+Artikolu 104 Inklużjoni fil-portafoll tan-negozjar
---+Artikolu 104 1.
---+Artikolu 104 2.
---+Artikolu 104 3.
---+Artikolu 104 4.
---+Artikolu 104 5.
---+Artikolu 104 6.
---+Artikolu 104 7.
---+Artikolu 104 8.
---+Artikolu 104 9.

Artikolu 104 Inklużjoni fil-portafoll tan-negozjar

-

1. Ħarsa ġenerali

,
Artikolu 104 1.
Istituzzjoni għandu jkollha fis-seħħ politiki u proċeduri ddefiniti b'mod ċar għad-determinazzjoni ta' liema pożizzjonijiet għandhom jiġu inklużi fil-portafoll tan-negozjar sabiex jiġu kkalkulati r-rekwiżiti ta' fondi proprji tagħha, f'konformità mal-Artikolu 102 u ma' dan l-Artikolu, filwaqt li jitqiesu l-kapaċitajiet u l-prattiki tal-ġestjoni tar-riskju tagħha. Istituzzjoni għandha tiddokumenta bis-sħiħ il-konformità tagħha ma' dawn il-politiki u l-proċeduri, għandha tippreżentahom għal awditu intern tal-anqas fuq bażi annwali u għandha tagħmel ir-riżultati ta' dak l-awditu disponibbli għall-awtoritajiet kompetenti.

Istituzzjoni għandu jkollha fis-seħħ funzjoni indipendenti għall-kontroll tar-riskju li għandha tevalwa, fuq bażi kontinwa, jekk l-istrumenti tagħha humiex qed jiġu assenjati kif suppost lill-portafoll tan-negozjar jew lill-portafoll mhux tan-negozjar.
Artikolu 104 2.

L-istituzzjonijiet għandhom jassenjaw il-pożizzjonijiet fl-istrumenti li ġejjin lill-portafoll tan-negozjar:

(a) 

strumenti li jissodisfaw il-kriterji stabbiliti fl-Artikolu 325(6), (7) u (8), għall-inklużjoni fil-portafoll kummerċjali ta' korrelazzjoni alternattiv (ACTP);

(b) 

strumenti li jwasslu għal pożizzjoni ta' kreditu jew ta' ekwità bin-nieqes netta fil-portafoll mhux tan-negozjar, bl-eċċezzjoni tal-obbligazzjonijiet proprji tal-istituzzjoni, sakemm tali pożizzjonijiet ma jissodisfawx il-kriterji msemmija fil-punt (e);

(c) 

strumenti li jirriżultaw minn impenji ta' sottoskrizzjoni tat-titoli, meta dawk l-impenji ta' sottoskrizzjoni jkunu relatati biss ma' titoli li huma mistennija li jkunu mixtrijin mill-istituzzjoni fid-data tas-saldu;

(d) 

strumenti kklassifikati b'mod mhux ambigwu bħala li għandhom għan ta' negozjar skont il-qafas kontabilistiku applikabbli għall-istituzzjoni;

(e) 

strumenti li jirriżultaw minn attivitajiet ta' ġenerazzjoni tas-suq;

(f) 

pożizzjonijiet miżmuma b'intenzjoni ta' negozjar, dment li dawk is-CIUs jissodisfaw mill-inqas waħda mill-kundizzjonijiet stabbiliti fil-paragrafu 8;

(g) 

ekwitajiet elenkati;

(h) 

tranżazzjonijiet li jiffinanzjaw it-titoli relatati man-negozjar;

(i) 

opzjonijiet, jew derivati oħrajn, inkorporati fl-obbligazzjonijiet proprji tal-istituzzjoni jew minn strumenti oħrajn fil-portafoll mhux tan-negozjar li jirrigwardjaw ir-riskju ta' kreditu jew ir-riskju ta' ekwità.

Għall-finijiet tal-ewwel subparagrafu, il-punt (b), istituzzjoni għandu jkollha pożizzjoni qasira netta ta' ekwità fejn tnaqqis fil-prezz tal-ekwità jirriżulta fi profitt għall-istituzzjoni. Istituzzjoni għandu jkollha pożizzjoni qasira netta ta' kreditu fejn il-firxa tal-kreditu tiżdied, jew id-deterjorament fl-affidabbiltà kreditizja tal-emittent jew tal-grupp ta' emittenti jirriżulta fi profitt għall-istituzzjoni. L-istituzzjonijiet għandhom jimmonitorjaw kontinwament jekk l-istrumenti jagħtux lok għal pożizzjoni ta' kreditu jew ta' ekwità bin-nieqes netta fil-portafoll mhux tan-negozjar.

