5. Il- proċess ta’ identifikazzjoni

98.Hija r-responsabbiltà tal-istituzzjonijiet li jidentifikaw il-membri tal-persunal li l-attivitajiet professjonali tagħhom għandhom impatt materjali fuq il -profil tar-riskju tal-istituzzjoni. L-istituzzjonijiet kol lha għandhom iwettqu awtovalutazzjoni kull sena sabiex jidentifikaw il - persunal kollu li l- attivitajiet professjonali tiegħu għandhom jew jista’ jkollhom impatt materajli fuq il -profil tar-riskju tal-istituzzjoni. Il- proċess ta’ identifikazzjoni għandu jku n parti mill-politika ta’ remunerazzjoni globali tal-istituzzjoni.

99.L- awtovalutazzjoni għandha tkun ibbażata fuq il -kriterji kwalitattivi u kwantitattivi stabbiliti fl-Artikolu 92(3) tad-Direttiva 2013/36/UE, l-RTS dwar il- persunal identifikat u fejn meħtieġ sabiex tiġi żgurata l -identifikazzjoni kompluta tal-persunal kollu li l- attivitajiet professjonali tiegħu għandhom impatt materjali fuq il -profil tar-riskju tal-istituzzjoni, il-kriterji addizzjonali stabbiliti mill-istituzzjoni li jirriflettu l-livelli ta’ riskju ta’ attivitajiet differenti fl-istituzzjoni u l-impatt tal-membri tal- persunal fuq il -profil tar-riskju.

100. Meta jiġu applikati kriterji kwantitattivi bbażati fuq remunerazzjoni tal -membri tal-persunal, għandhom jitqiesu r - remunerazzjoni fissa mogħtija għas - sena finanzjarja preċedenti u r - remunerazzjoni varjabbli mogħtija lill - persunal fi jew għas - sena finanzjarja preċedenti. Ir - remunerazzjoni varjabbli mogħtija fis - sena finanzjarja preċedenti hija r -remunerazzjoni varjabbli mogħtija fis -sena finanz jarja preċedenti b’referenza għall - prestazzjoni preċedenti. L - istituzzjonijiet għandhom jiddefinixxu l -metodu applikabbli fil-politika ta’ remunerazzjoni tagħhom. Meta jiġu applikati l - kriterji kwantitattivi bbażati fuq ir -remunerazzjoni tal-membri tal-persunal, l- istituzzjonijiet għandhom iqisu l -komponenti tar-remunerazzjoni fissi u varjabbli monetarji u mhux monetarji kollha mogħtija għas -servizzi professjonali. Pakketti ta’ remunerazzjoni ta’ rutina li mhumiex kontabilizzati fuq livell individwali għandhom jiġu meqjusa skont is- somma globali maqsuma skont il - kriterji oġġettivi għall -membru tal-persunal individwali.

101. Meta jiġu applikati kriterji kwantitattivi li huma definiti f’EUR, l - istituzzjonijiet li jagħtu r - remunerazzjoni f’munita oħra li mhijiex EUR għandhom jikkonvertu l -limiti applikabbli jew permezz ta’ rata tal- kambju interna li tintuża għal konsolidazzjoni tal -kontijiet jew ir-rata tal-kambju li tintuża mill - Kummissjoni għall -ipprogrammar finanzjarju u l- baġit għax - xahar meta r - remunerazzjoni ġiet mogħtija jew ir -rata tal- kambju għall - aħħar xahar tas -sena finanzjarja tal-istituzzjoni²⁶ . L- istituzzjoni għandha tiddokumenta l - metodu applikabbli biex tistabbilixxi r -rata tal-kambju fil- politika ta’ remunerazzjoni tagħha.

102.L- awtovalutazzjoni għandha tkun ċara, konsistenti, dokumentata kif suppost u aġġornata perjodikament matul is- sena għall - inqas fir -rigward tal-kriterji kwalitattivi skont l-Artikolu 92(3) tad-Direttiva 2013/36/UE, l-RTS dwar il- persunal identifikat u fejn xieraq, b’żieda fuq il - bażi tal-kriterji tal-istituzzjoni. L- istituzzjonijiet għandhom jiżguraw li l - persunal li jaqa’ jew li aktarx jaqa’ taħt il -kriterji fl-Artikolu 3 tal-RTS dwar il- persunal identifikat għal perjodu ta’ mill - inqas tliet xhur f’sena finanzjarja jkun ttrattat bħala persunal identifikat.

