Airteagal 383v 4.

Agus neamhchosaint ar riosca á sannadh d’earnáil acu, braithfidh institiúidí ar aicmiú a úsáidtear go coitianta sa mhargadh chun eisitheoirí a ghrúpáil de réir earnáil tionscail. Déanfaidh institiúidí gach eisitheoir a shannadh do cheann amháin de na buicéid earnála i mír 1, Tábla 1, agus déanfaidh siad na heisitheoirí uile de chuid an tionscail chéanna a shannadh don earnáil chéanna. Neamhchosaintí ar riosca ó eisitheoir ar bith nach féidir le hinstitiúid a shannadh d’earnáil ar leith ar an gcaoi sin, déanfar na neamhchosaintí sin a shannadh do bhuicéad 11. Déanfar eisitheoirí cothromais ilnáisiúnta nó il-earnála a shannadh do bhuicéad ar leith ar bhonn an réigiúin agus na hearnála is ábhartha ina n-oibríonn an t-eisitheoir cothromais.