18.4 Ról RMF i dteorainneacha

Ba cheart go n-áireofaí i ról RMF freisin measúnú neamhspleách ar sháruithe ar inghlacthacht nó teorainneacha riosca (lena n-áirítear an chúis a aimsiú agus anailís dlí agus eacnamaíoch a dhéanamh ar an gcostas iarbhír a bhaineann le dúnadh, laghdú nó fálú na neamhchosanta i gcoinne an chostais fhéideartha a bhaineann lena choimeád). Ba cheart do RMF na haonaid ghnó lena mbaineann agus an comhlacht bainistíochta a chur ar an eolas, agus bearta ceartaitheacha féideartha a mholadh. Ba cheart do RMF tuairisciú go díreach chuig an gcomhlacht bainistíochta ina fheidhm mhaoirseachta sa chás gur sárú ábhartha atá i gceist, gan dochar do RMF chun feidhmeanna agus coistí inmheánacha eile a thuairisciú.

Ba cheart go mbeadh ról lárnach ag RMF maidir lena áirithiú go ndéanfar cinneadh maidir lena mholadh ar an leibhéal ábhartha, go gcomhlíonfaidh na haonaid ghnó ábhartha an cinneadh agus go dtuairisceofar go hiomchuí é don chomhlacht bainistíochta agus, sa chás ina mbunaítear a leithéid, don choiste riosca.