Article 1 1.

Bunaítear leis an Treoir seo ceanglais maidir le feidhmiú cearta áirithe de chuid scairshealbhóirí a ghabhann le scaireanna le ceart vótála maidir le cruinnithe ginearálta cuideachtaí a bhfuil a n-oifig chláraithe i mBallstát agus a bhfuil a nglactar a scaireanna chun a dtrádála ar mhargadh rialáilte atá suite nó a oibríonn laistigh de Bhallstát. Bunaítear léi freisin ceanglais shonracha chun rannpháirtíocht scairshealbhóirí a spreagadh, go háirithe san fhadtéarma. Tá feidhm ag na ceanglais shonracha sin maidir le scairshealbhóirí a shainaithint, faisnéis a tharchur, feidhmiú ceart scairshealbhóirí a éascú, trédhearcacht d’infheisteoirí institiúideacha, do bhainisteoirí sócmhainní agus do chomhairleoirí seachvótála, luach saothair stiúrthóirí agus idirbhearta páirtithe gaolmhara.