Għall-finijiet tal-ewwel subparagrafu, il-punt (i), istituzzjoni għandha taqsam l-għażla inkorporata, jew derivattiv ieħor, mill-obbligazzjoni tagħha stess fil-portafoll mhux tan-negozjar li jirrigwarda r-riskju ta' kreditu jew ir-riskju ta' ekwità. Hija għandha tassenja l-għażla inkorporata, jew derivattiv ieħor, lill-portafoll tan-negozjar u għandha tħalli l-obbligazzjoni tagħha stess fil-portafoll mhux tan-negozjar. Jekk minħabba n-natura tiegħu, ma jkunx possibbli li l-istrument jinqasam, istituzzjoni għandha tassenja l-istrument kollu lill-portafoll tan-negozjar. F'każ bħal dan, hija għandha tiddokumenta debitament ir-raġuni għall-applikazzjoni ta' dak it-trattament.
Artikolu 104 3.

L-istituzzjonijiet ma għandhomx jassenjaw pożizzjonijiet fl-istrumenti li ġejjin lill-portafoll tan-negozjar:

(a) 

strumenti speċifikati għar-realizzazzjoni tat-titolizzazzjoni;

(b) 

strumenti relatati ma' parteċipazzjonijiet ta' proprjetà immobbli;

(c) 

ekwitajiet mhux elenkati;

(d) 

strumenti relatati mal-kreditu fil-livell tal-konsumatur u tal-SMEs;

(e) 

pożizzjonijiet f'CIUs oħrajn għajr dawk imsemmija fil-paragrafu 2, il-punt (f);

(f) 

kuntratti tad-derivattivi u CIUs bi strument sottostanti wieħed jew aktar imsemmija fil-punti minn (a) sa (d) ta' dan il-paragrafu;

(g) 

strumenti miżmumin għall-iħħeġġjar ta' riskju partikolari ta' pożizzjoni waħda jew aktar fi strument imsemmi fil-punti (a) sa (f), (h) u (i) ta' dan il-paragrafu;

(h) 

obbligazzjonijiet proprji tal-istituzzjoni, sakemm tali strumenti ma jissodisfawx il-kriterji msemmija fil-paragrafu 2, il-punt (e), jew il-kriterji msemmija fil-paragrafu 2, it-tielet subparagrafu;

(i) 

strumenti f'fondi spekulattivi.
Artikolu 104 4.
B'deroga mill-paragrafu 2, istituzzjoni tista' tassenja lill-portafoll mhux tan-negozjar pożizzjoni fi strument imsemmi fil-punti (d) sa (i) ta' dak il-paragrafu, soġġetta għall-approvazzjoni tal-awtorità kompetenti tagħha. L-awtorità kompetenti għandha tagħti l-approvazzjoni tagħha meta l-istituzzjoni tkun uriet għas-sodisfazzjon tal-awtorità kompetenti tagħha li l-pożizzjoni ma tkunx miżmuma b'intenzjoni ta' negozjar jew ma tiħħeġġjax pożizzjonijiet miżmumin b'intenzjoni ta' negozjar.
Artikolu 104 5.
B'deroga mill-paragrafu 3, istituzzjoni tista' tassenja lill-portafoll tan-negozjar pożizzjoni fi strument imsemmi fil-punt (i) ta' dak il-paragrafu, soġġetta għall-approvazzjoni tal-awtorità kompetenti tagħha. L-awtorità kompetenti għandha tagħti l-approvazzjoni tagħha meta l-istituzzjoni tkun uriet għas-sodisfazzjon tal-awtorità kompetenti tagħha li l-pożizzjoni hija miżmuma b'intenzjoni ta' negozjar jew tiħħeġġja pożizzjonijiet miżmumin b'intenzjoni ta' negozjar u li l-istituzzjoni tissodisfa mill-inqas waħda mill-kundizzjonijiet stabbiliti fil-paragrafu 8 għal dik il-pożizzjoni.
Artikolu 104 6.
Meta istituzzjoni tkun assenjat pożizzjoni fil-portafoll tan-negozjar fi strument għajr l-istrumenti msemmija fil-paragrafu 2, il-punt (a), (b) jew (c), l-awtorità kompetenti tal-istituzzjoni tista' titlob lill-istituzzjoni tipprovdi evidenza sabiex tiġġustifika tali assenjazzjoni. Meta l-istituzzjoni tonqos milli tipprovdi evidenza xierqa, l-awtorità kompetenti tagħha tista' titlob lill-istituzzjoni tassenja mill-ġdid dik il-pożizzjoni għall-portafoll mhux tan-negozjar.
Artikolu 104 7.
Meta istituzzjoni tkun assenjat pożizzjoni fil-portafoll mhux tan-negozjar fi strument għajr l-istrumenti msemmija fil-paragrafu 3, l-awtorità kompetenti tal-istituzzjoni tista' titlob lill-istituzzjoni tipprovdi evidenza li tiġġustifika tali assenjazzjoni. Meta l-istituzzjoni tonqos milli tipprovdi evidenza xierqa, l-awtorità kompetenti tagħha tista' titlob lill-istituzzjoni tassenja mill-ġdid dik il-pożizzjoni għall-portafoll tan-negozjar.
Artikolu 104 8.

