+Airteagal 4 Oibleagáidí simplithe do ghnóthais áirithe
---+Airteagal 4 1
---+Airteagal 4 2
---+Airteagal 4 3
---+Airteagal 4 4

Airteagal 4 Oibleagáidí simplithe do ghnóthais áirithe

1. Forbhreathnú

,
Airteagal 4 1

1.   Agus an tionchar a d’fhéadfadh a bheith ag cliseadh gnóthais árachais nó athárachais á chur san áireamh, mar gheall ar chineál a ghnó, a struchtúr scairshealbhóireachta, a fhoirm dhlíthiúil, a phróifíl riosca, a mhéid agus a stádas dlíthiúil, a idirnascthacht le gnóthais rialáilte eile nó leis an gcóras airgeadais i gcoitinne, raon feidhme agus castacht a ghníomhaíochtaí, agus cé acu is dócha nó nach dócha go mbeadh tionchar mór diúltach ag cliseadh an ghnóthais agus an foirceannadh a dhéanfaí air ina dhiaidh sin de réir gnáthimeachtaí dócmhainneachta ar mhargaí airgeadais, ar ghnóthais eile, ar shealbhóirí polasaí, ar dhálaí cistiúcháin, nó ar an ngeilleagar níos leithne, áiritheoidh na Ballstáit go gcinnfidh údaráis mhaoirseachta agus údaráis réitigh cé acu is féidir nó nach féidir oibleagáidí simplithe a chur i bhfeidhm le haghaidh gnóthais árachais agus athárachais agus grúpaí áirithe i dtaca leis na nithe seo a leanas:

(a)

ábhar agus mionsonraí na bpleananna réamhghabhálacha téarnaimh dá bhforáiltear in Airteagail 5 go 8 agus ábhar agus mionsonraí na bpleananna réitigh dá bhforáiltear in Airteagail 9 go 12;

(b)

an dáta faoina dtarraingeofar suas na chéad phleananna réamhghabhálacha téarnaimh agus na chéad phleananna réitigh agus an mhinicíocht chun pleananna réamhghabhálacha téarnaimh agus pleananna réitigh a nuashonrú, ar minicíocht í a d’fhéadfadh a bheith níos ísle ná an mhinicíocht dá bhforáiltear in Airteagail 5(4), Airteagal 7(3), Airteagal 9(5) agus Airteagal 11(3);

(c)

ábhar agus leibhéal mionsonraithe na faisnéise a éilítear ó ghnóthais de bhun Airteagal 5(6), Airteagal 7(3), Airteagal 10(2) agus Airteagal 12(1);

(d)

leibhéal mionsonraithe an mheasúnaithe ar inréiteacht dá bhforáiltear in Airteagail 13 agus 14.
Airteagal 4 2

2.   Déanfaidh EIOPA, faoin 29 Iúil 2027, treoirlínte a eisiúint i gcomhréir le hAirteagal 16 de Rialachán (AE) Uimh. 1094/2010 chun tuilleadh mionsonraithe faoi na critéir dá dtagraítear i mír 1, an chuid réamhráiteach, den Airteagal seo, a shonrú.
Airteagal 4 3

3.   Cuirfidh na Ballstáit ceangal ar na húdaráis mhaoirseachta nó ar na húdaráis réitigh, de réir mar is infheidhme, an fhaisnéis seo a leanas ar fad a sholáthar do EIOPA ar bhonn bliantúil agus i dtaca le gach Ballstát ar leithligh:

(a)

líon na ngnóthas árachais agus athárachais agus na ngrúpaí atá faoi réir pleanáil réamhghabhálach téarnaimh agus pleanáil réitigh de bhun Airteagail 5, 7, 9 agus 10;

(b)

líon na ngnóthas árachais agus athárachais agus na ngrúpaí atá faoi réir na n-oibleagáidí simplithe amhail dá dtagraítear i mír 1;

(c)

faisnéis chainníochtúil maidir le cur i bhfeidhm na gcritéar dá dtagraítear i mír 1, an chuid réamhráiteach;

(d)

tuairisc ar na hoibleagáidí simplithe a chuirtear i bhfeidhm ar bhonn na gcritéar dá dtagraítear i mír 1, an chuid réamhráiteach, i gcomparáid leis na hoibleagáidí iomlána, mar aon leis an méid ceanglas caipitil, préimheanna, forálacha teicniúla agus sócmhainní, arna dtomhas mar chéatadáin den mhéid iomlán ceanglas caipitil, préimheanna, forálacha teicniúla agus sócmhainní de chuid ghnóthais árachais agus athárachais na mBallstát nó na ngrúpaí ar fad faoi seach, de réir mar is infheidhme.
Airteagal 4 4

4.   Nochtfaidh EIOPA go poiblí, ar bhonn bliantúil agus i gcás gach Ballstáit ar leithligh, an fhaisnéis dá dtagraítear i mír 3, pointí (a) go (d), in éineacht le measúnú ar aon difríochtaí maidir le cur chun feidhme mhír 1 ar an leibhéal náisiúnta.

1.1 Tagairtí

1.2 Ceanglais aitheanta

1.3 Caighdeáin ghaolmhara

2. Ceanglais aitheanta

Ceanglais

3. Caighdeáin ghaolmhara

Caighdeáin