Airteagal 10 Toradh na tairisceana don phobal agus na socruithe coimirce

Tairgeoirí cripteashócmhainní seachas comharthaí sócmhainn-tagartha nó comharthaí ríomh-airgid a leagann teorainn ama síos maidir lena dtairiscint don phobal ar na cripteashócmhainní sin, foilseoidh siad ar a suíomh gréasáin toradh na tairisceana don phobal laistigh de 20 lá oibre ó dheireadh na tréimhse suibscríbhinne.

Tairgeoirí cripteashócmhainní seachas comharthaí sócmhainn-tagartha nó comharthaí ríomh-airgid nach leagann teorainn ama síos maidir lena dtairiscint don phobal ar na cripteashócmhainní sin, foilseoidh siad ar a suíomh gréasáin ar bhonn leanúnach, ar bhonn míosúil ar a laghad, líon aonaid na gcripteashócmhainní atá i gcúrsaíocht.

Tairgeoirí cripteashócmhainní seachas comharthaí sócmhainn-tagartha nó comharthaí ríomh-airgid a leagann teorainn ama síos maidir lena dtairiscint don phobal ar na cripteashócmhainní sin, beidh socruithe éifeachtacha i bhfeidhm acu chun faireachán a dhéanamh ar na cistí nó ar chripteashócmhainní eile a chruinnítear le linn na tairisceana don phobal agus chun na cistí nó cripteashócmhainní eile sin a choimirciú. Chun na críche sin, áiritheoidh na tairgeoirí sin go gcoimeádfaidh ceann amháin nó an dá cheann díobh seo a leanas faoi chumhdach na cistí nó cripteashócmhainní a chruinnítear le linn na tairisceana don phobal:

Nuair nach bhfuil aon teorainn ama leis an tairiscint don phobal, comhlíonfaidh an tairgeoir mír 3 den Airteagal seo go dtí go rachaidh ceart tarraingthe siar an tsealbhóra miondíola de bhun Airteagal 13 in éag.