IARSCRÍBHINN XXVII TREORACHA TUAIRISCITHE CHUN G-SIInna A SHAINAITHINT AGUS RÁTAÍ MAOLÁNACHA G-SII A SHANNADH

Ró

Tagairtí dlí agus treoracha

0010 – 0130

Táscairí G-SII

Beidh an míniú a thugtar ar na táscairí mar an gcéanna leis an míniú a cuireadh i bhfeidhm chun críocha an fhaisnéis a liostaítear san Iarscríbhinn a ghabhann le Rialachán Tarmligthe (AE) Uimh. 1222/2014 ón gCoimisiún a chinneadh.

I gcás ina mbeidh athruithe ar na sainmhínithe sa mhodheolaíocht sin, is iad na sainmhínithe leasaithe sin sa mhodheolaíocht atá infheidhme maidir le luachanna na dtáscairí a chinneadh ag deireadh na bliana airgeadais (“modheolaíocht deireadh bliana”) a úsáidfear chun faisnéis a thuairisciú ag deireadh na chéad cheathrún, na dara ceathrún agus na tríú ceathrún den bhliain airgeadais chéanna. I gcás ina mbíonn an teimpléad d’Iarscríbhinn XXVI faoi réir leasuithe i gcaitheamh na bliana airgeadais i gceist, cuirfear an mhodheolaíocht deireadh bliana i bhfeidhm ó na chéad dátaí tagartha is infheidhme tar éis theacht i bhfeidhm an Rialacháin leasaithigh.

Maidir le táscairí ar bearta sreafa iad, déanfar iad a thuairisciú ar bhonn carnach ó thús na bliana féilire nó na bliana airgeadais, de réir mar is infheidhme.

0010

Neamhchosaintí iomlána, lena n-áirítear fochuideachtaí árachais

0020

Sócmhainní inchórais airgeadais, lena n-áirítear fochuideachtaí árachais

0030

Dliteanais inchórais airgeadais, lena n-áirítear fochuideachtaí árachais

0040

Urrúis gan íoc, lena n-áirítear urrúis arna n-eisiúint ag fochuideachtaí árachais

0050

Gníomhaíocht íocaíochtaí

0060

Sócmhainní faoi chumhdach

0070

Gníomhaíocht frithgheallta

0081

Méid trádála – ioncam seasta

0085

Méid trádála – cothromais agus urrúis eile

0090

Méid barúlach díorthach OTC, lena n-áirítear fochuideachtaí árachais

0100

Urrúis trádála agus AFS

0110

Sócmhainní Leibhéal 3, lena n-áirítear fochuideachtaí árachais

0120

Éilimh thrasdlínse

0130

Dliteanais trasdlínse

0140 – 0160

Ítimí a láimhseálann an tAontas Baincéireachta Eorpach (EBU) mar dhlínse aonair

Chun críocha na hítimí a shonraítear thíos a chinneadh agus in éagmais sonraíochtaí sna treoracha thíos, déanfar na sainmhínithe agus na coincheapa a chuirtear i bhfeidhm a ailíniú, a mhéid is féidir, leis na sainmhínithe agus na coincheapa a shainmhínítear sna Treoirlínte maidir le staitisticí baincéireachta idirnáisiúnta BIS a thuairisciú.

De mhaolú air sin, maidir le gníomhaíochtaí na n-eintiteas tuairiscithe sna Ballstáit rannpháirteacha dá dtagraítear in Airteagal 4 de Rialachán (AE) Uimh. 806/2014 ó Pharlaimint na hEorpa agus ón gComhairle (1), déanfar iad a eisiamh, i.e. measfar gur aon dlínse amháin iad na Ballstáit rannpháirteacha.

0140

Éilimh eachtracha iomlána ar bhonn priacal deiridh

Is éard a bheidh sna héilimh eachtracha iomlána suim na n-éileamh trasteorann agus éilimh áitiúla cleamhnaithe eachtracha san airgeadra áitiúil nó seachtrach. Eisiafar éilimh ó shuímh i gconarthaí díorthach. Maidir le “éilimh”, “éilimh thrasteorann”, “éilimh áitiúla cleamhnaithe eachtracha san airgeadra áitiúil agus seachtrach”, beidh an bhrí chéanna leo agus a shainmhínítear sna Treoirlínte maidir le staitisticí baincéireachta idirnáisiúnta BIS a thuairisciú.

