Airteagal 2 Dátaí tuairiscithe tagartha

1.   Chun críoch an cheanglais tuairiscithe dá dtagraítear in Airteagal 22(1) de Rialachán (AE) 2023/1114, cuirfidh eisitheoirí faisnéis faoi bhráid na n-údarás inniúil ar bhonn tuairiscithe ráithiúil, leis na dátaí tagartha tuairiscithe seo a leanas: 31 Márta, 30 Meitheamh, 30 Meán Fómhair agus 31 Nollaig.

2.   Is é a bheidh sa chéad dáta tagartha an dáta a chomhfhreagraíonn don ráithe ina bhfuil luach eisiúna an chomhartha sócmhainn-tagartha níos airde ná an tairseach dá dtagraítear in Airteagal 22(1) de Rialachán (AE) 2023/1114.

3.   Is é a bheidh sa dáta tagartha deireanach an dáta a chomhfhreagraíonn don tríú ráithe as a chéile ina bhfuil luach eisiúna an chomhartha sócmhainn-tagartha níos ísle ná an tairseach dá dtagraítear in Airteagal 22(1) de Rialachán (AE) 2023/1114.