Rekwiżiti ta’ rapportar

Fi żmien xahrejn mid - data tal - pubblikazzjoni ta’ dawn il - linji gwida fuq is - siti web tal - ASE bil - lingwi uffiċjali kollha tal - UE, skont l - Artikolu 16(3) ta’ kull wieħed mir - Regolamenti li ssir referenza għalihom fil - paragrafu 1 ta’ dawn il - Linji Gwida, l -aw toritajiet kompetenti jeħtiġilhom jinnotifikaw lill - EBA, lill - EIOPA jew lill - ESMA, skont il - każ, dwar jekk jikkonformawx jew jekk għandhomx l - intenzjoni li jikkonformaw ma’ dawn il - linji gwida, jew inkella bir - raġunijiet għan - nuqqas ta’ konformità. Fin - nuqqas ta’ kwalunkwe notifika sa din id - data ta’ skadenza, l - awtoritajiet kompetenti se jitqiesu mill - ASE bħala mhux konformi. In - notifiki għandhom jintbagħtu billi tiġi sottomessa l - formola disponibbli fuq is - siti web ta’ kull waħda mill - ASE bir - referenza “EBA/GL/2024/16”. In - notifiki għandhom jintbagħtu minn persuni b’awtorità xierqa li jirrapportaw konformità f’isem l - awtoritajiet kompetenti tagħhom. Kwalunkwe bidla fl - istatus ta’ konformità trid tiġi rrapportata wkoll lill - ASE rispettivi.

In- notifiki se jiġu ppubblikati fuq is - siti web ta’ kull waħda mill - ASE, f’konformità mal - Artikolu 16(3) tar - Regolamenti dwar l - ASE.

Il - parteċipanti fis - swieq finanzjarji ma humiex meħtieġa jirrapportaw jekk jikkonformawx ma’ dawn il - linji gwida.