Artikolu 7 Rapportar aggregat

1.   Fornitur terz ta’ servizzi li lilu jkunu ġew esternalizzati l-obbligi ta’ rapportar kif imsemmi fl-Artikolu 19(5) tar-Regolament (UE) 2022/2554 jista’ juża l-mudell stabbilit fl-Anness I ta’ dan ir-Regolament biex jipprovdi informazzjoni aggregata dwar inċident kbir relatat mal-ICT li jkollu impatt fuq diversi entitajiet finanzjarji f’notifika jew rapport uniku, u jippreżenta dik in-notifika jew dak ir-rapport lill-awtorità kompetenti f’isem l-entitajiet finanzjarji impattati kollha, dment li jiġu ssodisfati l-kundizzjonijiet kollha li ġejjin:

2.   Il-paragrafu 1 ma għandux japplika għall-istituzzjonijiet ta’ kreditu li jitqiesu li jkunu ta’ rilevanza sinifikanti kif imsemmi fl-Artikolu 2, il-punt (16), tar-Regolament (UE) Nru 468/2014 tal-Bank Ċentrali Ewropew (8), operaturi ta’ ċentri tan-negozjar, u kontropartijiet ċentrali, li għandhom jużaw biss il-mudell fl-Anness I biex jippreżentaw b’mod individwali notifiki jew rapport ta’ inċident kbir relatat mal-ICT lill-awtorità kompetenti tagħhom.

3.   Meta l-awtoritajiet kompetenti jeħtieġu informazzjoni dwar l-impatt individwali tal-inċident kbir relatat mal-ICT fuq entità finanzjarja waħda, fuq talba tal-awtorità kompetenti, l-entità finanzjarja għandha tippreżenta notifika individwali jew rapport dwar l-inċident kbir relatat mal-ICT.