Destinatarji

Il-linji gwida jindirizzaw l-awtoritajiet kompetenti kif iddefiniti fl-Artikolu 4(2) tar-Regolament (UE) Nru 1093/2010 (l-awtorità tal-EBA) li huma wkoll awtoritajiet kompetenti skont kif iddefiniti fil-punt (22) tal-Artikolu 4 tad-Direttiva 2014/17/UE. Dawn japplikaw sa fejn dawk l-awtoritajiet ġew innominati bħala kompetenti biex jiżguraw l-applikazzjoni u l-infurzar ta’ dawk id-dispożizzjonijiet tad-Direttiva 2014/17/UE li magħhom huma relatati dawn il-linji gwida.

Destinatarji tar-rekwiżiti tal-informazzjoni

Irrispettivament minn jekk l-awtorità tal-EBA hijiex indirizzata jew le taħt il-paragrafu 7, fejn Stat Membru jkun innomina aktar minn awtorità waħda skont l-Artikolu 5 tad-Direttiva 2014/17/UE u waħda minnhom mhijiex awtorità tal-EBA, l-awtorità tal-EBA nnominata skont dak l-Artikolu għandha, mingħajr ħsara għall-arranġamenti nazzjonali adottati taħt l-Artikolu 5(3) tad-Direttiva 2014/17/UE:

• a) tinforma mingħajr dewmien lill-awtorità l-oħra nominata dwar dawn il-linji gwida u d-data ta’ applikazzjoni tagħhom;
• b) titlob bil-miktub lil dik l-awtorità sabiex tikkunsidra tapplika l-linji gwida;
• c) titlob bil-miktub lil dik l-awtorità tinforma jew lill-EBA jew inkella lill-awtorità tal-EBA fi żmien xahrejn min-nofitika skont is-subparagrafu (a) jekk tkunx qed tapplika jew jekk għandhiex l-intenzjoni li tapplika dawn il-linji gwida; u
• d) fejn applikabbli, tibgħat mingħajr dewmien lill-EBA l-informazzjoni li tkun irċeviet skont is-subparagrafu (c).