Istituzzjoni għandha tassenja lill-portafoll tan-negozjar pożizzjoni f'CIU, għajr il-pożizzjonijiet imsemmija fil-paragrafu 3, il-punt (f), li hija miżmuma b'intenzjoni ta' negozjar, meta l-istituzzjoni tissodisfa kwalunkwe waħda mill-kundizzjonijiet li ġejjin:

(a) 

l-istituzzjoni tkun tista' tikseb informazzjoni suffiċjenti dwar l-iskoperturai sottostanti individwali tas-CIU;

(b) 

l-istituzzjoni ma tkunx tista' tikseb informazzjoni suffiċjenti dwar l-iskoperturi sottostanti individwali tas-CIU, iżda l-istituzzjoni jkollha għarfien tal-kontenut tal-mandat tas-CIU u tkun tista' tikseb kwotazzjonijiet tal-prezzijiet ta' kuljum għas-CIU.
Artikolu 104 9.
L-EBA għandha tiżviluppa abbozzi ta' standards tekniċi regolatorji sabiex tispeċifika aktar il-proċess li l-istituzzjonijiet għandhom jużaw sabiex jikkalkulaw u jimmonitorjaw pożizzjonijiet qosra netti ta' kreditu jew qosra netti ta' ekwità fil-portafoll mhux tan-negozjar imsemmi fil-paragrafu 2, il-punt (b).

L-EBA għandha tippreżenta dawk l-abbozzi ta' standards tekniċi regolatorji lill-Kummissjoni sal-10 ta’ Lulju 2027.

Il-Kummissjoni tingħata s-setgħa li tissupplimenta dan ir-Regolament billi tadotta l-istandards tekniċi regolatorji msemmija fit-tieni subparagrafu ta' dan il-paragrafu f'konformità mal-Artikoli 10 sa 14 tar-Regolament (UE) Nru 1093/2010.

1.1 Referenzi

1.2 Rekwiżiti identifikati

1.3 Standards relatati

2. Rekwiżiti identifikati

Rekwiżiti

3. Standards relatati

Standards
  • Builddate: 01.01.2027 00:00:00 -Doknr: CELEX:32013R0575
  • EULAW -

    EN: Legal acts of the European Union from EUR-Lex, https://eur-lex.europa.eu/. © European Union. Re-use is authorised by Decision 2011/833/EU, provided the source is acknowledged; the consolidated texts are licensed under CC BY 4.0 (EUR-Lex legal notice). Divided into sections and converted into the GRCA format, the wording unchanged. Only the legislation published in the Official Journal of the European Union is deemed authentic.

    DE: Rechtsakte der Europäischen Union aus EUR-Lex, https://eur-lex.europa.eu/. © Europäische Union. Weiterverwendung nach Beschluss 2011/833/EU mit Quellenangabe gestattet; die konsolidierten Fassungen stehen unter CC BY 4.0 (Rechtlicher Hinweis von EUR-Lex). In Abschnitte aufgeteilt und in das GRCA-Format umgewandelt, der Wortlaut unverändert. Verbindlich sind allein die im Amtsblatt der Europäischen Union veröffentlichten Rechtsakte.