ SKEMI TA’ OBBLIGI B’RABTA MAL-EFFIĊJENZA ENERĠETIKA JEW TA’ MIŻURI OĦRA TA’ POLITIKA SKONT L-ARTIKOLI 8, 9 U 10 U TAL-ARTIKOLU 30(14)

ANNESS V

METODI U PRINĊIPJI KOMUNI GĦALL-KALKOLU TAL-IMPATT TA’ SKEMI TA’ OBBLIGI B’RABTA MAL-EFFIĊJENZA ENERĠETIKA JEW TA’ MIŻURI OĦRA TA’ POLITIKA SKONT L-ARTIKOLI 8, 9 U 10 U TAL-ARTIKOLU 30(14)

1. Il-metodi għall-kalkolu tal-iffrankar tal-enerġija għajr dak li jinkiseb b’miżuri tat-tassazzjoni għall-finijiet tal-Artikoli 8, 9 u 10 u tal-Artikolu 30(14).

Il-partijiet parteċipanti jew inkarigati obbligati, jew l-awtoritajiet pubbliċi ta’ implimentazzjoni, jistgħu jużaw il-metodi li ġejjin għall-kalkolu tal-iffrankar tal-enerġija:

(a)

iffrankar meqjus, b’referenza għar-riżultati ta’ titjib enerġetiku preċedenti mmonitorjat b’mod indipendenti f’installazzjonijiet simili. L-approċċ ġeneriku jissejjaħ “ex ante”;

(b)

iffrankar imkejjel b’metraġġi, fejn l-iffrankar bl-installazzjoni ta’ miżura, jew ta’ pakkett ta’ miżuri, jiġi ddeterminat bir-reġistrazzjoni tat-tnaqqis reali fl-użu tal-enerġija, filwaqt li jqis fatturi bħall-addizzjonalità, l-okkupanza, il-livelli tal-produzzjoni u t-temp, li jistgħu jaffettwaw il-konsum. L-approċċ ġeneriku jissejjaħ “ex post”;

(c)

iffrankar skalat li juża stimi tal-inġinerija tal-iffrankar. Dan l-approċċ jista’ jintuża biss meta l-istabbiliment ta’ data mkejla soda għal installazzjoni speċifika jkun diffiċli jew għali b’mod sproporzjonat, pereżempju s-sostituzzjoni ta’ kompressur jew mutur elettriku b’rata ta’ kWh differenti minn dik li għaliha tkejlet l-informazzjoni indipendenti dwar l-iffrankar, jew meta dawk l-istimi jsiru b’metodoloġiji u parametri referenzjarji stabbiliti b’mod nazzjonali minn esperti kwalifikati jew akkreditati li jkunu indipendenti mill-partijiet parteċipanti jew inkarigati obbligati, involuti;

(d)

meta jikkalkulaw l-iffrankar tal-enerġija għall-fini tal-Artikolu 8(3) li jista’ jingħadd biex jiġi ssodisfat l-obbligu f’dak l-Artikolu, l-Istati Membri jistgħu jistmaw l-iffrankar tal-enerġija ta’ persuni affettwati mill-faqar enerġetiku, klijenti vulnerabbli, persuni f’unitajiet domestiċi b’introjtu baxx u, fejn applikabbli, persuni li jgħixu f’akkomodazzjoni soċjali abbażi ta’ stimi tal-inġinerija bl-użu ta’ kundizzjonijiet jew parametri standardizzati ta’ okkupanza u kumdità termali, bħal parametri definiti fir-regolamenti nazzjonali dwar il-bini. Il-mod kif tiġi kkunsidrata l-kumdità għall-azzjonijiet fil-bini għandu jiġi rrappurtat mill-Istati Membri lill-Kummissjoni flimkien ma’ spjegazzjonijiet dwar il-metodoloġija tal-kalkolu tagħhom.

(e)

iffrankar mistħarreġ, li jiddetermina r-rispons tal-konsumaturi għal pariri, kampanji informattivi, tikkettar jew skemi taċ-ċertifikazzjoni, jew għal metraġġ intelliġenti. Dan l-approċċ għandu jintuża biss għall-iffrankar miksub b’tibdil fl-imġiba tal-konsumaturi. Ma għandux jintuża għall-iffrankar miksub bl-installazzjoni ta’ miżuri fiżiċi.

2. Fid-determinazzjoni tal-iffrankar tal-enerġija għal miżura tal-effiċjenza enerġetika għall-finijiet tal-Artikoli 8, 9 u 10 u tal-Artikolu 30(14), għandhom japplikaw il-prinċipji li ġejjin:

(a)

l-Istati Membri għandhom juru li wieħed mill-objettivi tal-miżura politikakemm jekk ġdid jew eżistenti, huwa l-kisba tal-iffrankar fl-użu aħħari skont l-Artikolu 8(1) u għandhom jipprovdu evidenza u d-dokumentazzjoni tagħhom turi li l-iffrankar tal-enerġija nkiseb b’miżura ta’ politika, inkluż bi ftehimiet volontarji;

(b)

l-iffrankar għandu jintwera li huwa addizzjonali għal dak li kien ser ikun hemm fi kwalunkwe każ mingħajr l-attività tal-partijiet parteċipanti jew inkarigati obbligati, jew tal-awtoritajiet pubbliċi ta’ implimentazzjoni. Biex jiġi ddeterminat l-iffrankar li jista’ jiġi ddikjarat bħala addizzjonali, l-Istati Membri għandhom jikkunsidraw kif l-użu tal-enerġija u d-domanda għaliha jevolvu fin-nuqqas tal-miżura ta’ politika inkwistjoni billi jqisu mill-inqas il-fatturi li ġejjin: ix-xejriet tal-konsum tal-enerġija, il-bidliet fl-imġiba tal-konsumaturi, il-progress teknoloġiku u l-bidliet ikkawżati b’miżuri oħra implimentati fil-livell nazzjonali u tal-Unjoni;

(c)

l-iffrankar li jinkiseb bl-implimentazzjoni tal-liġi obbligatorja tal-Unjoni għandu jitqies bħala ffrankar li kien iseħħ fi kwalunkwe każ, u b’hekk ma għandux jiġi ddikjarat bħala ffrankar tal-enerġija għall-finijiet tal-Artikolu 8(1). B’deroga minn dak ir-rekwiżit, l-iffrankar marbut mar-rinnovazzjoni tal-bini eżistenti, inkluż l-iffrankar li jirriżulta mill-implimentazzjoni ta’ standards minimi tar-rendiment fl-użu tal-enerġija fil-bini skont id-Direttiva 2010/31/UE, jista’ jiġi ddikjarat bħala ffrankar tal-enerġija għall-finijiet tal-Artikolu 8(1), diment li jkun żgurat il-kriterju tal-materjalità msemmi fil-punt 3(h) ta’ dan l-Anness. Il-miżuri li jippromwovu titjib fl-effiċjenza enerġetika fis-settur pubbliku skont l-Artikolu 5 u l-Artikolu 6 jistgħu jkunu eliġibbli biex jitqiesu biex jiġi ssodisfat l-iffrankar tal-enerġija li jeżiġi l-Artikolu 8(1), dment li dawn iwasslu għal iffrankar tal-enerġija fl-użu aħħari li jista’ jiġi verifikat u mkejjel jew stmat. Il-kalkolu tal-iffrankar tal-enerġija għandu jkun konformi ma’ dan l-Anness;

(d)

l-iffrankar tal-enerġija fl-użu aħħari li jirriżulta mill-implimentazzjoni ta’ miżuri li jtejbu l-effiċjenza enerġetika meħuda f’konformità mar-regolamenti ta’ emerġenza skont l-Artikolu 122 TFUE jista’ jiġi ddikjarat għall-fini tal-Artikolu 8(1), diment li dan jirriżulta fi ffrankar tal-enerġija fl-użu aħħari li jista’ jiġi verifikat u mkejjel jew stmat, bl-eċċezzjoni ta’ dak l-iffrankar tal-enerġija li jirriżulta minn miżuri ta’ razzjonar jew tnaqqis;

(e)

il-miżuri meħuda skont ir-Regolament (UE) 2018/842 jistgħu jitqiesu bħala materjali, iżda l-Istati Membri jridu juru li dawn jirriżultaw fi ffrankar tal-enerġija fl-użu aħħari li jista’ jiġi verifikat u mkejjel jew stmat. Il-kalkolu tal-iffrankar tal-enerġija għandu jkun konformi ma’ dan l-Anness;

(f)

l-Istati Membri għandhom jgħoddu biss l-iffrankar tal-enerġija fl-użu aħħari minn miżuri ta’ politika f’setturi jew installazzjonijiet koperti mill-Kapitolu IVa tad-Direttiva 2003/87/KE jekk jirriżulta mill-implimentazzjoni tal-Artikolu 9 jew 10 ta’ din id-Direttiva u li jmur lil hinn mir-rekwiżiti stabbiliti fid-Direttiva 2003/87/KE jew lil hinn mill-implimentazzjoni ta’ azzjonijiet marbuta mal-allokazzjoni ta’ kwoti bla ħlas skont dik id-Direttiva. L-Istati Membri għandhom juru li l-miżuri ta’ politika jirriżultaw fi ffrankar tal-enerġija fl-użu aħħari li jista’ jiġi verifikat u mkejjel jew stmat. Il-kalkolu tal-iffrankar tal-enerġija għandu jkun konformi ma’ dan l-Anness. Jekk entità tkun parti obbligata skont skema nazzjonali tal-obbligi tal-effiċjenza enerġetika skont l-Artikolu 9 ta’ din id-Direttiva u skont l-EU ETS għall-bini u t-trasport bit-triq skont il-Kapitolu IVa tad-Direttiva 2003/87/KE, is-sistema ta’ monitoraġġ u verifika għandha tiżgura li l-prezz tal-karbonju li jingħadda waqt ir-rilaxx tal-fjuwil għall-konsum skont dak il-Kapitolu jitqies fil-kalkolu u fir-rappurtar tal-iffrankar tal-enerġija tal-miżuri tagħha tal-iffrankar tal-enerġija;

(g)

kreditu jista’ jingħata, dment li jingħata biss għall-iffrankar li jaqbeż il-livelli li ġejjin:

(i)

l-istandards tal-Unjoni għall-prestazzjoni b’rabta mal-emissjonijiet għall-karozzi ġodda tal-passiġġieri u għall-vetturi kummerċjali ħfief ġodda wara l-implimentazzjoni tar-Regolament (UE) 2019/631 tal-Parlament Ewropew u tal-Kunsill ( 17 ); l-Istati Membri jridu jipprovdu r-raġunijiet, is-suppożizzjonijiet tagħhom u l-metodoloġija tal-kalkolu tagħhom biex juru l-addizzjonalità għar-rekwiżiti tas-CO2 tal-vetturi l-ġodda tal-Unjoni;

(ii)

ir-rekwiżiti tal-Unjoni relatati mat-tneħħija mis-suq ta’ ċerti prodotti relatati mal-enerġija wara l-implimentazzjoni ta’ miżuri ta’ implimentazzjoni skont id-Direttiva 2009/125/KE. L-Istati Membri jridu jipprovdu evidenza, is-suppożizzjonijiet tagħhom u l-metodoloġija tal-kalkolu tagħhom biex juru l-addizzjonalità;

(h)

il-politiki bl-għan li jinkoraġġixxu livelli ogħla ta’ effiċjenza enerġetika ta’ prodotti, tagħmir, sistemi tat-trasport, vetturi u fjuwils, bini u elementi tal-bini, proċessi jew swieq għandhom ikunu permessi, ħlief għal miżuri politiċi:

(i)

li jirrigwardaw l-użu ta’ teknoloġiji ta’ kombustjoni diretta tal-fjuwils fossili li jkunu għadhom kemm ġew implimentati mill-1 ta’ Jannar 2026, u

(ii)

li jissussidjaw l-użu ta’ teknoloġiji ta’ kombustjoni diretta ta’ fjuwils fossili f’bini residenzjali mill-1 ta’ Jannar 2026.

