2. Nuair a bheidh measúnú á dhéanamh ar iarraidh dá dtagraítear i mír 1 den Airteagal seo, fíoróidh ESMA cibé an gcomhlíontar na coinníollacha seo a leanas:
|
(a)
|
gur soláthraí rátála ESG beag é an soláthraí rátála ESG de réir bhrí Airteagal 5(1);
|
|
(b)
|
go bhfuil bearta agus nósanna imeachta curtha chun feidhme ag an soláthraí rátála ESG, agus go háirithe sásraí rialaithe inmheánacha, socruithe tuairiscithe inmheánacha agus bearta inmheánacha, lena n-áirithítear neamhspleáchas na n-anailísithe rátála agus na ndaoine a fhormheasann rátálacha ESG agus lena n-áirithítear comhlíonadh éifeachtach an Rialacháin seo;
|
|
(c)
|
go bhfuil sé léirithe ag an soláthraí rátála ESG nár cinneadh a méid ar bhealach chun teacht timpeall ar cheanglais an Rialacháin seo;
|
|
(d)
|
gur léirigh an soláthraí rátála ESG le soiléireacht leordhóthanach nach bhfuil na ceanglais a leagtar síos in Airteagal 15(6), (8) agus (10) comhréireach le cineál, scála nó castacht ghnó an tsoláthraí rátála ESG sin nó i bhfianaise chineál nó raon eisiúna a rátálacha ESG.
|
Ar bhonn na mbreithnithe sin, féadfaidh ESMA an soláthraí rátála ESG sin a dhíolmhú ó na ceanglais uile a leagtar síos in Airteagal 15(6), (8) agus (10) nó, i gcásanna a bhfuil údar cuí leo agus bunaithe ar na heilimintí arna soláthar ag an soláthraí rátála ESG de bhun na chéad fhomhíre, pointe (d), den mhír seo, ó chuid de na ceanglais sin amháin.