Airteagal 1
Leis an Rialachán seo, tugtar isteach cur chuige coiteann rialála chun sláine, trédhearcacht, inchomparáideacht i gcás inar féidir, freagracht, iontaofacht, dea-rialachas agus neamhspleáchas gníomhaíochtaí rátála ESG a fheabhsú, agus ar an gcaoi sin, rannchuidítear le trédhearcacht agus cáilíocht rátálacha ESG agus le clár airgeadais inbhuanaithe an Aontais. Is é is aidhm dó rannchuidiú le feidhmiú cuí an mhargaidh inmheánaigh, agus ardleibhéal cosanta tomhaltóirí agus infheisteoirí a bhaint amach san am céanna agus glas-snasú agus cineálacha eile mífhaisnéise a chosc, lena n-áirítear snasú sóisialta, trí cheanglais trédhearcachta a thabhairt isteach a bhaineann le rátálacha ESG agus rialacha maidir le heagrú agus iompraíocht soláthraithe rátála ESG.