(i)

l-iffrankar tal-enerġija miksub b’miżuri ta’ politika li jkunu għadhom kemm ġew implimentati mill-1 ta’ Jannar 2024 rigward l-użu tal-kombustjoni diretta tal-fjuwils fossili fil-prodotti, fit-tagħmir, fis-sistemi tat-trasport, fil-vetturi, fil-bini jew fix-xogħlijiet ma għandux jgħodd biex jiġi ssodisfat l-obbligu tal-iffrankar tal-enerġija skont l-Artikolu 8(1)(b). Fil-każ ta’ miżuri ta’ politika li jippromwovu kombinazzjonijiet ta’ teknoloġiji, is-sehem tal-iffrankar tal-enerġija relatat mat-teknoloġija ta’ kombustjoni tal-fjuwils fossili mhuwiex eliġibbli mill-1 ta’ Jannar 2024.

(j)

b’deroga mill-punt (i), għall-perjodu mill-1 ta’ Jannar 2024 sal-31 ta’ Diċembru 2030, l-iffrankar tal-enerġija mit-teknoloġiji ta’ kombustjoni diretta tal-fjuwils fossili li jtejbu l-effiċjenza enerġetika f’intrapriżi intensivi fl-enerġija fis-settur industrijali jista’ jingħadd bħala ffrankar tal-enerġija biss għall-finijiet tal-Artikolu 8(1), punti (b) u (c), sal-31 ta’ Diċembru 2030, dment li:

(i)

l-intrapriża tkun wettqet awditjar tal-enerġija skont l-Artikolu 11(2) u pjan ta’ implimentazzjoni li jinkludi:

—

ħarsa ġenerali lejn il-miżuri kosteffettivi kollha tal-effiċjenza enerġetika b’perjodu ta’ rkupru tal-kost ta’ ħames snin jew inqas, abbażi ta’ metodoloġiji sempliċi tal-perjodu ta’ rkupru tal-kost ipprovduti mill-Istat Membru,

—

perjodu ta’ żmien għall-implimentazzjoni tal-miżuri kollha rrakkomandati għall-effiċjenza enerġetika b’perjodu ta’ rkupru tal-kost ta’ ħames snin jew inqas,

—

kalkolu tal-iffrankar tal-enerġija mistenni li jirriżulta mill-miżuri tal-effiċjenza enerġetika rakkomandati, u

—

miżuri tal-effiċjenza enerġetika relatati mal-użu ta’ teknoloġiji diretti tal-kombustjoni tal-fjuwils fossili bl-informazzjoni rilevanti meħtieġa sabiex:

—

tagħti prova li l-miżura identifikata ma żżidx l-ammont ta’ enerġija meħtieġa jew il-kapaċità ta’ installazzjoni,

—

tiġġustifika li l-użu ta’ teknoloġiji sostenibbli u mhux fossili mhuwiex teknikament fattibbli,

—

turi li t-teknoloġija tal-kombustjoni diretta tal-fjuwils fossili tikkonforma mal-aktar leġiżlazzjoni tal-Unjoni aġġornata dwar il-prestazzjoni tal-emissjonijiet u tipprevjeni l-effetti ta’ lock-in teknoloġiku billi tiżgura l-kompatibbiltà futura ma’ fjuwils u teknoloġiji mhux fossili alternattivi b’impatt newtrali fuq il-klima;

(ii)

il-kontinwazzjoni tal-użu ta’ teknoloġiji diretti tal-fjuwils fossili hija miżura ta’ effiċjenza enerġetika biex jitnaqqas il-konsum tal-enerġija b’perjodu ta’ rkupru tal-kost ta’ ħames snin jew inqas, abbażi ta’ metodoloġiji ta’ perjodu ta’ rkupru tal-kost sempliċi pprovduti mill-Istat Membru, rakkomandati bħala riżultat tal-awditjar tal-enerġija skont l-Artikolu 11(2) u inklużi fil-pjan ta’ implimentazzjoni;

(iii)

l-użu ta’ teknoloġiji diretti tal-fjuwils fossili jikkonforma mal-aktar leġiżlazzjoni tal-Unjoni aġġornata dwar il-prestazzjoni tal-emissjonijiet, ma jwassalx għal effetti ta’ lock-in teknoloġiku u jiżgura l-kompatibbiltà futura ma’ fjuwils u teknoloġiji alternattivi b’impatt newtrali fuq il-klima;

(iv)

l-użu ta’ teknoloġiji diretti tal-fjuwils fossili fl-intrapriża ma jwassalx għal żieda fil-konsum tal-enerġija jew iżid il-kapaċità tal-installazzjoni f’dik l-intrapriża;

(v)

tingħata evidenza li l-ebda soluzzjoni alternattiva u sostenibbli ta’ fjuwils mhux fossili ma kienet teknikament fattibbli;

(vi)

l-użu ta’ teknoloġiji diretti tal-fjuwils fossili jirriżulta f’iffrankar tal-enerġija fl-użu aħħari li jista’ jiġi verifikat u mkejjel jew stmat, ikkalkulat f’konformità ma’ dan l-Anness;

(vii)

l-evidenza hija ppubblikata fuq sit web jew tiġi magħmula disponibbli pubblikament għaċ-ċittadini interessati kollha;

(k)

il-miżuri li jippromwovu l-installazzjoni ta’ teknoloġiji tal-enerġija rinnovabbli fuq skala żgħira fuq il-bini jew fil-bini jistgħu jkunu eliġibbli biex jitqiesu biex jiġi ssodisfat l-iffrankar tal-enerġija li jeżiġi l-Artikolu 8(1), dment li dan iwassal għal iffrankar tal-enerġija fl-użu aħħari li jista’ jiġi verifikat u mkejjel jew stmat. Il-kalkolu tal-iffrankar tal-enerġija għandu jkun konformi ma’ dan l-Anness;

(l)

il-miżuri li jippromwovu l-installazzjoni ta’ teknoloġiji termali solari jistgħu jkunu eliġibbli biex jitqiesu biex jiġi ssodisfat l-iffrankar tal-enerġija li jeżiġi l-Artikolu 8(1), diment li dan iwassal għal iffrankar tal-enerġija fl-użu aħħari li jista’ jiġi verifikat u mkejjel jew stmat. Is-sħana prodotta mit-teknoloġiji termali solari minn radjazzjoni solari tista’ tiġi eskluża mill-konsum tal-enerġija fl-użu finali tagħhom;

(m)

għall-politiki li jaċċelleraw l-adozzjoni ta’ prodotti u vetturi aktar effiċjenti, għajr dawk li jkunu għadhom kemm ġew implimentati mill-1 ta’ Jannar 2024 rigward l-użu tal-kombustjoni diretta tal-fjuwils fossili, tista’ ssir dikjarazzjoni għal kreditu sħiħ, dment li jintwera li din l-adozzjoni ssir qabel jgħaddi t-tul tal-ħajja medju mistenni tal-prodott jew tal-vettura, jew qabel ma l-prodott jew il-vettura normalment jiġu sostitwiti, u diment li l-iffrankar jiġi ddikjarat biss għall-perjodu sa tmiem it-tul tal-ħajja medju mistenni tal-prodott jew tal-vettura li jridu jiġu sostitwiti;

(n)

fil-promozzjoni tal-adozzjoni ta’ miżuri tal-effiċjenza enerġetika, l-Istati Membri għandhom, meta rilevanti, jiżguraw li jinżammu l-istandards ta’ kwalità għall-prodotti, għas-servizzi u għall-installazzjoni ta’ miżuri, jew li dawn jiġu introdotti meta ma jkunux jeżistu;

(o)

biex jitqiesu l-varjazzjonijiet klimatiċi bejn ir-reġjuni, l-Istati Membri jistgħu jagħżlu li jaġġustaw l-iffrankar għal valur standard jew li jippermettu ffrankar tal-enerġija differenti skont il-varjazzjonijiet fit-temperatura bejn ir-reġjuni;

(p)

il-kalkolu tal-iffrankar tal-enerġija għandu jqis it-tul tal-ħajja tal-miżuri u r-rata tat-tnaqqis tal-iffrankar maż-żmien. Dak il-kalkolu għandu jgħodd l-iffrankar li tikseb kull azzjoni individwali tul il-perjodu mid-data tal-implimentazzjoni tagħha sa tmiem kull perjodu ta’ obbligu. Inkella, l-Istati Membri jistgħu jadottaw metodu ieħor li hu stmat li jikseb mill-inqas l-istess ammont totali tal-iffrankar. Meta jużaw metodu ieħor, l-Istati Membri għandhom jiżguraw li l-ammont totali tal-iffrankar tal-enerġija kkalkulat b’dak il-metodu ma jkunx jaqbeż l-ammont tal-iffrankar tal-enerġija li kien jinkiseb bil-kalkolu tagħhom meta jingħadd l-iffrankar li tikseb kull azzjoni individwali tul il-perjodu mid-data tal-implimentazzjoni tagħha sal-2030. L-Istati Membri għandhom jiddeskrivu fid-dettall fil-pjanijiet nazzjonali integrati tagħhom għall-enerġija u l-klima nnotifikati skont l-Artikolu 3 u l-Artikoli 7 sa 12 tar-Regolament (UE) 2018/1999 il-metodu l-ieħor u d-dispożizzjonijiet li saru biex ikun żgurat li jiġi ssodisfat ir-rekwiżit vinkolanti tal-kalkolu.

3. L-Istati Membri għandhom jiżguraw li jintlaħqu dawn ir-rekwiżiti li ġejjin għall-miżuri ta’ politika li ttieħdu skont l-Artikolu 10 u l-Artikolu 30(14):

(a)

il-miżuri ta’ politika u l-azzjonijiet individwali li jiksbu ffrankar tal-enerġija fl-użu aħħari li jista’ jiġi verifikat;

(b)

ir-responsabbiltà ta’ kull parti parteċipanti, parti inkarigata jew awtorità pubblika tal-implimentazzjoni, kif rilevanti, tiġi definita b’mod ċar;

(c)

l-iffrankar tal-enerġija li jinkiseb jew li jrid jinkiseb jiġi ddeterminat b’mod trasparenti;

(d)

l-ammont tal-iffrankar tal-enerġija meħtieġ jew li jrid jinkiseb mill-miżura politika jiġi espress fil-konsum tal-enerġija primarja jew fil-konsum tal-enerġija finali, bl-użu tal-fatturi ta’ valuri kalorifiċi netti jew enerġija primarja imsemmija fl-Artikolu 31;

(e)

għandu jiġi pprovdut u jsir disponibbli għall-pubbliku rapport annwali dwar l-iffrankar tal-enerġija li kisbu l-partijiet inkarigati, il-partijiet parteċipanti u l-awtoritajiet pubbliċi tal-implimentazzjoni, u anki data dwar ix-xejra annwali tal-iffrankar tal-enerġija;

(f)

isir monitoraġġ tar-riżultati u jittieħdu l-miżuri xierqa jekk il-progress ma jkunx sodisfaċenti;

(g)

l-iffrankar tal-enerġija minn azzjoni individwali ma jiġix dikjarat minn aktar minn parti waħda;

(h)

għandu jintwera li l-attivitajiet tal-parti parteċipanti, tal-parti inkarigata jew tal-awtorità pubblika tal-implimentazzjoni jkunu materjali għall-kisba tal-iffrankar tal-enerġija ddikjarat;

(i)

l-attivitajiet tal-parti parteċipanti, tal-parti inkarigata jew tal-awtorità pubblika tal-implimentazzjoni ma għandhom l-ebda effett negattiv fuq il-persuni affettwati mill-faqar enerġetiku, il-klijenti vulnerabbli u, meta applikabbli, il-persuni li jgħixu f’akkomodazzjoni soċjali.

