+Airteagal 469 Asbhaintí as Ítimí Ghnáthchothromas Leibhéal 1
---+Airteagal 469 1.
---+Airteagal 469 2.
---+Airteagal 469 3.

Airteagal 469 Asbhaintí as Ítimí Ghnáthchothromas Leibhéal 1

-

1. Forbhreathnú

,
Airteagal 469 1.

De mhaolú ar Airteagal 36(1), i rith na tréimhse ón 1 Eanáir 2014 go dtí an 31 Nollaig 2017, beidh feidhm ag an méid seo a leanas:

(a) 

asbhainfidh institiúidí ó ítimí Ghnáthchothromas Leibhéal 1 an céatadán is infheidhme a shonraítear in Airteagal 478 de na méideanna is gá a asbhaint de bhun phointí (a) go (h) d'Airteagal 36(1), cé is moite de shócmhainní cánach iarchurtha atá spleách ar bhrabúsacht todhchaí agus a thagann ó dhifríochtaí sealadacha;

(b) 

cuirfidh institiúidí na forálacha ábhartha a leagtar síos in Airteagal 4723 i bhfeidhm maidir leis na méideanna iarmharacha is gá a asbhaint de bhun phointí (a) go (h) d'Airteagal 36(1), cé is moite de shócmhainní cánach iarchurtha atá ag brath ar bhrabúsacht todhchaí agus a thagann ó dhifríochtaí sealadacha;

(c) 

asbhainfidh institiúidí ó ítimí Ghnáthchothromas Leibhéal 1 an céatadán is infheidhme a shonraítear in Airteagal 472 de na méideanna iomlána is gá a asbhaint de bhun phointí (c) go (i) d'Airteagal 36(1), tar éis Airteagal 470 a chur i bhfeidhm;

(d) 

cuirfidh institiúidí na ceanglais a leagtar síos in Airteagal 472(5) nó in Airteagal 472(11) i bhfeidhm, de réir mar is iomchuí, maidir leis an méid iomlán iarmharach d'ítimí is gá a asbhaint de bhun phointí (c) go (i) d'Airteagal 36(1), tar éis Airteagal 470 a chur i bhfeidhm.
Airteagal 469 2.

Déanfaidh institiúidí an cion den mhéid iarmharach iomlán dá dtagraítear i bpointe (d) de mhír 1, atá faoi réir Airteagal 472(4), a chinneadh tríd an méid a shonraítear i bpointe (a) den mhír sin a roinnt ar an méid a shonraítear i bpointe (b) den mhír sin:

(a) 

méid na sócmhainní cánach iarchurtha atá spleách ar bhrabúsacht todhchaí agus a thagann as difríochtaí sealadacha dá dtagraítear i bpointe (a) d'Airteagal 470(2);

(b) 

suim na méideanna dá dtagraítear i bpointe (a) agus i bpointe (b) d'Airteagal 470(2).
Airteagal 469 3.

Déanfaidh institiúidí an cion den mhéid iarmharach iomlán dá dtagraítear i bpointe (d) de mhír 1, atá faoi réir Airteagal 472(10), a chinneadh tríd an méid a shonraítear i bpointe (a) den mhír sin a roinnt ar an méid a shonraítear i bpointe (b) den mhír sin:

(a) 

méid na sealúchas díreach agus indíreach d'ionstraimí Ghnáthchothromas Leibhéal 1 dá dtagraítear i bpointe (b) d'Airteagal 470(2);

(b) 

suim na méideanna dá dtagraítear i bpointe (a) agus i bpointe (b) d'Airteagal 470(2)

1.1 Tagairtí

1.2 Ceanglais aitheanta

1.3 Caighdeáin ghaolmhara

2. Ceanglais aitheanta

Ceanglais

3. Caighdeáin ghaolmhara

Caighdeáin