Roinn II. Measúnú ar ORC – ‘ORC coigeartaithe’

Ba cheart do na húdaráis inniúla a áirithiú go ríomhfadh na hinstitiúidí an ORC mar an raon idir an ‘cumas téarnaimh cás-sonrach’ ab ísle agus ab airde i dtéarmaí caipitil (lena náirítear giaráil) agus ‘táscairí ábhartha RP’ leachtachta i gcomhréir leis na critéir a leagtar amach i mír 31.

Bunaithe ar an measúnú ar ‘chumas téarnaimh cás-sonrach’ na n-institiúidí, ba cheart do na húdaráis inniúla ‘ORC coigeartaithe’ na n-institiúidí a chinneadh mar raon i dtéarmaí caipitil (‘ORC coigeartaithe’) agus leachtachta (‘ORC coigeartaithe’) araon agus measúnú cainníochtúil agus cáilíochtúil foriomlán ar an ORC a chur i gcrích.

Ba cheart go léireodh an ‘ORC coigeartaithe’ measúnú na n-údarás inniúil ar ORC na n-institiúidí tar éis breithniú agus athbhreithniú a dhéanamh ar na gnéithe ábhartha den bhunús atá lena chinneadh. Bunaithe ar thoradh an mheasúnaithe sin, ba cheart an ‘ORC coigeartaithe’ na n-údarás inniúil a bheith b’ísle ná nó cothrom leis an ORC a chinn na hinstitiúidí.