4. Għad-determinazzjoni tal-iffrankar tal-enerġija minn miżuri ta’ politika relatati mat-tassazzjoni introdotti skont l-Artikolu 10, għandhom jiġu applikati l-prinċipji li ġejjin:

(a)

għandu jingħata kreditu biss għall-iffrankar tal-enerġija minn miżuri tat-tassazzjoni li jaqbżu l-livelli minimi ta’ tassazzjoni applikabbli għall-fjuwils kif teżiġi d-Direttiva tal-Kunsill 2003/96/KE ( 18 ) jew 2006/112/KE ( 19 );

(b)

l-elastiċità tal-prezzijiet ta’ żmien qasir għall-kalkolu tal-impatt tal-miżuri tat-tassazzjoni tal-enerġija għandha tirrappreżenta r-rispons tad-domanda għall-enerġija għall-bidliet fil-prezzijiet, u għandha tiġi stmata abbażi ta’ sorsi tad-data uffiċjali riċenti u rappreżentattivi li japplikaw għall-Istat Membru u, meta applikabbli, fuq il-bażi ta’ studji ta’ akkumpanjament minn istitut indipendenti. Jekk tintuża elastiċità differenti tal-prezzijiet minn elastiċitajiet ta’ żmien qasir, l-Istati Membri għandhom jispjegaw kif it-titjib fl-effiċjenza enerġetika bl-implimentazzjoni ta’ leġiżlazzjoni oħra tal-Unjoni ġie inkluż fix-xenarju bażi użat biex jiġi stmat l-iffrankar tal-enerġija, jew kif ġie evitat l-għadd doppju tal-iffrankar tal-enerġija minn leġiżlazzjoni oħra tal-Unjoni;

(c)

l-iffrankar tal-enerġija minn strumenti ta’ politika tat-tassazzjoni ta’ akkumpanjament, inkluż inċentivi fiskali jew pagament għal fond, għandu jitqies b’mod separat;

(d)

għandhom jintużaw stimi tal-elastiċità ta’ żmien qasir biex jiġi vvalutat l-iffrankar tal-enerġija minn miżuri ta’ tassazzjoni biex jiġi evitat kwalunkwe trikkib fuq il-liġi tal-Unjoni u fuq miżuri oħra ta’ politika;

(e)

L-Istati Membri għandhom jiddeterminaw l-effetti distribuzzjonali tat-tassazzjoni u miżuri ekwivalenti fuq in-nies milquta mill-faqar enerġetiku, klijent vulnerabbli u, meta applikabbli, nies li jgħixu f’akkomodazzjoni soċjali, u juru l-effetti tal-miżuri ta’ mitigazzjoni implimentati f’konformità mal-Artikolu 24(1), (2) u (3);

(f)

L-Istati Membri għandhom jipprovdu evidenza, inkluż metodoloġiji tal-kalkolu, li meta jkun hemm trikkib fl-impatt tal-miżuri tat-tassazzjoni tal-enerġija jew tal-karbonju jew bl-iskambju tal-kwoti tal-emissjonijiet skont id-Direttiva 2003/87/KE, m’hemmx għadd doppju tal-iffrankar tal-enerġija.

5. Notifika tal-metodoloġija

L-Istati Membri għandhom, f’konformità mar-Regolament (UE) 2018/1999, jinnotifikaw lill-Kummissjoni bil-metodoloġija dettaljata proposta tagħhom għall-operazzjoni tal-iskemi tal-obbligi tal-effiċjenza enerġetika u tal-miżuri alternattivi msemmija fl-Artikoli 9 u 10, u l-Artikolu 30(14) ta’ din id-Direttiva. Għajr fil-każ tat-tassazzjoni, din in-notifika għandha tinkludi tagħrif dwar:

(a)

il-livell tal-iffrankar tal-enerġija meħtieġ skont l-Artikolu 8(1), l-ewwel subparagrafu, jew l-iffrankar mistenni li jinkiseb tul il-perjodu sħiħ mill-1 ta’ Jannar 2021 sal-31 ta’ Diċembru 2030;

(b)

kif il-kwantità kkalkulata tal-iffrankar il-ġdid tal-enerġija meħtieġ skont l-Artikolu 8(1), l-ewwel subparagrafu, jew tal-iffrankar tal-enerġija mistenni li jinkiseb ser titqassam f’fażijiet tul il-perjodu ta’ obbligu;

(c)

il-partijiet parteċipanti jew inkarigati, obbligati jew l-awtoritajiet pubbliċi tal-implimentazzjoni;

(d)

is-setturi fil-mira;

(e)

il-miżuri ta’ politika u l-azzjonijiet individwali, inkluż l-ammont totali mistenni tal-iffrankar tal-enerġija kumulattiv għal kull miżura;

(f)

miżuri jew programmi ta’ politika jew miżuri ffinanzjati minn fond nazzjonali għall-effiċjenza enerġetika implimentat bħala prijorità fost il-persuni affettwati mill-faqar enerġetiku, il-klijenti vulnerabbli u, meta applikabbli, il-persuni li jgħixu f’akkomodazzjoni soċjali;

(g)

is-sehem u l-ammont tal-iffrankar tal-enerġija li jridu jinkisbu fost il-persuni affettwati mill-faqar enerġetiku, il-klijenti vulnerabbli u, meta applikabbli, il-persuni li jgħixu f’akkomodazzjoni soċjali;

(h)

meta applikabbli, l-indikaturi applikati, is-sehem medju aritmetiku, u l-eżitu tal-miżuri ta’ politika stabbiliti skont l-Artikolu 8(3);

(i)

meta applikabbli, l-impatti u l-effetti negattivi tal-miżuri ta’ politika implimentati skont l-Artikolu 8(3) fuq il-persuni affettwati mill-faqar enerġetiku, il-klijenti vulnerabbli u, meta applikabbli, il-persuni li jgħixu f’akkomodazzjoni soċjali;

(j)

it-tul tal-perjodu ta’ obbligu għall-iskema tal-obbligi tal-effiċjenza enerġetika;

(k)

meta applikabbli, l-ammont ta’ ffrankar tal-enerġija jew il-miri ta’ tnaqqis fil-kost li jridu jintlaħqu mill-partijiet obbligati fost il-persuni affettwati mill-faqar enerġetiku, il-klijenti vulnerabbli u, meta applikabbli, il-persuni li jgħixu f’akkomodazzjoni soċjali;

(l)

l-azzjonijiet previsti mill-miżura ta’ politika;

(m)

il-metodoloġija tal-kalkolu, inkluż kif ġew iddeterminati l-addizzjonalità u l-materjalità u liema metodoloġiji u parametri referenzjarji jintużaw għall-iffrankar meqjus u skalat, u, meta applikabbli, il-valuri kalorifiċi netti u l-fatturi ta’ konverżjoni użati;

(n)

it-tulijiet tal-ħajja tal-miżuri u kif dawn jiġu kkalkulati jew abbażi ta’ xiex;

(o)

l-approċċ imħaddem biex jiġu indirizzati l-varjazzjonijiet klimatiċi fl-Istat Membru;

(p)

is-sistemi tal-monitoraġġ u tal-verifika għall-miżuri skont l-Artikoli 9 u 10 u kif tiġi żgurata l-indipendenza tagħhom mill-partijiet parteċipanti jew inkarigati, obbligati;

(q)

fil-każ tat-tassazzjoni:

(i)

is-setturi u t-taqsima fil-mira tal-kontribwenti;

(ii)

l-awtorità pubblika tal-implimentazzjoni;

(iii)

l-iffrankar li mistenni jinkiseb;

(iv)

it-tul taż-żmien tal-miżura tat-tassazzjoni;

(v)

il-metodoloġija tal-kalkolu, inkluż liema elastiċitajiet tal-prezzijiet intużaw u kif ġew stabbiliti u

(vi)

kif ġie evitat it-trikkib mal-EU ETS skont id-Direttiva 2003/87/KE u kif tneħħa r-riskju ta’ għadd doppju.

ANNESS VI KRITERJI MINIMI GĦALL-VERIFIKI TAL-ENERĠIJA, INKLUŻ DAWK LI JSIRU BĦALA PARTI MIS-SISTEMI TAL-ĠESTJONI TAL-ENERĠIJA

ANNESS VI

KRITERJI MINIMI GĦALL-VERIFIKI TAL-ENERĠIJA, INKLUŻ DAWK LI JSIRU BĦALA PARTI MIS-SISTEMI TAL-ĠESTJONI TAL-ENERĠIJA

Il-verifiki tal-enerġija msemmija fl-Artikolu 11 għandhom:

(a)

ikunu bbażati fuq data operazzjonali aġġornata, imkejla u traċċabbli dwar il-konsum tal-enerġija u l-profili tat-tagħbija (għall-elettriku);

(b)

jinkludu rieżami dettaljat tal-profil tal-konsum tal-enerġija ta’ bini jew ta’ gruppi ta’ bini, operazzjonijiet industrijali, jew installazzjonijiet, inkluż it-trasport;

(c)

jidentifikaw miżuri tal-effiċjenza enerġetika biex jonqos il-konsum tal-enerġija;

(d)

jidentifikaw miżuri tal-effiċjenza enerġetika biex jonqos il-konsum tal-enerġija;

(e)

jibbażaw, meta possibbli, fuq analiżi tal-kost taċ-ċiklu tal-ħajja minflok fuq perjodi ta’ ripagament sempliċi biex jitqiesu l-iffrankar fit-tul, il-valuri residwali tal-investimenti fit-tul, u r-rati tal-iskont;

(f)

ikunu proporzjonati, u rappreżentattivi biżżejjed, biex tkun tista’ titfassal stampa affidabbli tal-prestazzjoni ġenerali tal-enerġija u ssir identifikazzjoni affidabbli tal-aktar opportunitajiet sinifikanti għal titjib.

Il-verifiki tal-enerġija għandhom jippermettu kalkoli dettaljati u validati għall-miżuri proposti biex tingħata informazzjoni ċara fuq l-iffrankar potenzjali.

Id-data użata fil-verifiki tal-enerġija għandha tinħażen għall-analiżi storika u t-traċċar tal-prestazzjoni.

ANNESS VII REKWIŻITI MINIMI GĦALL-MONITORAĠĠ U L-PUBBLIKAZZJONI TAL-PRESTAZZJONI TAL-ENERĠIJA TAĊ-ĊENTRI TAD-DATA

ANNESS VII

REKWIŻITI MINIMI GĦALL-MONITORAĠĠ U L-PUBBLIKAZZJONI TAL-PRESTAZZJONI TAL-ENERĠIJA TAĊ-ĊENTRI TAD-DATA

L-informazzjoni minima li ġejja għandha tiġi mmonitorjata u ppubblikata fir-rigward tar-rendiment tal-enerġija taċ-ċentri tad-data msemmija fl-Artikolu 12:

(a)

l-isem taċ-ċentru tad-data, l-isem tas-sid u l-operaturi taċ-ċentru tad-data, id-data li fiha ċ-ċentri tad-data beda t-tħaddim tiegħu u l-muniċipalità fejn huwa bbażat iċ-ċentru tad-data;

(b)

l-erja tal-art taċ-ċentru tad-data, il-potenza installata, it-traffiku tad-data incoming u outgoing annwali, u l-ammont ta’ data maħżuna u pproċessata fiċ-ċentru tad-data;

(c)

il-prestazzjoni, matul l-aħħar sena kalendarja sħiħa, taċ-ċentru tad-data f’konformità mal-indikaturi ewlenin tal-prestazzjoni dwar, fost l-oħrajn, il-konsum tal-enerġija, l-użu tal-enerġija, il-punti stabbiliti tat-temperatura, l-użu tas-sħana mormija, l-użu tal-ilma u l-użu tal-enerġija rinnovabbli, bl-użu bħala bażi, meta applikabbli, tas-CEN/CENELEC EN 50600-4 “Teknoloġija tal-informazzjoni - Faċilitajiet u infrastrutturi taċ-ċentru tad-data”, sad-dħul fis-seħħ tal-att delegat adottat skont l-Artikolu 33(3).

ANNESS IX REKWIŻITI MINIMI GĦALL-KONTIJIET U GĦALL-INFORMAZZJONI DWAR IL-KONSUM GĦAT-TISĦIN, IT-TKESSIĦ U L-ILMA SĦUN DOMESTIKU

ANNESS IX

REKWIŻITI MINIMI GĦALL-KONTIJIET U GĦALL-INFORMAZZJONI DWAR IL-KONSUM GĦAT-TISĦIN, IT-TKESSIĦ U L-ILMA SĦUN DOMESTIKU

1. Kontijiet abbażi tal-konsum reali jew tal-qari tal-allokaturi tal-kost għat-tisħin

Biex l-utenti finali jkunu jistgħu jirregolaw il-konsum tagħhom tal-enerġija, il-kontijiet għandhom isiru abbażi tal-konsum reali jew tal-qari tal-allokaturi tal-kost għat-tisħin tal-inqas darba fis-sena.

