+Airteagal 18 Iarratas ar údarú
---+Airteagal 18 1.
---+Airteagal 18 2.
---+Airteagal 18 3.
---+Airteagal 18 4.
---+Airteagal 18 5.
---+Airteagal 18 6.
---+Airteagal 18 7.

Airteagal 18 Iarratas ar údarú

1. Forbhreathnú

,
Airteagal 18 1.
Daoine dlítheanacha nó gnóthais eile a bhfuil sé beartaithe acu comharthaí sócmhainn-tagartha a thairiscint don phobal nó a iarraidh go ligfí isteach iad chun a dtrádála, déanfaidh siad a n-iarratas ar údarú dá dtagraítear in Airteagal 16 a chur faoi bhráid údarás inniúil a mBallstáit baile.
Airteagal 18 2.

Beidh an fhaisnéis uile seo a leanas san iarratas dá dtagraítear i mír 1:

(a) 

seoladh an eisitheora is iarratasóir;

(b) 

aitheantóir eintitis dhlítheanaigh an eisitheora is iarratasóir;

(c) 

airteagail chomhlachais an eisitheora is iarratasóir, i gcás inarb infheidhme;

(d) 

clár oibríochtaí, ina leagtar amach an tsamhail ghnó a bhfuil sé beartaithe ag an eisitheoir is iarratasóir í a leanúint;

(e) 

tuairim dhlíthiúil nach gcáilíonn an comhartha sócmhainn-tagartha mar cheachtar díobh seo a leanas:

(i) 

cripteashócmhainn atá eisiata ó raon feidhme an Rialacháin seo de bhun Airteagal 2(4); nó

(ii) 

comhartha ríomh-airgid;

(f) 

tuairisc mhionsonraithe ar shocruithe rialachais an eisitheora is iarratasóir dá dtagraítear in Airteagal 34(1);

(g) 

i gcás inarb ann do shocruithe comhair le soláthraithe seirbhísí cripteashócmhainní sonracha, tuairisc ar a sásraí rialaithe inmheánaigh agus ar a nósanna imeachta um rialú inmheánach chun comhlíonadh na n-oibleagáidí a áirithiú maidir le sciúradh airgid agus maoiniú sceimhlitheoireachta a chosc faoi Threoir (AE) 2015/849;

(h) 

céannacht chomhaltaí chomhlacht bainistíochta an eisitheora is iarratasóir;

(i) 

cruthúnas go bhfuil dea-cháil leordhóthanach ar na daoine dá dtagraítear i bpointe (h) agus go bhfuil an t-eolas iomchuí, na scileanna iomchuí agus an taithí iomchuí acu chun an t-eisitheoir is iarratasóir a bhainistiú;

(j) 

cruthúnas go bhfuil dea-cháil leordhóthanach ar aon scairshealbhóir nó comhalta, bíodh sé díreach nó indíreach, a bhfuil sealúchas cháilitheach aige san eisitheoir is iarratasóir;

(k) 

páipéar bán maidir le cripteashócmhainní dá dtagraítear in Airteagal 19;

(l) 

na beartais agus na nósanna imeachta dá dtagraítear in Airteagal 34(5), an chéad fhomhír;

(m) 

tuairisc ar na socruithe conarthacha leis na heintitis tríú páirtí dá dtagraítear in Airteagal 34(5), an dara fomhír;

(n) 

tuairisc ar bheartas leanúnachais gnó an eisitheora is iarratasóir dá dtagraítear in Airteagal 34(9);

(o) 

tuairisc ar shásraí rialaithe inmheánaigh agus nósanna imeachta um bainistiú riosca dá dtagraítear in Airteagal 34(10);

(p) 

tuairisc ar na córais agus ar na nósanna imeachta atá i bhfeidhm chun infhaighteacht, barántúlacht, sláine agus rúndacht sonraí dá dtagraítear in Airteagal 34(11) a choimirciú;

(q) 

tuairisc ar nósanna imeachta láimhseála gearán an eisitheora is iarratasóir dá dtagraítear in Airteagal 31;

