Airteagal 51 Forálacha idirthréimhseacha

1.   Tabharfaidh soláthraithe rátála ESG a bhí ag feidhmiú san Aontas ar dháta theacht i bhfeidhm an Rialacháin seo fógra do ESMA faoin 2 Lúnasa 2026 más mian leo leanúint de bheith ag oibriú san Aontas agus iarratas a dhéanamh ar údarú nó ar aitheantas i gcomhréir le Teideal II. Sa chás sin, déanfaidh siad iarratas ar údarú nó ar aitheantas laistigh de 4 mhí ón 2 Iúil 2026. In éagmais iarratas den sórt sin chuig ESMA laistigh den tréimhse 4 mhí sin, scoirfidh siad dá ngníomhaíochtaí.

2.   Tar éis fógra a thabhairt do ESMA de bhun mhír 1, liostófar an soláthraí rátála ESG go sealadach sa chlár dá dtagraítear in Airteagal 14 agus beidh cead aige, go dtí go mbeidh a iarratas formheasta nó diúltaithe, leanúint de bheith ag oibriú san Aontas agus féadfaidh sé rátáil ESG arna soláthar ag soláthraí rátála ESG atá bunaithe lasmuigh den Aontas agus a bhaineann leis an ngrúpa céanna faoi Airteagal 11 a fhormhuiniú.

3.   De mhaolú ar mhír 1 den Airteagal seo, tabharfaidh soláthraithe rátála ESG a aicmítear mar sholáthraithe rátála ESG beaga, de réir bhrí Airteagal 5(1), a bhí ag oibriú san Aontas ar dháta theacht i bhfeidhm an Rialacháin seo, tabharfaidh siad fógra do ESMA i gcomhréir le hAirteagal 5 laistigh de 2 Samhain 2026 más mian leo leanúint de bheith ag oibriú san Aontas. In éagmais fógra den sórt sin faoin dáta sin, scoirfidh siad dá ngníomhaíochtaí.