+Artikolu 121 Skoperturi għal istituzzjonijiet mhux ikklassifikati
---+Artikolu 121 1.
---+Artikolu 121 2.
---+Artikolu 121 3.

Artikolu 121 Skoperturi għal istituzzjonijiet mhux ikklassifikati

1. Ħarsa ġenerali

Artikolu 121 1.

Skoperturi għal istituzzjonijiet li għalihom ma tkunx disponibbli valutazzjoni tal-kreditu minn ECAI nominata għandhom jiġu assenjati għal wieħed mill-gradi li ġejjin:

(a)

meta jiġu ssodisfati l-kundizzjonijiet kollha li ġejjin, l-iskoperturi għall-istituzzjonijiet għandhom jiġu assenjati għall-Grad A:

(i)

l-istituzzjoni jkollha kapaċità adegwata sabiex twettaq l-impenji finanzjarji tagħha, inkluż ir-ripagamenti tal-kapital u tal-imgħax, fil-ħin, għall-ħajja mbassra tal-assi jew tal-iskoperturi u irrispettivament miċ-ċikli ekonomiċi u mill-kundizzjonijiet tan-negozju;

(ii)

l-istituzzjoni tissodisfa jew taqbeż ir-rekwiżit stabbilit fl-Artikolu 92(1) ta' dan ir-Regolament, b'kont meħud tal-Artikolu 458(2), il-punti (d)(i) u (vi), u l-Artikolu 459, il-punt (a), ta' dan ir-Regolament, fejn applikabbli, ir-rekwiżiti speċifiċi ta' fondi proprji msemmija fl-Artikolu 104 tad-Direttiva 2013/36/UE, ir-rekwiżit ta' riżerva kombinata ta' kapital iddefinit fl-Artikolu 128, il-punt (6) tad-Direttiva 2013/36/UE, jew kwalunkwe rekwiżit superviżorju u regolatorju lokali ekwivalenti jew addizzjonali f'pajjiżi terzi, sa fejn dawk ir-rekwiżiti jiġu ppubblikati u għandhom jiġu ssodisfati mill-kapital ta' Ekwità Komuni ta' Grad 1, mill-kapital ta' Grad 1 jew mill-fondi proprji, kif applikabbli;

(iii)

l-informazzjoni dwar jekk ir-rekwiżiti msemmija fil-punt (ii) ta' dan il-punt humiex issodisfati jew jinqabżux mill-istituzzjoni tiġi ddikjarata pubblikament jew issir disponibbli b'xi mod ieħor għall-istituzzjoni mutwanti;

(iv)

il-valutazzjoni mwettqa mill-istituzzjoni mutwanti f'konformità mal-Artikolu 79 tad-Direttiva 2013/36/UE ma tkunx żvelat li l-istituzzjoni ma tissodisfax il-kundizzjonijiet stabbiliti fil-punti (i) u (ii) ta' dan il-punt;

(b)

meta jiġu ssodisfati l-kundizzjonijiet kollha li ġejjin u ma tiġix issodisfata tal-anqas waħda mill-kundizzjonijiet fil-punt (a) ta' dan il-paragrafu, l-iskoperturi għall-istituzzjonijiet għandhom jiġu assenjati għall-Grad B:

(i)

l-istituzzjoni tkun soġġetta għal riskju ta' kreditu sostanzjali, inkluż il-kapaċitajiet ta' ripagament li jiddependu minn kundizzjonijiet ekonomiċi jew kummerċjali stabbli jew favorevoli;

(ii)

l-istituzzjoni tissodisfa jew taqbeż ir-rekwiżit stabbilit fl-Artikolu 92(1) ta' dan ir-Regolament, b'kont meħud tal-Artikolu 458(2), il-punt (d)(i), u l-Artikolu 459, il-punt (a), ta' dan ir-Regolament, fejn applikabbli, ir-rekwiżiti speċifiċi ta' fondi proprji msemmija fl-Artikolu 104 tad-Direttiva 2013/36/UE,, jew kwalunkwe rekwiżit superviżorju jew regolatorju lokali ekwivalenti u addizzjonali f'pajjiżi terzi, sa fejn dawk ir-rekwiżiti jiġu ppubblikati u għandhom jiġu ssodisfati mill-kapital ta' Ekwità Komuni ta' Grad 1, mill-kapital ta' Grad 1 jew mill-fondi proprji, kif applikabbli;

(iii)

(iv)

(c)

meta l-iskoperturi għall-istituzzjonijiet ma jiġux assenjati għall-Grad A jew B, jew meta tiġi ssodisfata kwalunkwe waħda mill-kundizzjonijiet li ġejjin, l-iskoperturi għall-istituzzjonijiet għandhom jiġu assenjati għall-Grad C:

(i)

l-istituzzjoni jkollha riskji materjali ta' inadempjenza u marġini limitati ta' sikurezza;

(ii)

il-kundizzjonijiet kummerċjali, finanzjarji jew ekonomiċi avversi x'aktarx li jwasslu, jew wasslu, għall-inabbiltà tal-istituzzjoni li tissodisfa l-impenji finanzjarji tagħha;

(iii)

meta r-rapporti finanzjarji awditjati jkunu meħtieġa mil-liġi għall-istituzzjoni, l-awditur estern ikun ħareġ opinjoni tal-awditjar negattiva jew ikun esprima dubju sostanzjali dwar il-kapaċità tal-istituzzjoni li tkompli bħala istituzzjoni ta' negozju avvjat fir-rapporti finanzjarji awditjati jew fir-rapporti awditjati tiegħu fit-12-il xahar preċedenti.