2. Frekwenza minima għall-kontijiet u għall-informazzjoni dwar il-konsum

Sal-31 ta’ Diċembru 2021, jekk ikunu ġew installati arloġġi li jinqraw mill-bogħod jew allokaturi tal-kost għat-tisħin, il-kontijiet u l-informazzjoni dwar il-konsum abbażi tal-konsum reali jew tal-qari tal-allokaturi tal-kost għat-tisħin għandha tingħata lill-utenti finali tal-inqas kull tliet xhur fuq talba jew meta l-klijenti finali jkunu għażlu li jirċievu kontijiet elettroniċi, jew inkella darbtejn fis-sena.

Mill-1 ta’ Jannar 2022, jekk ikunu ġew installati arloġġi li jinqraw mill-bogħod jew allokaturi tal-kost għat-tisħin, il-kontijiet jew l-informazzjoni dwar il-konsum abbażi tal-konsum reali jew tal-qari tal-allokaturi tal-kost għat-tisħin għandhom jingħataw lill-utenti finali mill-inqas kull xahar. Dawn jistgħu jsiru disponibbli wkoll fuq l-internet u b’aġġornamenti sikwit kif jippermettu l-apparati u s-sistemi tal-kejl użati. It-tisħin u t-tkessiħ jistgħu jiġu eżentati minn dak ir-rekwiżit barra l-istaġuni tat-tisħin jew tat-tkessiħ.

3. Informazzjoni minima li trid tkun fil-kont

L-Istati Membri għandhom jiżguraw li l-informazzjoni li ġejja ssir disponibbli għall-utenti finali b’termini ċari u li jinftiehmu fil-kontijiet tagħhom jew magħhom, meta dawn ikunu bbażati fuq il-konsum reali jew fuq il-qari tal-allokaturi tal-kost għat-tisħin:

(a)

il-prezzijiet reali attwali u l-konsum reali tal-enerġija jew il-kost totali tat-tisħin u l-qari tal-allokaturi tal-kost għat-tisħin;

(b)

it-taħlita tal-fjuwils użati u l-emissjonijiet annwali tal-gassijiet serra relatati, inkluż għall-utenti finali fornuti bit-tisħin jew it-tkessiħ distrettwali, u deskrizzjoni tat-taxxi, tal-imposti u tat-tariffi differenti applikati;

(c)

paraguni tal-konsum attwali tal-enerġija tal-klijent finali mal-konsum fl-istess perjodu tas-sena preċedenti, b’format grafiku u b’korrezzjonijiet tal-klima għat-tisħin u għat-tkessiħ;

(d)

l-informazzjoni ta’ kuntatt għall-organizzazzjonijiet tal-klijenti finali, l-aġenziji tal-enerġija jew korpi simili, inkluż l-indirizzi tas-siti web, imnejn jistgħu jinkisbu informazzjoni dwar il-miżuri disponibbli għal titjib tal-effiċjenza enerġetika, profili komparattivi tal-utenti aħħarin, u speċifikazzjonijiet tekniċi oġġettivi għat-tagħmir li juża l-enerġija;

(e)

l-informazzjoni dwar il-proċeduri tal-ilmenti rilevanti, is-servizzi tal-ombudsman jew mekkaniżmi alternattivi għar-riżoluzzjoni tat-tilwim, meta applikabbli fl-Istati Membri;

(f)

paraguni ma’ utent finali medju normalizzat jew skont parametri referenzjarji fl-istess kategorija tal-utenti. Fil-każ tal-kontijiet elettroniċi, dawn il-paraguni jistgħu minflok isiru disponibbli online u jiġu indikati fil-kontijiet.

L-Istati Membri jistgħu jillimitaw il-kamp ta’ applikazzjoni tar-rekwiżit tal-għoti tal-informazzjoni dwar l-emissjonijiet tal-gassijiet serra skont il-punt (b) tal-ewwel subparagrafu biex ikun jinkludi biss il-fornimenti minn sistemi tat-tisħin distrettwali b’input termali klassifikat totali li jaqbeż l-20 MW.

Il-kontijiet li ma jkunux ibbażati fuq il-konsum reali jew fuq il-qari tal-allokaturi tal-kost għat-tisħin għandhom jinkludu spjegazzjoni ċara u li tinftiehem ta’ kif ġie kkalkulat l-ammont stipulat fil-kont, u tal-inqas l-informazzjoni msemmija fil-punti (d) u (e).

ANNESS X POTENZJAL GĦAL EFFIĊJENZA FIT-TISĦIN U FIT-TKESSIĦ

ANNESS X

POTENZJAL GĦAL EFFIĊJENZA FIT-TISĦIN U FIT-TKESSIĦ

Il-valutazzjoni komprensiva tal-potenzjali nazzjonali tat-tisħin u tat-tkessiħ imsemmija fl-Artikolu 25(1) għandha tinkludi u għandha tkun ibbażata fuq dan li ġej:

Parti I

ĦARSA KUMPLESSIVA LEJN IT-TISĦIN U T-TKESSIĦ

1. id-domanda għat-tisħin u għat-tkessiħ f’termini ta’ enerġija utli vvalutata ( 20 ) u ta’ konsum tal-enerġija finali kkwantifikat f’GWh kull sena ( 21 ) skont is-settur:

(a)

is-settur residenzjali;

(b)

is-servizzi;

(c)

l-industrija;

(d)

kwalunkwe settur ieħor li individwalment jikkonsma aktar minn 5 % tad-domanda nazzjonali totali għat-tisħin u t-tkessiħ utli;

2. l-identifikazzjoni, jew fil-każ tal-punt (a)(i), l-identifikazzjoni jew l-istima, tal-provvista attwali tat-tisħin u t-tkessiħ:

(a)

skont it-teknoloġija, f’GWh kull sena ( 22 ), fis-setturi msemmija fil-punt 1 meta possibbli, filwaqt li ssir distinzjoni bejn l-enerġija minn sorsi fossili u dik minn sorsi rinnovabbli:

(i)

ipprovduta fuq il-post f’siti residenzjali u ta’ servizz permezz ta’:

—

bojlers tas-sħana biss;

—

koġenerazzjoni tas-sħana u tal-enerġija ta’ effiċjenza għolja;

—

pompi tas-sħana;

—

teknoloġiji u sorsi oħra fuq il-post;

(ii)

ipprovduta fuq il-post f’siti mhux ta’ servizz u mhux residenzjali permezz ta’:

—

bojlers tas-sħana biss;

—

koġenerazzjoni tas-sħana u tal-enerġija ta’ effiċjenza għolja;

—

pompi tas-sħana;

—

teknoloġiji u sorsi oħra fuq il-post;

(iii)

ipprovduta mhux fuq il-post permezz ta’:

—

koġenerazzjoni tas-sħana u tal-enerġija ta’ effiċjenza għolja;

—

sħana mormija;

—

teknoloġiji u sorsi oħra mhux fuq il-post;

(b)

l-identifikazzjoni ta’ installazzjonijiet li jiġġeneraw sħana jew kesħa mormija u l-forniment potenzjali tagħhom ta’ tisħin jew ta’ tkessiħ, f’GWh kull sena:

(i)

l-installazzjonijiet ta’ ġenerazzjoni tal-enerġija termali li jistgħu jfornu jew li jistgħu jiġu modifikati retroattivament biex ifornu s-sħana mormija b’input termali totali li jaqbeż il-50 MW;

(ii)

l-installazzjonijiet tal-koġenerazzjoni tas-sħana u tal-enerġija li jużaw it-teknoloġiji msemmija fil-Parti II tal-Anness II b’input termali totali li jaqbeż l-20 MW;

(iii)

l-impjanti tal-inċinerazzjoni tal-iskart;

(iv)

l-installazzjonijiet tal-enerġija rinnovabbli b’input termali totali li jaqbeż l-20 MW, għajr l-installazzjonijiet speċifikati fil-punti (i) u (ii) li jiġġeneraw it-tisħin jew it-tkessiħ bl-użu ta’ enerġija minn sorsi rinnovabbli;

(v)

l-installazzjonijiet industrijali b’input termali totali li jaqbeż l-20 MW u li jistgħu jipprovdu s-sħana mormija;

(c)

is-sehem rapportat tal-enerġija minn sorsi rinnovabbli u minn sħana jew kesħa mormija fil-konsum tal-enerġija finali tas-settur tat-tisħin u tat-tkessiħ distrettwali ( 23 ) fl-aħħar ħames snin, f’konformità mad-Direttiva (UE) 2018/2001;

3. data aggregata dwar unitajiet ta’ koġenerazzjoni fin-networks eżistenti ta’ tisħin u t-tkessiħ distrettwali f’ħames meded ta’ kapaċità li jkopru:

(a)

il-konsum tal-enerġija primarja;

(b)

l-effiċjenza ġenerali;

(c)

l-iffrankar tal-enerġija primarja;

(d)

fatturi tal-emissjoni tas-CO2;

4. data aggregata dwar in-networks eżistenti tat-tisħin u t-tkessiħ distrettwali fornuti mill-koġenerazzjoni f’ħames meded ta’ kapaċità li jkopru:

(a)

il-konsum tal-enerġija primarja ġenerali;

(b)

il-konsum tal-enerġija primarja ta’ unitajiet ta’ koġenerazzjoni;

(c)

il-kondiviżjoni ta’ koġenerazzjoni fil-forniment ta’ tisħin jew tkessiħ distrettwali;

(d)

it-telf tas-sistema tat-tisħin distrettwali;

(e)

it-telf tas-sistema tat-tkessiħ distrettwali;

(f)

id-densità tal-konnessjoni;

(g)

sehem tas-sistemi skont il-gruppi tat-temperatura operattiva differenti;

5. mappa li tkopri t-territorju nazzjonali kollu, li, filwaqt li tippreserva informazzjoni kummerċjalment sensittiva, tidentifika:

(a)

iż-żoni tad-domanda għat-tisħin u t-tkessiħ wara l-analiżi tal-punt 1, filwaqt li tuża kriterji konsistenti li jagħmlu enfasi fuq dawk iż-żoni tal-muniċipalitajiet u tal-konurbazzjonijiet li għandhom densità tal-enerġija;

(b)

il-punti tal-provvista eżistenti tat-tisħin u tat-tkessiħ identifikati skont il-punt 2(b) u l-installazzjonijiet eżistenti tat-trażmissjoni tat-tisħin distrettwali;

(c)

il-punti tal-provvista ppjanati tat-tisħin u tat-tkessiħ tat-tip deskritt skont il-punt 2(b) u żoni ġodda identifikati għat-tisħin u t-tkessiħ distrettwali;

6. tbassir tax-xejriet fid-domanda għat-tisħin u t-tkessiħ biex tinżamm perspettiva tat-tletin sena li ġejjin f’GWh u filwaqt li jitqiesu, b’mod partikolari, l-projezzjonijiet għall-għaxar snin li ġejjin, il-bidla fid-domanda fil-bini u f’setturi differenti tal-industrija, u l-impatt tal-politiki u tal-istrateġiji relatati mal-ġestjoni tad-domanda, bħall-istrateġiji fit-tul ta’ rinnovazzjoni tal-bini skont id-Direttiva (UE) 2018/844 ( 24 ) tal-Parlament Ewropew u tal-Kunsill;

Parti II

OBJETTIVI, STRATEĠIJI U MIŻURI TA’ POLITIKA

7. il-kontribut ippjanat tal-Istat Membru fir-rigward tal-objettivi, il-miri u l-kontributi nazzjonali tiegħu għall-ħames dimensjonijiet tal-Unjoni tal-Enerġija, kif stabbilit fl-Artikolu 3(2), il-punt (b), tar-Regolament (UE) 2018/1999, miksub b’tisħin u tkessiħ effiċjenti, b’mod partikolari b’rabta mal-Artikolu 4, il-punt (b), il-punti 1 sa 4 u mal-Artikolu 15(4), il-punt (b) ta’ dak ir-Regolament, li jidentifika liema minn dawk l-elementi hu addizzjonali meta mqabbel mal-pjan nazzjonali integrat għall-enerġija u l-klima notifikat skont lill-Artikolu 3 u l-Artikoli 7 sa 12 ta’ dak ir-Regolament;

8. ħarsa kumplessiva ġenerali lejn il-politiki u l-miżuri eżistenti kif deskritt fl-aktar rapport riċenti ppreżentat f’konformità mal-Artikoli 3, 20 u 21 u l-Artikolu 27(a) tar-Regolament (UE) 2018/1999;

Parti III

ANALIŻI TAL-POTENZJAL EKONOMIKU TA’ EFFIĊJENZA FIT-TISĦIN U FIT-TKESSIĦ

9. analiżi tal-potenzjal ekonomiku ( 25 ) ta’ teknoloġiji differenti tat-tisħin u tat-tkessiħ għandha ssir għat-territorju nazzjonali kollu billi tintuża l-analiżi tal-kostbenefiċċji msemmija fl-Artikolu 25(3) u għandha tidentifika xenarji alternattivi għal teknoloġiji aktar effiċjenti u rinnovabbli tat-tisħin u tat-tkessiħ, filwaqt li ssir distinzjoni bejn l-enerġija minn sorsi fossili u dik minn sorsi rinnovabbli, meta applikabbli.

