Airteagal 177 Tástálacha struis a úsáidtear chun leordhóthanacht caipitil a mheasúnú

Beidh próisis fhónta tástála struis ar bun ag institiúid le leordhóthanacht a caipitil a mheasúnú. Aithneofar teagmhais fhéideartha nó athruithe sa todhchaí sna dálaí eacnamaíocha a rachadh i gcion go mífhabhrach ar ►C9  neamhchosaintí ◄ creidmheasa na hinstitiúide agus déanfar measúnú leis ar chumas na hinstitiúide dul i ngleic le hathruithe den sórt sin.

Déanfaidh institiúid tástáil struis go rialta ar an ►C9  riosca ◄ creidmheasa le measúnú a dhéanamh ar an éifeacht a d'fhéadfadh a bheith ag dálaí ar leith ar cheanglais chaipitil iomlána do ►C9  riosca ◄ creidmheasa. Is í an institiúid a roghnóidh an tástáil, faoi réir athbhreithniú maoirseachta. Beidh an tástáil a dhéanfar fóinteach agus cuirfear i gcuntas na héifeachtaí a bheadh ag cásanna cúlaithe eacnamaíochta atá géar ach dealraitheach. Déanfaidh institiúid measúnú ar an imirce ina rátálacha faoi na cásanna á áirítear sa tástáil struis. Áireofar formhór mór de ►C9  neamhchosaintí ◄ iomlána na hinstitiúide i bpunanna struis.

Áireofar sna cásanna a úsáidtear faoi mhír 2 tionscnóirí riosca CSR, go háirithe tionscnóirí rioscaí fisiciúla agus rioscaí aistrithe a eascraíonn as an athrú aeráide.