Ciallóidh “ar bhonn priacal deiridh”, chun críocha a chinneadh cibé acu an éileamh trasteorann nó áitiúil an t-éileamh i gceist, go sannfar an suíomh do thríú páirtí atá ar conradh chun fiachais nó oibleagáidí an chontrapháirtí phríomha a ghlacadh má theipeann ar an gcontrapháirtí sin feidhmiú, i gcás inarb ann do thríú páirtí den sórt sin. Déanfar an sannadh sin i gcomhréir leis na forálacha maidir le haistrithe priacal dá bhforáiltear sna Treoirlínte maidir le staitisticí baincéireachta idirnáisiúnta BIS a thuairisciú.

0150

Éilimh díorthach eachtracha ar bhonn priacal deiridh

Luach cóir deimhneach na n-éileamh díorthach ar éilimh thrasteorann nó éilimh áitiúla cleamhnaithe eachtracha san airgeadra áitiúil nó seachtrach iad.

Díorthaigh lena n-áirítear réamhchonarthaí, babhtálacha, agus roghanna a bhaineann le hionstraimí malairte eachtraí, ráta úis, cothromais, tráchtearraí agus creidmheasa. Áirítear leis sin díorthaigh chreidmheasa a ceannaíodh lena bhfálaítear nó lena ndéantar cosaint creidmheasa a dhíoltar a fhritháireamh nó díorthaigh chreidmheasa arna sealbhú le trádáil.

I gcás díorthaigh chreidmheasa den sórt sin a ceannaíodh, ní dhéanfar luach an díorthaigh a uasteorannú ag luach an éilimh láithrigh dar ceannaíodh é lena ráthú.

Ní fhéadfaí luachanna córa deimhneacha conarthaí díorthach a fhritháireamh in aghaidh luachanna córa diúltacha ach amháin i gcás ina ndearnadh na suímh a fhorghníomhú leis an gcontrapháirtí céanna faoi chomhaontú glanluachála is infheidhme le dlí. Ní áireofar san ítim seo ach tacair ghlanluachála a bhfuil luach deimhneach acu.

Déanfar na héilimh díorthach a thuairisciú glan ar aon chomhthaobhacht airgid.

Chun críocha faisnéis a thuairisciú ar bhonn priacal deiridh, beidh feidhm ag an méid seo a leanas:

a)  I gcás ina mbainfidh an priacal deiridh leis an gcontrapháirtí, meastar go bhfuil díorthach ina dhíorthach eachtrach mura bhfuil an contrapháirtí i ndlínse baile na n-eintiteas tuairiscithe.

b)  I gcás ina mbainfidh an priacal deiridh leis an ráthóir, meastar go bhfuil díorthach ina dhíorthach eachtrach mura bhfuil an ráthóir i ndlínse baile na n-eintiteas tuairiscithe.

0160

Dliteanais eachtracha ar bhonn priacal láithreach, lena n-áirítear díorthaigh

Is éard a bheidh i gceist le dliteanais eachtracha, lena n-áirítear díorthaigh, suim na ndliteanas eachtrach agus na ndliteanas eachtrach a thagann de dhíorthaigh. Eisiafar ón ítim seo dliteanais urrús ar sócmhainní airgeadais intrádála iad a eisíonn an institiúid tuairiscithe.

Beidh an míniú ar dhíorthaigh mar an gcéanna leis an míniú a cuireadh i bhfeidhm i ró 0150.

Ní fhéadfar luachanna córa diúltacha conarthaí díorthach a fhritháireamh in aghaidh luachanna córa deimhneacha ach amháin i gcás ina ndearnadh na suíomhanna a fhorghníomhú leis an gcontrapháirtí céanna faoi chomhaontú glanluachála is infheidhme le dlí. Déanfar na dliteanais díorthach a thuairisciú glan ar aon chomhthaobhacht (airgid agus neamhairgid).

‘Ciallóidh “ar bhonn priacal deiridh”, chun críocha a chinneadh cibé acu an éileamh trasteorann nó áitiúil an t-éileamh i gceist, go sannfar an suíomh do chontrapháirtí díreach an chonartha.