Għandhom jiġu kkunsidrati t-teknoloġiji li ġejjin:

(a)

is-sħana u l-kesħa mormija industrijali;

(b)

l-inċinerazzjoni tal-iskart;

(c)

il-koġenerazzjoni ta’ effiċjenza għolja;

(d)

sorsi tal-enerġija rinnovabbli, pereżempju l-enerġija ġeotermali, l-enerġija termali solari u l-bijomassa, għajr dawk użati għall-koġenerazzjoni ta’ effiċjenza għolja;

(e)

il-pompi tas-sħana;

(f)

it-tnaqqis fit-telf tas-sħana u tal-kesħa min-networks distrettwali eżistenti;

(g)

it- tisħin u t-tkessiħ distrettwali;

10. l-analiżi tal-potenzjal ekonomiku għandha tinkludi l-passi u l-kunsiderazzjonijiet li ġejjin:

(a)

Kunsiderazzjonijiet:

(i)

l-analiżi tal-kostbenefiċċji għall-finijiet tal-Artikolu 25(3) għandha tinkludi analiżi ekonomika li tikkunsidra l-fatturi soċjoekonomiċi u ambjentali ( 26 ), u analiżi finanzjarja li tivvaluta l-proġetti mill-perspettiva tal-investituri, fejn kemm l-analiżi ekonomika u dik finanzjarja jużaw il-valur preżenti nett bħala kriterju għall-valutazzjoni;

(ii)

ix-xenarju bażi għandu jservi ta’ parametru referenzjarju u jqis il-politiki eżistenti waqt it-tħejjija ta’ din il-valutazzjoni komprensiva ( 27 ), u jintrabat mad-data miġbura skont il-Parti I u l-Parti II, il-punt 6 ta’ dan l-Anness;

(iii)

ix-xenarji alternattivi għal-linja bażi għandhom iqisu l-effiċjenza fl-enerġija u l-objettivi tal-enerġija rinnovabbli tar-Regolament (UE) 2018/1999, fejn kull xenarju jippreżenta l-elementi li ġejjin meta mqabbel max-xenarju bażi:

—

il-potenzjal ekonomiku tat-teknoloġiji, eżaminat billi l-valur preżenti nett jintuża bħala kriterju;

—

it-tnaqqis tal-emissjonijiet ta’ gass serra;

—

l-iffrankar tal-enerġija primarja f’GWh kull sena;

—

l-impatt fuq is-sehem tal-enerġija rinnovabbli fit-taħlita tal-enerġija nazzjonali.

Ix-xenarji li ma jkunux fattibbli minħabba raġunijiet tekniċi jew finanzjarji, jew minħabba regolamentazzjoni nazzjonali jistgħu jiġu esklużi fi stadju bikri tal-analiżi tal-kostbenefiċċji, jekk ġustifikat fuq il-bażi ta’ kunsiderazzjonijiet retti, espliċiti u dokumentati sew.

Il-valutazzjoni u t-teħid tad-deċiżjonijiet għandhom iqisu l-iffrankar tal-kostijiet u tal-enerġija miksub b’aktar flessibbiltà fil-provvista tal-enerġija u b’operazzjoni aktar ottimali tan-networks tal-elettriku, inkluż il-kostijiet evitati u l-iffrankar miksub bit-tnaqqis fl-investiment fl-infrastruttura, fix-xenarji analizzati.

(b)

Kostijiet u benefiċċji

Il-kostijiet u l-benefiċċji msemmija fil-punt (a) għandhom jinkludu mill-inqas il-kostijiet u l-benefiċċji li ġejjin:

(i)

kostijiet:

—

il-kostijiet kapitali tal-impjanti u tat-tagħmir;

—

il-kostijiet kapitali tan-networks tal-enerġija assoċjati;

—

il-kostijiet operatorji varjabbli u fissi;

—

il-kostijiet tal-enerġija;

—

il-kostijiet ambjentali, tas-saħħa u tas-sikurezza, kemm jista’ jkun;

—

il-kostijiet tas-suq tax-xogħol, is-sigurtà tal-enerġija u l-kompetittività, kemm jista’ jkun.

(ii)

benefiċċji:

—

il-valur tal-output għall-konsumatur (it-tisħin, it-tkessiħ u l-elettriku);

—

benefiċċji esterni bħall-benefiċċji ambjentali, it-tnaqqis fl-emissjonijiet tal-gassijiet serra, u benefiċċji tas-saħħa u tas-sikurezza, kemm jista’ jkun;

—

l-effetti fuq is-suq tax-xogħol, is-sigurtà tal-enerġija u l-kompetittività, kemm jista’ jkun.

(c)

Xenarji rilevanti għax-xenarju bażi:

Għandu jitqies kull xenarju rilevanti għax-xenarju bażi, inkluż ir-rwol ta’ tisħin u tkessiħ individwali effiċjenti. L-analiżijiet tal-kostbenefiċċji jistgħu ikopru jew valutazzjoni ta’ proġett inkella ta’ grupp ta’ proġetti għal valutazzjoni lokali, reġjonali jew nazzjonali usa’, ħalli tinstab l-aktar soluzzjoni tat-tisħin u t-tkessiħ kosteffettiva u ta’ benefiċċju meta mqabbla max-xenarju bażi għal żona ġeografika partikolari għall-finijiet tal-ippjanar.

(d)

Konfini u approċċ integrat:

(i)

il-konfini ġeografiku għandu jkopri żona ġeografika adegwata u definita sew;

(ii)

l-analiżijiet tal-kostbenefiċċji għandhom iqisu r-riżorsi ċentralizzati jew deċentralizzati rilevanti kollha ta’ provvista, fis-sistema u fil-konfini ġeografiku, inkluż it-teknoloġiji kkunsidrati fil-Parti III, il-punt 9, ta’ dan l-Anness, kif ukoll ix-xejriet u l-karatteristiki kollha tat-tisħin u tat-tkessiħ.

(e)

Suppożizzjonijiet:

(i)

l-Istati Membri għandhom jipprovdu suppożizzjonijiet, għall-finijiet tal-analiżijiet tal-kostbenefiċċji, dwar il-prezzijiet ta’ fatturi maġġuri ta’ input u ta’ output, u dwar ir-rata tal-iskont;

(ii)

ir-rata tal-iskont użata fl-analiżi ekonomika biex jiġi kkalkulat il-valur preżenti nett għandha tingħażel skont linji gwida Ewropej jew nazzjonali;

(iii)

l-Istati Membri għandhom jużaw projezzjonijiet nazzjonali, Ewropej jew internazzjonali tal-iżvilupp tal-prezz tal-enerġija, jekk xieraq, fil-kuntest nazzjonali, reġjonali jew lokali tagħhom;

(iv)

il-prezzijiet użati fl-analiżi ekonomika għandhom jirriflettu l-kostijiet u l-benefiċċji soċjoekonomiċi. Il-kostijiet esterni, bħall-effetti ambjentali u tas-saħħa, għandhom jiġu inklużi kemm jista’ jkun, jiġifieri meta jkun jeżisti prezz tas-suq jew meta dan ikun diġà inkluż fir-regolamentazzjoni Ewropea jew nazzjonali.

(f)

Analiżi tas-sensittività: għandha tiġi inkluża analiżi tas-sensittività biex jiġu vvalutati l-kostijiet u l-benefiċċji ta’ proġett jew ta’ grupp ta’ proġetti abbażi ta’ fatturi varjabbli li jħallu impatt sinifikanti fuq l-eżitu tal-kalkoli, bħal pereżempju prezzijiet differenti tal-enerġija, il-livelli tad-domanda, ir-rati tal-iskont u oħrajn.

Parti IV

STRATEĠIJI U MIŻURI TA’ POLITIKA ĠODDA POTENZJALI

11. ħarsa kumplessiva lejn il-miżuri ta’ politika leġiżlattivi u mhux leġiżlattivi ( 28 ) ġodda biex jitwettaq il-potenzjal ekonomiku identifikat f’konformità mal-punti 9 u 10, flimkien ma’ tbassir ta’:

(a)

it-tnaqqis fl-emissjonijiet tal-gassijiet serra;

(b)

l-iffrankar tal-enerġija primarja f’GWh kull sena;

(c)

l-impatt fuq is-sehem ta’ koġenerazzjoni ta’ effiċjenza għolja;

(d)

l-impatt fuq is-sehem tas-sorsi tal-enerġija rinnovabbli fit-taħlita tal-enerġija nazzjonali u fis-settur tat-tisħin u tat-tkessiħ;

(e)

ir-rabtiet mal-programmazzjoni finanzjarja nazzjonali u l-iffrankar tal-kostijiet għall-baġit pubbliku u għall-parteċipanti tas-suq;

(f)

il-miżuri stmati ta’ appoġġ pubbliku, jekk ikun hemm, bil-baġit annwali tagħhom u l-identifikazzjoni tal-element ta’ għajnuna potenzjali.

ANNESS XI ANALIŻIJIET TAL-KOSTBENEFIĊĊJI

ANNESS XI

ANALIŻIJIET TAL-KOSTBENEFIĊĊJI

L-analiżijiet tal-kostbenefiċċji għandhom jipprovdu informazzjoni għall-għan tal-miżuri msemmija fl-Artikolu 25(3) u l-Artikolu 26(7):

Jekk tiġi ppjanata installazzjoni tal-elettriku biss jew installazzjoni mingħajr irkupru tas-sħana, għandu jsir paragun bejn l-installazzjonijiet ippjanati jew il-modernizzazzjoni ppjanata u installazzjoni ekwivalenti li tipproduċi l-istess ammont ta’ elettriku jew sħana fil-proċessi, iżda li tirkupra s-sħana mormija u tforni s-sħana permezz ta’ koġenerazzjoni ta’ effiċjenza għolja jew networks tat-tisħin u t-tkessiħ distrettwali, jew it-tnejn.

F’konfini ġeografiċi partikolari, il-valutazzjoni għandha tqis l-installazzjoni ppjanata u kull punt eżistenti jew potenzjali xieraq ta’ domanda għat-tisħin jew għat-tkessiħ li jistgħu jiġu fornuti minnha, bil-kunsiderazzjoni ta’ possibbiltajiet razzjonali, pereżempju, l-fattibbiltà teknika u d-distanza.

Il-konfini tas-sistema għandu jinkludi l-installazzjoni ppjanata u t-tagħbijiet tat-tisħin u tat-tkessiħ, bħall-bini u l-proċess industrijali. F’dan il-konfini tas-sistema, il-kost totali tal-forniment tas-sħana u tal-enerġija għandu jiġi ddeterminata għaż-żewġ każijiet u jitqabbel.

It-tagħbijiet tat-tisħin jew tat-tkessiħ għandhom jinkludu t-tagħbijiet eżistenti tat-tisħin jew tat-tkessiħ bħal installazzjonijiet industrijali jew sistema eżistenti tat-tisħin jew tat-tkessiħ distrettwali, u anki, f’żoni urbani, it-tagħbijiet u l-kostijiet eżistenti tat-tisħin jew tat-tkessiħ li jkun hemm jekk grupp ta’ bini jew parti minn belt jiġu fornuti bihom jew jiġu konnessi ma’ network ġdid tat-tisħin jew tat-tkessiħ distrettwali, jew it-tnejn.

