Airteagal 319 Tairseacha na sonraí maidir le caillteanas

Chun an caillteanas riosca oibriúcháin bliantúil a ríomh dá dtagraítear in Airteagal 316(1), cuirfidh institiúidí san áireamh as an tacar sonraí maidir le caillteanas teagmhais riosca oibriúcháin a bhfuil glanchaillteanas acu, arna ríomh i gcomhréir le hAirteagal 318, atá cothrom le EUR 20 000 nó níos mó.

Gan dochar do mhír 1 den Airteagal seo, agus chun críocha Airteagal 446, ríomhfaidh institiúidí freisin an caillteanas riosca oibriúcháin bliantúil dá dtagraítear in Airteagal 316(1), á gcur san áireamh as an tacar sonraí maidir le caillteanas teagmhais riosca oibriúcháin a bhfuil glanchaillteanas acu, arna ríomh i gcomhréir le hAirteagal 318, atá cothrom le EUR 100 000 nó níos mó.

I gcás ina bhfuil caillteanais ann le linn níos mó ná aon bhliain airgeadais amháin mar thoradh ar theagmhas riosca oibriúcháin caillteanais, mar a thagraítear dó in Airteagal 318(1), an dara fomhír, is é an glanchaillteanas comhiomlánaithe an glanchaillteanas a bheidh le cur san áireamh le haghaidh na dtairseach dá dtagraítear i míreanna 1 agus 2 den Airteagal seo.