103.L- informazzjoni li ġejja għandha tal - inqas tkun inkluża fid -dokumentazzjoni tal-awtovalutazzjoni li tkun saret rigward l-identifikazzjoni tal- persunal:

• a. ir- raġunijiet wara l -awtovalutazzjoni u l-kamp ta’ applikazzjoni tal- applikazzjoni tagħha;
• b. l- approċċ użat sabiex jiġu vvalutati r - riskji li joħorġu mill - istrateġija tan -negozju u l-attivitajiet tal- istituzzjoni, inkluż f’postijiet ġeografiċi differenti;
• c. kif inhuma vvalutati persuni li jaħdmu f’istituzzjonijiet u f’entitajiet oħrajn fil -kamp ta’ applikazzjoni tal-konsolidazzjoni, is-sussidjarji u l- fergħat, inklużi dawk li jinsabu f’pajjiżi terzi;
• d. ir-rwol u r-responsabbiltajiet tal-korpi korporattivi u l-funzjonijiet interni differenti involuti fit-tfassil, is-sorveljanza, ir- rieżami u l -applikazzjoni tal- proċess ta’ awtovalutazzjoni; u
• e. l- eżitu tal -identifikazzjoni.

104.L- istituzzjonijiet għandhom iżommu rekords tal - proċess ta’ identifikazzjoni u tar - riżultati tiegħu u għandhom ikunu kapaċi juru lill - awtorità superviżorja kompetenti tagħhom kif il - persunal ġie identifikat skont il-kriterji kwalitattivi u kwantitattivi previsti fl-Artikolu 92(3) tad-Direttiva 2013/36/UE, l-RTS dwar il- persunal identifikat u kwalunkwe kriterju addizzjonali użat mill-istituzzjonijiet.

105.Id-dokumentazzjoni tal- awtovalutazzjoni għandha tal - inqas tinkludi n -numru tal-persunal identifikat, inkluż in - numru ta’ persunal identifikat għall -ewwel darba, ir-responsabbiltajiet u l-attivitajiet tal-impjieg, l- ismijiet jew identifikatur uniku ieħor u l -allokazzjoni fl-istituzzjoni tal-persunal identifikat għal -linja ta’ azzjoni u paragun mar- riżultati tal -awtovalutazzjoni tas-sena preċedenti.

106.Id- dokumentazzjoni għandha tinkludi wkoll membri tal - persunal li ġew identifikati skont il - kriterji kwantitattivi, iżda li l- attivitajiet professjonali tagħhom huma vvalutati bħala li m’għandhomx impatt materjali fuq il -profil tar-riskju tal-istituzzjoni, f’konformità mal-RTS dwar il-persunal identifikat. L- istituzzjonijiet għandhom iżommu d - dokumentazzjoni għal perjodu ta’ żmien xieraq sabiex jippermettu li jsir ir - rieżami mill -awtoritajiet kompetenti.

²⁶ Ir-rati tal- kambju jistgħu jinkisbu mis -sit web tal- Kummissjoni Ewropea: http://ec.europa.eu/budget/contracts_grants/info_contracts/inforeuro/inforeuro_en.cfm .

1. Ħarsa ġenerali

1.1 Referenzi

1.2 Rekwiżiti identifikati

1.3 Standards relatati

2. Rekwiżiti identifikati

3. Standards relatati

• EBA -

  EN: Guidelines and other publications of the European Banking Authority (EBA), https://www.eba.europa.eu/. © European Banking Authority. Reproduction is authorised provided the source is acknowledged (EBA legal notice). Divided into sections and converted into the GRCA format, the wording unchanged. Only the versions published by the EBA are authoritative.

  DE: Leitlinien und weitere Veröffentlichungen der Europäischen Bankenaufsichtsbehörde (EBA), https://www.eba.europa.eu/. © European Banking Authority. Wiedergabe mit Quellenangabe gestattet (Rechtlicher Hinweis der EBA). In Abschnitte aufgeteilt und in das GRCA-Format umgewandelt, der Wortlaut unverändert. Maßgeblich sind allein die von der EBA veröffentlichten Fassungen.