L-analiżijiet tal-kostbenefiċċji għandhom ikuni ibbażati fuq deskrizzjoni tal-installazzjoni ppjanata u l-installazzjoni(jiet) paragunati, li tkopri l-kapaċità elettrika u termali, kif applikabbli, it-tip ta’ fjuwil, l-użu ppjanat u l-għadd ta’ sigħat ta’ operazzjoni ppjanati kull sena, il-post u d-domanda elettrika u termali.

Il-valutazzjoni tal-użu tas-sħana mormija għandha tqis it-teknoloġiji attwali. Il-valutazzjoni għandha tqis l-użu dirett tas-sħana mormija jew l-aġġornament tagħha għal livelli ogħla ta’ temperatura, jew it-tnejn li huma. Fil-każ tal-irkupru fuq il-post tas-sħana mormija, għandu jiġi vvalutat mill-inqas l-użu ta’ skambjaturi tas-sħana, pompi tas-sħana, u teknoloġiji tas-sħana għall-enerġija. Fil-każ tal-irkupru mhux fuq il-post tas-sħana mormija, tal-inqas l-installazzjonijiet industrijali, is-siti agrikoli u n-networks tat-tisħin distrettwali għandhom jiġu vvalutati bħala punti ta’ domanda potenzjali.

Għall-finijiet tal-paragun, għandhom jitqiesu d-domanda għall-enerġija termali u t-tipi ta’ tisħin u tkessiħ użati mill-punti viċini tad-domanda għat-tisħin jew għat-tkessiħ. Il-paragun għandu jkopri l-kostijiet relatati mal-infrastruttura għall-installazzjoni ppjanata u paragunata.

L-analiżijiet tal-kostbenefiċċji għall-finijiet tal-Artikolu 26(7) għandhom jinkludu analiżi ekonomika li tkopri analiżi finanzjarja li tirrifletti t-tranżazzjonijiet attwali tal-flussi tal-flus kontanti mill-investimenti f’installazzjonijiet individwali u mit-tħaddim tagħhom.

Il-proġetti b’eżitu pożittiv tal-kostbenefiċċji huma dawk li t-total tal-benefiċċji skontati fl-analiżi ekonomika u finanzjarja jaqbeż it-total tal-kostijiet skontati (eċċess tal-kostbenefiċċji).

L-Istati Membri għandhom jistabbilixxu l-prinċipji gwida għall-metodoloġija, is-suppożizzjonijiet u l-medda taż-żmien għall-analiżi ekonomika.

L-Istati Membri jistgħu jitolbu lill-kumpaniji responsabbli mill-operazzjoni tal-installazzjonijiet ta’ ġenerazzjoni tal-elettriku termali, lill-kumpaniji industrijali, lin-networks tat-tisħin u tat-tkessiħ distrettwali, jew lil partijiet oħra influwenzati mill-konfini definit tas-sistema u mill-konfini ġeografiku, biex jipprovdu data biex tintuża għal valutazzjoni tal-kostijiet u l-benefiċċji ta’ installazzjoni individwali.

ANNESS XII GARANZIJA TAL-ORIĠINI GĦALL-ELETTRIKU PRODOTT MINN KOĠENERAZZJONI TA’ EFFIĊJENZA GĦOLJA

ANNESS XII

GARANZIJA TAL-ORIĠINI GĦALL-ELETTRIKU PRODOTT MINN KOĠENERAZZJONI TA’ EFFIĊJENZA GĦOLJA

(1)

L-Istati Membri għandhom jieħdu miżuri biex jiżguraw li:

(a)

il-garanzija tal-oriġini tal-elettriku ġġenerat b’koġenerazzjoni ta’ effiċjenza għolja:

—

tippermetti li l-produtturi juru li l-elettriku li jbigħu hu ġġenerat b’koġenerazzjoni ta’ effiċjenza għolja u tinħareġ għal dak il-għan bħala rispons għal talba tal-produttur;

—

hija preċiża, affidabbli u reżistenti għall-frodi;

—

tinħareġ, tiġi trasferita u titħassar b’mod elettroniku;

(b)

l-istess unità tal-enerġija mill-koġenerazzjoni ta’ effiċjenza għolja titqies darba biss.

(2)

Il-garanzija tal-oriġini msemmija fl-Artikolu 26(13) għandha tinkludi mill-inqas l-informazzjoni li ġejja:

(a)

l-identità, il-post, it-tip u l-kapaċità (termali u elettrika) tal-installazzjoni fejn tiġi ġġenerata l-enerġija;

(b)

id-dati u l-postijiet tal-produzzjoni;

(c)

il-valur kalorifiku aktar baxx tas-sors tal-fjuwil li minnu jiġi ġġenerat l-elettriku;

(d)

il-kwantità u l-użu tas-sħana ġġenerata flimkien mal-elettriku;

(e)

il-kwantità tal-elettriku minn koġenerazzjoni ta’ effiċjenza għolja skont l-Anness III li tirrappreżenta l-garanzija tal-oriġini;

(f)

l-iffrankar tal-enerġija primarja kkalkolat skont l-Anness III fuq il-bażi tal-valuri armonizzati ta’ referenza tal-effiċjenza indikati fl-Anness III, il-punt (d);

(g)

l-effiċjenza elettrika u termali nominali tal-impjant;

(h)

jekk u sa liema punt l-installazzjoni bbenefikat minn appoġġ għall-investiment;

(i)

jekk u sa liema punt l-unità tal-enerġija bbenefikat mod ieħor minn xi skema ta’ appoġġ nazzjonali, u t-tip tal-iskema ta’ appoġġ;

(j)

id-data meta l-impjant sar operazzjonali; u

(k)

id-data u l-pajjiż tal-ħruġ, u numru ta’ identifikazzjoni uniku.

Il-garanzija tal-oriġini għandu jkollha l-qies standard ta’ 1 MWh. Għandha tkun relatata mal-output tal-elettriku nett imkejjel fil-konfini tal-istazzjoni u esportat lejn il-grilja.

ANNESS XIII KRITERJI TAL-EFFIĊJENZA ENERĠETIKA GĦAL REGOLAMENTAZZJONI TAN-NETWORK TAL-ENERĠIJA U GĦAT-TARIFFI TAN-NETWORK TAL-ELETTRIKU

ANNESS XIII

KRITERJI TAL-EFFIĊJENZA ENERĠETIKA GĦAL REGOLAMENTAZZJONI TAN-NETWORK TAL-ENERĠIJA U GĦAT-TARIFFI TAN-NETWORK TAL-ELETTRIKU

1. It-tariffi tan-network għandhom ikunu trasparenti u nondiskriminatorji, u għandhom jikkonformaw mal-Artikolu 18 tar-Regolament (UE) 2019/943 u jirriflettu l-kost tal-iffrankar tal-kost fin-networks miksub min-naħa tad-domanda u l-miżuri ta’ rispons għad-domanda u l-ġenerazzjoni distribwita, inkluż l-iffrankar miksub bit-tnaqqis fil-kost tat-twassil jew tal-investiment fin-networks, u b’operazzjoni aktar ottimali tan-network.

2. Ir-regolamentazzjoni u t-tariffi tan-netwerk m’għandhomx jipprevjenu lill-operaturi tan-netwerk jew lill-bejjiegħa tal-enerġija milli jagħmlu disponibbli servizzi tas-sistema għal miżuri ta’ rispons għad-domanda, il-ġestjoni tad-domanda u l-ġenerazzjoni distribwita fis-swieq tal-elettriku organizzati, inkluż is-swieq over-the-counter u l-iskambji tal-elettriku għall-kummerċ tal-enerġija, il-kapaċità, l-ibbilanċjar u s-servizzi anċillari fil-perjodi kollha ta’ żmien, inkluż is-swieq tal-futuri, ta’ ġurnata bil-quddiem u tal-istess ġurnata, b’mod partikolari:

(a)

it-trasferiment tat-tagħbija mill-ħinijiet tal-akbar domanda għall-ħinijiet li mhumiex tal-akbar domanda, u l-klijenti finali jqisu d-disponibbiltà tal-enerġija rinnovabbli, l-enerġija mill-koġenerazzjoni u l-ġenerazzjoni distribwita;

(b)

l-iffrankar tal-enerġija miksub b’rispons għad-domanda tal-konsumaturi distribwiti b’aggregaturi indipendenti;

(c)

it-tnaqqis tad-domanda miksub b’miżuri tal-effiċjenza enerġetika mwettqa mill-fornituri tas-servizzi tal-enerġija, inkluż l-ESCOs;

(d)

il-konnessjoni u d-dispaċċ ta’ sorsi ta’ ġenerazzjoni b’livelli aktar baxxi ta’ vultaġġ;

(e)

il-konnessjoni ta’ sorsi ta’ ġenerazzjoni minn post eqreb lejn il-konsum; kif ukoll

(f)

il-ħżin tal-enerġija.

3. It-tariffi tan-network jew tal-bejgħ bl-imnut jistgħu jappoġġaw l-ipprezzar dinamiku għal miżuri ta’ rispons għad-domanda mill-klijenti finali, bħal:

(a)

tariffi skont il-ħin tal-użu (time-of-use tariffs);

(b)

ipprezzar għall-ħinijiet kritiċi tal-aktar użu (critical peak pricing);

(c)

ipprezzar fil-ħin reali; kif ukoll

(d)

rifużjonijiet tal-ħinijiet tal-aktar użu.

ANNESS XIV REKWIŻITI TAL-EFFIĊJENZA ENERĠETIKA GĦALL-OPERATURI TAS-SISTEMI TAT-TRAŻMISSJONI U GĦALL-OPERATURI TAS-SISTEMI TAD-DISTRIBUZZJONI

ANNESS XIV

REKWIŻITI TAL-EFFIĊJENZA ENERĠETIKA GĦALL-OPERATURI TAS-SISTEMI TAT-TRAŻMISSJONI U GĦALL-OPERATURI TAS-SISTEMI TAD-DISTRIBUZZJONI

L-operaturi tas-sistemi tat-trażmissjoni u tad-distribuzzjoni għandhom:

(a)

jistabbilixxu u jagħmlu pubbliċi r-regoli standard tagħhom relatati mat-tiġrib u l-qsim tal-kostijiet tal-adattamenti tekniċi, bħall-konnessjonijiet mal-grilja, rinfurzar tal-grilja u l-introduzzjoni ta’ grilji ġodda, operazzjoni mtejba tal-grilja u regoli dwar l-implimentazzjoni nondiskriminatorja tal-kodiċijiet tal-grilja, li huma meħtieġa għal integrazzjoni tal-produtturi l-ġodda li jalimentaw l-elettriku ġġenerat b’koġenerazzjoni ta’ effiċjenza għolja fil-grilja interkonnessa;

(b)

jipprovdu lil kull produttur ġdid tal-elettriku ġġenerat b’koġenerazzjoni ta’ effiċjenza għolja li jixtieq ikun konness mas-sistema bl-informazzjoni komprensiva u meħtieġa mitluba, inkluż:

(i)

stima komprensiva u dettaljata tal-kostijiet assoċjati mal-konnessjoni;

(ii)

skeda taż-żmien raġonevoli u preċiża għall-wasla u l-ipproċessar tat-talba għall-konnessjoni mal-grilja;

(iii)

skeda taż-żmien indikattiva u raġonevoli għal kwalunkwe konnessjoni proposta mal-grilja. Il-proċess ġenerali għal konnessjoni mal-grilja ma għandux ikun itwal minn 24 xahar, b’kunsiderazzjoni ta’ dak li hu raġonevolment prattikabbli u nondiskriminatorju;

(c)

jipprovdu proċeduri standardizzati u simplifikati għall-konnessjoni ta’ produtturi distribwiti ta’ koġenerazzjoni ta’ effiċjenza għolja biex jiffaċilitaw il-konnessjoni tagħhom mal-grilja.

Ir-regoli standard imsemmija fil-punt (a) tal-ewwel paragrafu għandhom ikunu bbażati fuq kriterji oġġettivi, trasparenti u nondiskriminatorji b’kunsiderazzjoni partikolari tal-kostijiet u l-benefiċċji kollha assoċjati mal-konnessjoni ta’ dawk il-produtturi mal-grilja. Dawn jistgħu jipprevedu tipi differenti ta’ konnessjoni.

