+Artikolu 20 Rapportar supplimentari għall-finijiet tal-identifikazzjoni tal-G-SIIs u tal-assenjar tar-rati tal-buffer tal-G-SIIs
---+Artikolu 20 1.
---+Artikolu 20 2.
---+Artikolu 20 3.
---+Artikolu 20 4.

Artikolu 20 Rapportar supplimentari għall-finijiet tal-identifikazzjoni tal-G-SIIs u tal-assenjar tar-rati tal-buffer tal-G-SIIs

1. Ħarsa ġenerali

Titlu	Regolamentazzjoni
Artikolu 20 1.	Meta jirrapportaw informazzjoni supplimentari għall-finijiet tal-identifikazzjoni tal-G-SIIs u tal-assenjar tar-rati tal-buffer tal-G-SIIs skont l-Artikolu 131 tad-Direttiva 2013/36/UE, l-istituzzjonijiet prinċipali tal-UE, il-kumpaniji azzjonarji finanzjarji omm tal-UE u l-kumpaniji azzjonarji finanzjarji mħallta omm tal-UE għandhom jissottomettu l-informazzjoni kif speċifikat fl-Anness XXVI ta’ dan ir-Regolament, f’konformità mal-istruzzjonijiet ippreżentati fl-Anness XXVII ta’ dan ir-Regolament, fuq bażi konsolidata bi frekwenza trimestrali, fejn jiġu ssodisfati ż-żewġ kundizzjonijiet li ġejjin: (a) il-kejl tal-iskopertura totali tal-grupp, inkluż is-sussidjarji tal-assigurazzjoni, ikun ugwali għal EUR 125 000 000 000 jew aktar; (b) il-kumpanija omm tal-UE jew kwalunkwe sussidjarja tagħha jew kwalunkwe fergħa mħaddma mill-kumpanija omm jew minn sussidjarja tkun tinsab fi Stat Membru parteċipanti kif imsemmi fl-Artikolu 4 tar-Regolament (UE) Nru 806/2014 tal-Parlament Ewropew u tal-Kunsill ( 4 ).
Artikolu 20 2.	Sabiex jirrapportaw informazzjoni supplimentari għall-finijiet tal-identifikazzjoni tal-G-SIIs u tal-assenjar tar-rati tal-buffer tal-G-SIIs skont l-Artikolu 131 tad-Direttiva 2013/36/UE, l-istituzzjonijiet għandhom jissottomettu l-informazzjoni kif speċifikat fl-Anness XXVI ta’ dan ir-Regolament, f’konformità mal-istruzzjonijiet ippreżentati fl-Anness XXVII ta’ dan ir-Regolament, fuq bażi individwali bi frekwenza trimestrali, fejn jiġu ssodisfati l-kundizzjonijiet kollha li ġejjin: (a) il-kejl tal-iskopertura totali tal-istituzzjoni ikun ugwali għal EUR 125 000 000 000 jew aktar; (b) l-istituzzjoni tkun tinsab fi Stat Membru parteċipanti kif imsemmi fl-Artikolu 4 tar-Regolament (UE) Nru 806/2014; (c) l-istituzzjoni ma tkunx parti minn grupp li jkun soġġett għal superviżjoni konsolidata f’konformità mal-Kapitolu 1, it-Titolu II, il-Parti Wieħed tar-Regolament (UE) Nru 575/2013 (“istituzzjoni awtonoma”).
Artikolu 20 3.	B’deroga mill-Artikolu 3(1), il-punt (b), l-informazzjoni msemmija fil-paragrafi 1 u 2 ta’ dan l-Artikolu għandha tiġi sottomessa sa tmiem il-ġurnata tax-xogħol fid-dati ta’ rimessa li ġejjin: l-1 ta’ Lulju, l-1 ta’ Ottubru, it-2 ta’ Jannar u l-1 ta’ April.
Artikolu 20 4.	B’deroga mill-Artikolu 4, dan li ġej għandu japplika fir-rigward tal-limiti speċifikati fil-paragrafu 1, il-punt (a), u l-paragrafu 2, il-punt (a), ta’ dan l-Artikolu: (a) l-istituzzjoni prinċipali tal-UE, il-kumpanija finanzjarja azzjonarja omm tal-UE, il-kumpanija finanzjarja azzjonarja mħallta omm tal-UE jew l-istituzzjoni awtonoma, kif applikabbli, għandha immedjatament tibda tirrapporta l-informazzjoni f’konformità ma’ dan l-Artikolu meta l-kejl tal-iskopertura tal-proporzjon ta’ ingranaġġ tagħha jaqbeż il-limitu speċifikat sa tmiem is-sena kontabilistika, u għandha tirrapporta din l-informazzjoni mill-inqas għall-aħħar ta’ dik is-sena kontabilistika u t-tliet dati ta’ referenza trimestrali sussegwenti; (b) l-istituzzjoni prinċipali tal-UE, il-kumpanija finanzjarja azzjonarja omm tal-UE, il-kumpanija finanzjarja azzjonarja mħallta omm tal-UE jew l-istituzzjoni awtonoma, kif applikabbli, għandha tieqaf immedjatament tirrapporta l-informazzjoni f’konformità ma’ dan l-Artikolu meta l-kejl tal-iskopertura tal-proporzjon ta’ ingranaġġ tagħha jaqa’ taħt il-livell limitu speċifikat sa tmiem is-sena kontabilistika tagħha.

1.1 Referenzi

1.2 Rekwiżiti identifikati

1.3 Standards relatati

2. Rekwiżiti identifikati

Rekwiżiti
Sors	Rekwiżit

3. Standards relatati

Standards
Sors	Rekwiżit

Builddate: 01.09.2024 00:00:00 -Doknr: CELEX:32021R0451
EULAW -
EN: Legal acts of the European Union from EUR-Lex, https://eur-lex.europa.eu/. © European Union. Re-use is authorised by Decision 2011/833/EU, provided the source is acknowledged; the consolidated texts are licensed under CC BY 4.0 (EUR-Lex legal notice). Divided into sections and converted into the GRCA format, the wording unchanged. Only the legislation published in the Official Journal of the European Union is deemed authentic.

DE: Rechtsakte der Europäischen Union aus EUR-Lex, https://eur-lex.europa.eu/. © Europäische Union. Weiterverwendung nach Beschluss 2011/833/EU mit Quellenangabe gestattet; die konsolidierten Fassungen stehen unter CC BY 4.0 (Rechtlicher Hinweis von EUR-Lex). In Abschnitte aufgeteilt und in das GRCA-Format umgewandelt, der Wortlaut unverändert. Verbindlich sind allein die im Amtsblatt der Europäischen Union veröffentlichten Rechtsakte.