(r) 

i gcás inarb infheidhme, liosta de na Ballstáit óstacha ina bhfuil sé beartaithe ag an eisitheoir is iarratasóir an comhartha sócmhainn-tagartha a thairiscint don phobal nó a bhfuil sé beartaithe aige a iarraidh go ligfí isteach an comhartha sócmhainn-tagartha chun a thrádála.
Airteagal 18 3.
Ní cheanglófar ar eisitheoirí a údaraíodh cheana i leith comhartha sócmhainn-tagartha amháin aon fhaisnéis a chuir siad faoi bhráid an údaráis inniúil roimhe sin a thíolacadh, chun críoch údaraithe i leith comhartha sócmhainn-tagartha eile, i gcás ina mbeadh faisnéis den sórt sin comhionann. Agus an fhaisnéis a liostaítear i mír 2 á tíolacadh, deimhneoidh an t-eisitheoir go sainráite go bhfuil aon fhaisnéis nár atíolacadh fós cothrom le dáta.
Airteagal 18 4.
Admhóidh an t-údarás inniúil go pras, agus in aon chás laistigh de 2 lá oibre ó iarratas a fháil de bhun mhír 1, i scríbhinn don eisitheoir is iarratasóir go bhfuarthas iarratas den sórt sin.
Airteagal 18 5.

Chun críocha mhír 2, pointí (i) agus (j), soláthróidh eisitheoir an chomhartha sócmhainn-tagartha is iarratasóir cruthúnas ar gach ceann díobh seo a leanas:

(a) 

i gcás gach comhalta den chomhlacht bainistíochta, easpa taifead coiriúil i leith ciontuithe nó easpa pionós arna bhforchur faoin dlí tráchtála is infheidhme, an dlí dócmhainneachta agus an dlí seirbhísí airgeadais, nó maidir le frithsciúradh airgid agus maoiniú frithsceimhlitheoireachta, le calaois nó le dliteanas gairmiúil;

(b) 

go bhfuil an t-eolas iomchuí, scileanna iomchuí agus taithí iomchuí ag comhaltaí chomhlacht bainistíochta eisitheoir an chomhartha sócmhainn-tagartha is iarratasóir chun eisitheoir an chomhartha sócmhainn-tagartha a bhainistiú agus go gceanglaítear ar na daoine sin dóthain ama a thiomnú dá gcuid dualgas a dhéanamh;

(c) 

i gcás na scairshealbhóirí agus na gcomhaltaí uile, bíodh siad díreach nó indíreach, a bhfuil sealúchais cháilitheacha acu san eisitheoir is iarratasóir, easpa taifead coiriúil i leith ciontuithe agus easpa pionós arna bhforchur faoin dlí tráchtála is infheidhme, an dlí dócmhainneachta agus an dlí seirbhísí airgeadais, nó maidir le frithsciúradh airgid agus maoiniú frithsceimhlitheoireachta, le calaois nó le dliteanas gairmiúil.
Airteagal 18 6.
Forbróidh ÚBE, i ndlúthchomhar le ESMA agus le BCE, dréachtchaighdeáin theicniúla rialála chun an fhaisnéis dá dtagraítear i mír 2 a shonrú tuilleadh.

Cuirfidh ÚBE na dréachtchaighdeáin theicniúla rialála dá dtagraítear sa chéad fhomhír faoi bhráid an Choimisiúin faoin 30 Meitheamh 2024.

Déantar an chumhacht a tharmligean chuig an gCoimisiún chun an Rialachán seo a fhorlíonadh trí na caighdeáin theicniúla rialála dá dtagraítear sa chéad fhomhír den mhír seo a ghlacadh i gcomhréir le hAirteagail 10 go 14 de Rialachán (AE) Uimh. 1093/2010.
Airteagal 18 7.
Forbróidh ÚBE, i ndlúthchomhar le ESMA, dréachtchaighdeáin theicniúla cur chun feidhme chun foirmeacha caighdeánacha, teimpléid chaighdeánacha agus nósanna imeachta caighdeánacha a bhunú don fhaisnéis atá le cur ar áireamh san iarratas chun aonfhoirmeacht a áirithiú ar fud an Aontais.

Cuirfidh ÚBE na dréachtchaighdeáin theicniúla cur chun feidhme dá dtagraítear sa chéad fhomhír faoi bhráid an Choimisiúin faoin 30 Meitheamh 2024.

Tugtar an chumhacht don Choimisiún na caighdeáin theicniúla cur chun feidhme dá dtagraítear sa chéad fhomhír a ghlacadh i gcomhréir le hAirteagal 15 de Rialachán (AE) Uimh. 1093/2010.

1.1 Tagairtí

1.2 Ceanglais aitheanta

1.3 Caighdeáin ghaolmhara

2. Ceanglais aitheanta

Ceanglais

3. Caighdeáin ghaolmhara

Caighdeáin