ANNESS XV ELEMENTI MINIMI LI JRIDU JIĠU INKUŻI FIL-KUNTRATTI TAL-PRESTAZZJONI TAL-ENERĠIJA JEW FL-ISPEĊIFIKAZZJONIJIET TAS-SEJĦIET GĦALL-OFFERTI ASSOĊJATI

ANNESS XV

ELEMENTI MINIMI LI JRIDU JIĠU INKUŻI FIL-KUNTRATTI TAL-PRESTAZZJONI TAL-ENERĠIJA JEW FL-ISPEĊIFIKAZZJONIJIET TAS-SEJĦIET GĦALL-OFFERTI ASSOĊJATI

—

Sejbiet u rakkomandazzjonijiet stabbiliti f’analiżi u verifiki tal-enerġija mwettqa qabel ma jiġi konkluż il-kuntratt li jkopri l-użu tal-enerġija tal-bini bil-ħsieb li jiġu implimentati miżuri li jtejbu l-effiċjenza enerġetika.

—

Lista ċara u trasparenti tal-miżuri ta’ effiċjenza li jridu jitwettqu jew ir-riżultati tal-effiċjenza li jridu jinkisbu.

—

L-iffrankar iggarantit li jinkiseb bl-implimentazzjoni tal-miżuri tal-kuntratt.

—

It-tul u t-tappi ewlenin tal-kuntratt, it-termini u l-perjodu ta’ notifika.

—

Lista ċara u trasparenti tal-obbligi ta’ kull parti kontraenti.

—

Id-data/i ta’ referenza biex ikun stabbilit l-iffrankar miksub.

—

Lista ċara u trasparenti tal-passi li jridu jsiru biex titwettaq miżura jew pakkett ta’ miżuri u, meta rilevanti, il-kostijiet assoċjati.

—

Obbligu li ta’ implimentazzjoni sħiħa tal-miżuri fil-kuntratt u dokumentazzjoni tal-bidliet kollha li jsiru tul il-proġett.

—

Regolamenti li jispeċifikaw l-inklużjoni ta’ rekwiżiti ekwivalenti f’kull subkuntrattar ma’ partijiet terzi.

—

Turija ċara u trasparenti tal-implikazzjonijiet finanzjarji tal-proġett u d-distribuzzjoni tas-sehem taż-żewġ partijiet fl-iffrankar monetarju miksub, jiġifieri r-remunerazzjoni tal-fornitur tas-servizzi.

—

Dispożizzjonijiet ċari u trasparenti dwar il-kejl u l-verifika tal-iffrankar iggarantit miksub, kontrolli tal-kwalità u garanziji.

—

Dispożizzjonijiet li jiċċaraw il-proċedura biex jiġu indirizzati l-kundizzjonijiet qafas li qed jinbidlu u li jaffettwaw il-kontenut u l-eżitu tal-kuntratt, jiġifieri l-prezzijiet tal-enerġija li qed jinbidlu u l-intensità tal-użu ta’ installazzjoni.

—

Informazzjoni dettaljata tal-obbligi ta’ kull parti kontraenti u tal-penali għall-ksur tagħhom.

ANNESS XVI

Parti A

Direttiva revokata b’lista tal-emendi suċċessivi tagħha (msemmija fl-Artikolu 39)

Id-Direttiva 2012/27/UE tal-Parlament Ewropew u tal-Kunsill (ĠU L 315, 14.11.2012, p. 1)
Id-Direttiva tal-Kunsill 2013/12/UE (ĠU L 141, 28.5.2013, p. 28)
Id-Direttiva (UE) 2018/844 tal-Parlament Ewropew u tal-Kunsill (ĠU L 156, 19.6.2018, p. 75)	l-Artikolu 2 biss
Id-Direttiva (UE) 2018/2002 tal-Parlament Ewropew u tal-Kunsill (ĠU L 328, 21.12.2018, p. 210)
Ir-Regolament (UE) 2018/1999 tal-Parlament Ewropew u tal-Kunsill (ĠU L 328, 21.12.2018, p. 1)	l-Artikolu 54 biss
Id-Deċiżjoni (UE) 2019/504 tal-Parlament Ewropew u tal-Kunsill (ĠU L 85 I, 27.3.2019, p. 66)	l-Artikolu 1 biss
Ir-Regolament Delegat tal-Kummissjoni (UE) 2019/826 (ĠU L 137, 23.5.2019, p. 3)
Id-Direttiva (UE) 2019/944 tal-Parlament Ewropew u tal-Kunsill (ĠU L 158, 14.6.2019, p. 125)	l-Artikolu 70 biss

Parti B

Limiti ta’ żmien għat-traspożizzjoni fil-liġi nazzjonali (imsemmija fl-Artikolu 39)

Direttiva	Limitu ta’ żmien għat-traspożizzjoni
2012/27/UE	5 ta’ Ġunju 2014
(UE) 2018/844	10 ta’ Marzu 2020
(UE) 2018/2002	25 ta’ Ġunju 2020, għajr għall-punti 5 sa 10 tal-Artikolu 1 u l-punti 3 u 4 tal-Anness 25 ta’ Ottubru 2020 fir-rigward tal-punti 5 sa 10 tal-Artikolu 1 u l-punti 3 u 4 tal-Anness
(UE) 2019/944	31 ta’ Diċembru 2019 fir-rigward tal-punt (5)(a) tal-Artikolu 70 25 ta’ Ottubru 2020 fir-rigward tal-punt (4) tal-Artikolu 70 31 ta’ Diċembru 2020 fir-rigward tal-punti (1) sa (3), (5)(b) u (6) tal-Artikolu 70

ANNESS XVII Tabella ta’ Korrelazzjoni

ANNESS XVII

Tabella ta’ Korrelazzjoni

Id-Direttiva 2012/27/UE	Din id-Direttiva
Artikolu 1	Artikolu 1
Artikolu 2, il-kliem introduttorju	Artikolu 2, il-kliem introduttorju
Artikolu 2, il-punt 1	Artikolu 2, il-punt 1
-	Artikolu 2, il-punti 2, 3 u 4
Artikolu 2, il-punt 2	Artikolu 2, il-punt 5
Artikolu 2, il-punt 3	Artikolu 2, il-punt 6
-	Artikolu 2, il-punt 7
Artikolu 2, il-punt 4	Artikolu 2, il-punt 8
Artikolu 2, il-punt 5	Artikolu 2, il-punt 9
Artikolu 2, il-punt 6	Artikolu 2, il-punt 10
Artikolu 2, il-punt 7	Artikolu 2, il-punt 11
Artikolu 2, il-punt 8	Artikolu 2, il-punt 12
Artikolu 2, il-punt 9	-
Artikolu 2, il-punt 10	Artikolu 2, il-punt 13
-	Artikolu 2, il-punti 14 u 15
Artikolu 2, il-punt 11	Artikolu 2, il-punt 16
Artikolu 2, il-punt 12	Artikolu 2, il-punt 17
Artikolu 2, il-punt 13	Artikolu 2, il-punt 18
Artikolu 2, il-punt 14	Artikolu 2, il-punt 19
Artikolu 2, il-punt 15	Artikolu 2, il-punt 20
Artikolu 2, il-punt 16	Artikolu 2, il-punt 21
Artikolu 2, il-punt 17	Artikolu 2, il-punt 22
Artikolu 2, il-punt 18	Artikolu 2, il-punt 23
Artikolu 2, il-punt 19	Artikolu 2, il-punt 24
Artikolu 2, il-punt 20	Artikolu 2, il-punt 25
Artikolu 2, il-punt 21	Artikolu 2, il-punt 26
Artikolu 2, il-punt 22	Artikolu 2, il-punt 27
Artikolu 2, il-punt 23	Artikolu 2, il-punt 28
Artikolu 2, il-punt 24	Artikolu 2, il-punt 29
-	Artikolu 2, il-punt 30
-	Artikolu 2, il-punt 31
Artikolu 2, il-punt 25	Artikolu 2, il-punt 32
Artikolu 2, il-punt 26	-
Artikolu 2, il-punt 27	Artikolu 2, il-punt 33
Artikolu 2, il-punt 28	Artikolu 2, il-punt 34
Artikolu 2, il-punt 29	Artikolu 2, il-punt 35
Artikolu 2, il-punt 30	Artikolu 2, il-punt 36
Artikolu 2, il-punt 31	Artikolu 2, il-punt 37
Artikolu 2, il-punt 32	Artikolu 2, il-punt 38
Artikolu 2, il-punt 33	Artikolu 2, il-punt 39
Artikolu 2, il-punt 34	Artikolu 2, il-punt 40
Artikolu 2, il-punt 35	Artikolu 2, il-punt 41
Artikolu 2, il-punt 36	Artikolu 2, il-punt 42
Artikolu 2, il-punt 37	Artikolu 2, il-punt 43
Artikolu 2, il-punt 38	Artikolu 2, il-punt 44
Artikolu 2, il-punt 39	Artikolu 2, il-punt 45
Artikolu 2, il-punt 40	-
Artikolu 2, il-punt 41	Artikolu 2, il-punt 46
Artikolu 2, il-punt 42	Artikolu 2, il-punt 47
Artikolu 2, il-punt 43	Artikolu 2, il-punt 48
-	Artikolu 2, il-punt 49
Artikolu 2, il-punt 44	Artikolu 2, il-punt 50
Artikolu 2, il-punt 45	Artikolu 2, il-punt 51
-	Artikolu 2, il-punti 52, 53, 54, 55 u 56
-	Artikolu 3
-	Artikolu 4(1)
Artikolu 3(1), l-ewwel subparagrafu	Artikolu 4(2), l-ewwel subparagrafu Artikolu 4(2), it-tieni subparagrafu
Artikolu 3(1), it-tieni subparagrafu, il-kliem introduttorju	Artikolu 4(3), l-ewwel subparagrafu, il-kliem introduttorju
Artikolu 3(1), it-tieni subparagrafu, il-punti (a) u (b)	Artikolu 4(3), l-ewwel subparagrafu, il-punti (a) u (b)
Artikolu 3(1), it-tieni subparagrafu, il-punt (c)	-
Artikolu 3(1), it-tieni subparagrafu, il-punt (d)	Artikolu 4(3), l-ewwel subparagrafu, il-punt (c)
Artikolu 3(1), it-tielet subparagrafu, il-kliem introduttorju	-
-	Artikolu 4(3), l-ewwel subparagrafu, il-punt (d), il-kliem introduttorju
-	Artikolu 4(3), l-ewwel subparagrafu, il-punti (d)(i), (ii) u (iii)
Artikolu 3(1), it-tielet subparagrafu, il-punt (a)	Artikolu 4(3), l-ewwel subparagrafu, il-punt (d)(iv)
-	Artikolu 4(3), l-ewwel subparagrafu, il-punt (e), il-kliem introduttorju
Artikolu 3(1), it-tielet subparagrafu, il-punt (b)	Artikolu 4(3), l-ewwel subparagrafu, il-punt (e)(i)
Artikolu 3(1), it-tielet subparagrafu, il-punt (c)	Artikolu 4(3) l-ewwel subparagrafu, il-punt (e)(ii)
Artikolu 3(1), it-tielet subparagrafu, il-punt (d)	Artikolu 4(3), l-ewwel subparagrafu, il-punt (e)(iii)
Artikolu 3(1), it-tielet subparagrafu, il-punt (e)	-
-	Artikolu 4(3), l-ewwel subparagrafu, punt (e)(iv)
Artikolu 3(2) u (3)	-
Artikolu 3(4)	Artikolu 35(6)
Artikolu 3(5) u (6)	-
-	Artikolu 4(4)
-	Artikolu 4(5)
-	Artikolu 4(6)
-	Artikolu 4(7)
-	Artikolu 5
Artikolu 5(1), l-ewwel subparagrafu	Artikolu 6(1), l-ewwel subparagrafu
Artikolu 5(1), it-tieni subparagrafu	Artikolu 6(1), il-ħames subparagrafu
-	Artikolu 6(1), it-tieni u t-tielet subparagrafu
Artikolu 5(1), it-tielet subparagrafu	Artikolu 6(1), ir-raba’ subparagrafu
Artikolu 5(1), ir-raba’ u l-ħames subparagrafi	-
Artikolu 5(2) -	Artikolu 6(2) Artikolu 6(2), it-tieni subparagrafu
Artikolu 5(3)	Artikolu 6(3)
Artikolu 5(4)	Artikolu 6 (4)
Artikolu 5(5)	Artikolu 6 (5)
Artikolu 5(5), l-ewwel subparagrafu, punt (b)	Artikolu 6(5), it-tieni subparagrafu, punt (c)
-	Artikolu 6(5), it-tieni subparagrafu, punt (b)
Artikolu 5(6)	Artikolu 6(6)
-	Artikolu 6(6), it-tieni subparagrafu, punt (a)
Artikolu 5(6), it-tieni subparagrafu	Artikolu 6(6), it-tieni subparagrafu, punt (b)
Artikolu 5(6), it-tielet subparagrafu	Artikolu 6(6), it-tielet subparagrafu
Artikolu 5(7)	-
Artikolu 6(1), l-ewwel subparagrafu	Artikolu 7(1), l-ewwel subparagrafu
Artikolu 6(1), it-tieni subparagrafu	Artikolu 7(1), l-ewwel subparagrafu
-	Artikolu 7(1), it-tieni subparagrafu

