Airteagal 11 1.

Áiritheoidh na Ballstáit gur ar an eisitheoir, ar a laghad, nó ar a chomhlachtaí riaracháin, bainistíochta nó maoirseachta, ar an tairgeoir, ar an duine atá ag iarraidh go ligfí urrúis isteach chun a dtrádála ar mhargadh rialáilte nó ar an ráthóir, de réir mar is amhlaidh, a bheidh an fhreagracht as an bhfaisnéis a thugtar i réamheolaire, agus aon fhorlíonadh a ghabhann leis. Aithneofar go soiléir sa réamheolaire na daoine atá freagrach as an réamheolaire, agus aon fhorlíonadh a ghabhann leis, agus déanfar sin trína n-ainmneacha agus a bhfeidhmeanna a lua, nó i gcás daoine dlítheanacha trína n-oifigí cláraithe a lua, agus chomh maith leis sin trí dhearbhuithe uathu á rá go bhfuil, chomh fada lena n-eolas, an fhaisnéis atá sa réamheolaire i gcomhréir leis na fíricí agus nach bhfuil aon easnamh sa réamheolaire a d'fhéadfadh difear a dhéanamh dá bhrí.