Għall-finijiet tal-ewwel subparagrafu, il-punt (b)(ii), ta' dan il-paragrafu, ir-rekwiżiti superviżorji u regolatorji lokali ekwivalenti u addizzjonali ma għandhomx jinkludu riżervi ta' kapital ekwivalenti għal dawk iddefiniti fl-Artikolu 128 tad-Direttiva 2013/36/UE.

Artikolu 121 2.

Għal skoperturi għal istituzzjonijiet finanzjarji li huma ttrattati bħala skoperturi għall-istituzzjonijiet f'konformità mal-Artikolu 119(5), għall-fini li jiġi vvalutat jekk il-kundizzjonijiet stabbiliti fil-punti (a)(ii) u (b)(ii) tal-paragrafu 1 ta' dan l-Artikolu humiex issodisfati minn dawk l-istituzzjonijiet finanzjarji, l-istituzzjonijiet għandhom jivvalutaw jekk dawk l-istituzzjonijiet finanzjarji jissodisfawx jew jaqbżux kwalunkwe rekwiżit prudenzjali komparabbli.

Artikolu 121 3.

Skoperturi assenjati għall-Grad A, B jew C f'konformità mal-paragrafu 1 għandhom jiġu assenjati piż tar-riskju kif ġej:

(a)

l-iskoperturi assenjati għall-Grad A, B jew C li jissodisfaw kwalunkwe waħda mill-kundizzjonijiet li ġejjin għandhom jiġu assenjati piż tar-riskju għal skoperturi fuq terminu qasir f'konformità mat-Tabella 1:

(i)

l-iskopertura jkollha maturità oriġinali ta' tliet xhur jew anqas;

(ii)

L-iskopertura jkollha maturità oriġinali ta' sitt xhur jew anqas u jirriżulta mill-moviment ta' oġġetti bejn il-fruntieri nazzjonali;

(b)

l-iskoperturi assenjati għall-Grad A li ma humiex fuq terminu qasir għandhom jiġu assenjati piż tar-riskju ta' 30 % meta jiġu ssodisfati l-kundizzjonijiet kollha li ġejjin:

(i)

L-iskopertura ma tissodisfa l-ebda waħda mill-kundizzjonijiet stabbiliti fil-punt (a);

(ii)

il-proporzjon tal-kapital ta' Ekwità Komuni ta' Grad 1 tal-istituzzjoni jkun daqs jew ogħla minn 14 %;

(iii)

il-proporzjon ta' ingranaġġ tal-istituzzjoni jkun ugwali għal jew ogħla minn 5 %;

(c)

l-iskoperturi assenjati għall-Grad A, B jew C li ma jissodisfawx il-kundizzjonijiet stabbiliti fil-punt (a) jew (b) għandhom jiġu assenjati piż tar-riskju f'konformità mat-Tabella 1.

Meta skopertura għal istituzzjoni ma tkunx denotata fil-munita domestika tal-ġuriżdizzjoni tal-inkorporazzjoni ta' dik l-istituzzjoni, jew meta dik l-istituzzjoni tkun irreġistrat l-obbligazzjoni ta' kreditu f'fergħa f'ġuriżdizzjoni differenti u l-iskopertura ma tkunx fil-munita domestika tal-ġuriżdizzjoni li fiha topera l-fergħa, il-piż tar-riskju assenjat f'konformità mal-punt (a), (b) jew (c), għal skoperturi minbarra dawk b'maturità ta' sena jew anqas li jirriżultaw minn elementi awtolikwidanti u kontinġenti relatati mal-kummerċ li jirriżultaw mill-moviment ta' oġġetti bejn il-fruntieri nazzjonali ma għandux ikun anqas mill-piż tar-riskju ta' skopertura għall-gvern ċentrali tal-pajjiż fejn tkun inkorporata l-istituzzjoni.

Tabella 1

Valutazzjoni tar-riskju ta' kreditu	Grad A	Grad B	Grad C
Piż tar-riskju għal skoperturi fuq terminu qasir	20 %	50 %	150 %
Piż tar-riskju	40 %	75 %	150 %

1.1 Referenzi

1.2 Rekwiżiti identifikati

1.3 Standards relatati

2. Rekwiżiti identifikati

Rekwiżiti
Sors	Rekwiżit

3. Standards relatati

Standards
Sors	Rekwiżit

Builddate: 01.01.2027 00:00:00 -Doknr: CELEX:32013R0575
EULAW -
EN: Legal acts of the European Union from EUR-Lex, https://eur-lex.europa.eu/. © European Union. Re-use is authorised by Decision 2011/833/EU, provided the source is acknowledged; the consolidated texts are licensed under CC BY 4.0 (EUR-Lex legal notice). Divided into sections and converted into the GRCA format, the wording unchanged. Only the legislation published in the Official Journal of the European Union is deemed authentic.

DE: Rechtsakte der Europäischen Union aus EUR-Lex, https://eur-lex.europa.eu/. © Europäische Union. Weiterverwendung nach Beschluss 2011/833/EU mit Quellenangabe gestattet; die konsolidierten Fassungen stehen unter CC BY 4.0 (Rechtlicher Hinweis von EUR-Lex). In Abschnitte aufgeteilt und in das GRCA-Format umgewandelt, der Wortlaut unverändert. Verbindlich sind allein die im Amtsblatt der Europäischen Union veröffentlichten Rechtsakte.