Artikolu 6(2), (3) u (4)	Artikolu 7(2), (3) u (4)
-	Artikolu 7(5), (6), (7) u (8)

Artikolu 7(1), kliem introduttorju, il-punti (a) u (b)	Artikolu 8(1), kliem introduttorju, il-punti (a) u (b)
-	Artikolu 8(1), il-punt (c)
Artikolu 7(1), it-tieni subparagrafu	Artikolu 8(5)
Artikolu 7(1), it-tielet subparagrafu	Artikolu 8(1), il-ħames subparagrafu
Artikolu 7(1), ir-raba’ subparagrafu	Artikolu 8(1), ir-raba’ subparagrafu
-	Artikolu 8 (3) u (4)
Artikolu 7(2)	Artikolu 8(6)
Artikolu 7(3)	Artikolu 8(7)
Artikolu 7(4)	Artikolu 8(8)
Artikolu 7(5)	Artikolu 8(9)
Artikolu 7(6)	Artikolu 8(10)
Artikolu 7(7)	-
Artikolu 7(8)	-
Artikolu 7(9)	-
Artikolu 7(10)	Artikolu 8(2)
Artikolu 7(11)	-
	Artikolu 8(11), (12) u (13)
Artikolu 7(12)	Artikolu 8(14)
Artikolu 7a (1)	Artikolu 9(1)
Artikolu 7a(2)	Artikolu 9(3)
Artikolu 7a(3)	Artikolu 9(4)
-	Artikolu 9(2)
-	Artikolu 9(5), (6) u (7)
Artikolu 7a (4) u (5)	Artikolu 9(8) u (9)
-	Artikolu 9(10)
Artikolu 7a (6) u (7)	Artikolu 9(11) u (12)
Artikolu 7b (1) u (2)	Artikolu 10(1) u (2)
-	Artikolu 10(3) u (4)
-	Artikolu 11(1) u (2)
-	Artikolu 11(3) u (4)
Artikolu 8(1) u (2)	Artikolu 11(5), (6) u (7)
Artikolu 8(3) u (4)	-
-	Artikolu 11(8)
Artikolu 8(5)	Artikolu 11(9)
-	Artikolu 11(10)
Artikolu 8(6)	Artikolu 11(11)
Artikolu 8(7)	Artikolu 11(12)
-	Artikolu 12
Artikolu 9	Artikolu 13
Artikolu 9a	Artikolu 14
Artikolu 9b	Artikolu 15
Artikolu 9c	Artikolu 16
Artikolu 10	Artikolu 17
Artikolu 10a	Artikolu 18
Artikolu 11	Artikolu 19
Artikolu 12	Artikolu 20
-	Artikolu 21
-	Artikolu 22(1)
Artikolu 12(1)	Artikolu 22 (2)
Artikolu 12(2), il-kliem introduttorju u l-punti (a), il-punti (i) sa (v)	Artikolu 22(2), it-tieni subparagrafu, il-punti (a) sa (g) Artikolu 22(2), it-tieni subparagrafu, il-punt (h)
Artikolu 12(2), il-punt (b)	Artikolu 22(3), it-tielet subparagrafu
-	Artikolu 22(3), it-tielet subparagrafu, il-punt (a) u (b)
Artikolu 12(2), il-punt (b), il-punti (i) u (ii)	Artikolu 22(3), it-tielet subparagrafu, il-punti (c) u (d)
-	Artikolu 22(3), it-tielet subparagrafu, il-punt (e)
-	Artikolu 22(4)– sa (9)
-	Artikolu 23
-	Artikolu 24
Artikolu 13	Artikolu 32
Artikolu 14(1)	Artikolu 25(1)
-	Artikolu 25(2)
Artikolu 14(2)	Artikolu 25(5)
Artikolu 14(3)	Artikolu 25(3), l-ewwel subparagrafu
-	Artikolu 25(3), it-tieni subparagrafu
Artikolu 14(4)	Artikolu 25(4)
-	Artikolu 25(6)
-	Artikolu 26(1), (2), (3), (4), (5) u (6)
Artikolu 14(5), il-kliem introduttorju u l-punt (a)	Artikolu 26(7), il-kliem introduttorju u l-punt (a)
Artikolu 14(5), il-punti (b), (c) u (d)	-
-	Artikolu 26(4), il-punti (b), (c) u (d) u t-tieni subparagrafu
Artikolu 14(5), it-tieni u t-tielet subparagrafi	Artikolu 26(7), it-tielet u r-raba’ subparagrafi
Artikolu 14(6), il-punt (a)	Artikolu 26(8), il-punt (a)
Artikolu 14(6), il-punt (b)	-
Artikolu 14(6), il-punt (c)	Artikolu 26(8), il-punt (b)
-	Artikolu 26(8), il-punt (c)
Artikolu 14(6), it-tieni u t-tielet subparagrafi	Artikolu 26(8), it-tieni u t-tielet subparagrafi
Artikolu 14(7), (8) u (9)	Artikolu 26(9), (10) u (11)
-	Artikolu 26(12)
Artikolu 14(10) u (11)	Artikolu 26(13) u (14)
Artikolu 15(1), l-ewwel subparagrafu	Artikolu 27(1)
Artikolu 15(1), it-tieni u t-tielet subparagrafi	-
-	Artikolu 27(2), (3) u (4)
Artikolu 15(1), ir-raba’ subparagrafu	Artikolu 27(5)
Artikolu 15(2) u (2a)	-
Artikolu 15(3), (4) u (5), l-ewwel subparagrafu	Artikolu 27(6), (7) u (8)
Artikolu 15(5), it-tieni subparagrafu	-
Artikolu 15(6), l-ewwel subparagrafu	-
Artikolu 15(6), it-tieni subparagrafu	Artikolu 27(9)
Artikolu 15(7)	Artikolu 27(10)
Artikolu 15(9), l-ewwel subparagrafu	Artikolu 27(11)
Artikolu 15(9), it-tieni subparagrafu	-
Artikolu 16(1) u (2)	-
-	Artikolu 28(1), (2), (3) u (5)
Artikolu 16(3)	Artikolu 28(4)
Artikolu 17(1), l-ewwel subparagrafu	-
Artikolu 17(1), it-tieni subparagrafu	Artikolu 30(3)
Artikolu 17 (2)	Artikolu 22(7)
Artikolu 17(3)	-
Artikolu 17(4)	-
Artikolu 17(5)	Artikolu 22(10)
Artikolu 18(1), il-kliem introduttorju	Artikolu 29(1), il-kliem introduttorju
Artikolu 18(1), il-punt (a), il-punti (i) u (ii)	Artikolu 29(1), il-punti (a) u (b)
-	Artikolu 29(1), il-punti (c) u (d)
Artikolu 18(1), il-punt (b)	Artikolu 29(2)
Artikolu 18(1), il-punt (c)	Artikolu 29(3)
-	Artikolu 29(4)
Artikolu 18(1), il-punt (d), il-punti (i) u (ii)	Artikolu 29(5), il-punti (a) u (b)
-	Artikolu 29(5), il-punt (c)
Artikolu 18(2), il-punti (a) u (b)	Artikolu 29(6), il-punti (a) u (b)
Artikolu 18(2), il-punti (c) u (d)	-
-	Artikolu 29(6), il-punt (c)
-	Artikolu 29(7)
Artikolu 18(3)	Artikolu 29(8)
Artikolu 19(1), il-punt (a)	Artikolu 22(5), l-ewwel subparagrafu
Artikolu 19(1), il-punt (b)	Artikolu 7(7), l-ewwel subparagrafu
Artikolu 19(1), it-tieni subparagrafu	Artikolu 22(9), it-tieni subparagrafu
Artikolu 19(2)	-
Artikolu 20(1) u (2)	Artikolu 30(1) u (2)
-	Artikolu 30(3), (4) u (5)
Artikolu 20(3), (3a), (3b) u (3c)	Artikolu 30(6), (7), (8) u (9)
Artikolu 20(3d)	Artikolu 30(10), l-ewwel subparagrafu
-	Artikolu 30(10), it-tieni subparagrafu
Artikolu 20(4), (5), (6) u (7)	Artikolu 30(11), (13), (14) u (15)
-	Artikolu 30(12)
-	Artikolu 30(16)
-	Artikolu 30(17) u (18)
Artikolu 21	Artikolu 31(1)
Anness IV, nota f’qiegħ il-paġna 3	Artikolu 31(2), (3) u (4)
-	Artikolu 31(5)
Anness IV, nota f’qiegħ il-paġna 3	Artikolu 31(6) u (7)
Artikolu 22(1) u (2)	Artikolu 33(1) u (2)
-	Artikolu 33(3)
Artikolu 23	Artikolu 34
Artikolu 24(4a), (5) u (6)	Artikolu 35(1), (2) u (3)
Artikolu 24(7), (8), (9), (10), (12)	-
Artikolu 24(13) u (14)	Artikolu 35(4) u (5)
Artikolu 24(15), il-kliem introduttorju	Artikolu 35(7), il-kliem introduttorju
Artikolu 24(15), il-punt (a)	-
Artikolu 24(15), il-punt (b)	Artikolu 35(7), il-punt (a)
-	Artikolu 35(7), il-punti (b), (c), (d), (e), (f), (g) u (h)
-	Artikolu 35(7), it-tieni subparagrafu
Artikolu 24(8)	Artikolu 35(7), it-tielet subparagrafu
Artikolu 25	-
Artikolu 26	-
Artikolu 28	Artikolu 36
-	Artikolu 37
Artikolu 27, l-ewwel paragrafu	Artikolu 38, l-ewwel paragrafu
Artikolu 27, it-tieni paragrafu	-
Artikolu 27, it-tielet paragrafu	Artikolu 38, it-tieni paragrafu
Artikolu 28(1), l-ewwel subparagrafu	Artikolu 36(1), l-ewwel subparagrafu
Artikolu 28(1), it-tieni subparagrafu	-
Artikolu 28(1), it-tielet u r-raba’ subparagrafi	Artikolu 36(1), it-tieni subparagrafu
Artikolu 28(2)	Artikolu 36 (2)
Artikolu 29	Artikolu 39
-	Artikolu 39, it-tieni paragrafu
-	Artikolu 39, it-tielet paragrafu
Artikolu 30	Artikolu 40
-	Anness I
Anness I	Anness II
Anness II	Anness III
Anness III	Anness IV
Anness IV	-
Anness V	Anness V
Anness VI	Anness VI
-	Anness VII
Anness VII	Anness VIII
Anness VIIa	Anness IX
Anness VIII	Anness X
Anness IX	Anness XI
Anness X	Anness XII
Anness XI	Anness XIII
Anness XII	Anness XIV
Anness XIII	Anness XV
Anness XV	-
-	Anness XVI
-	Anness XVII

1.1 Referenzi

1.2 Rekwiżiti identifikati

1.3 Standards relatati

2. Rekwiżiti identifikati

Rekwiżiti
Sors	Rekwiżit

3. Standards relatati

Standards
Sors	Rekwiżit

Builddate: 05.08.2026 00:00:00 -Doknr: CELEX:32023L1791
EULAW -
European Regulation published on http://eur-lex.europa.eu/