Stádas na dtreoirlínte seo

Tá treoirlínte sa doiciméad seo a eisíodh de bhun Airteagal 16 de Rialachán (AE) Uimh. 1093/2010¹ . De réir Airteagal 16(3) de Rialachán (AE) Uimh. 1093/2010, ní mór d’údaráis inniúla agus d’institiúidí airgeadais gach iarracht a dhéanamh na treoirlínte a chomhlíonadh.

¹ Rialachán (AE) Uimh. 1093/2010 ó Pharlaimint na hEorpa agus ón gComhairle an 24 Samhain 2010 lena mbunaítear Údarás Maoirseachta Eorpach (An tÚdarás Baincéireachta Eorpach), lena leasaítear Cinneadh Uimh. 716/2009/CE agus lena n-aisghairtear Cinneadh 2009/78/CE ón gCoimisiún (IO L 331, 15.12.2010, lch 12).

Leagtar amach sna treoirlínte seo tuairim ÚBE maidir le cleachtais mhaoirseachta iomchuí laistigh den Chóras Eorpach um Maoirseacht Airgeadais nó maidir leis an gcaoi ar cheart dlí an Aontais a chur i bhfeidhm i réimse ar leith. Ba cheart d’údaráis inniúla mar a shainmhínítear iad in Airteagal 4(2) de Rialachán (AE) Uimh. 1093/2010 lena mbaineann treoirlínte iad a chomhlíonadh trína n-ionchorprú ina gcleachtais mar is cuí (e.g. trína gcreat dlíthiúil nó trína bpróisis mhaoirseachta a leasú), lena n-áirítear cásanna ina bhfuil na treoirlínte dírithe go príomha ar institiúidí.