+Artikolu 151 Trattament skont il-klassi ta’ skopertura
---+Artikolu 151 1.
---+Artikolu 151 2.
---+Artikolu 151 3.
---+Artikolu 151 5.
---+Artikolu 151 6.
---+Artikolu 151 7.
---+Artikolu 151 8.
---+Artikolu 151 9.
---+Artikolu 151 10.
---+Artikolu 151 11.
|
Artikolu 151 Trattament skont il-klassi ta’ skopertura
-
1. Ħarsa ġenerali
| Titlu |
Regolamentazzjoni |
|
Artikolu 151 1.
|
L-ammonti tal-iskopertura ponderati għar-riskju għal riskju ta' kreditu għal skoperturi li jappartjenu għal waħda mill-klassijiet tal-iskoperturi msemmija fl-Artikolu 147(2), il-punt (a), il-punt (aa)(i) jew (ii), il-punt (b), il-punt (c)(i), (ii) jew (iii), il-punt (d)(i), (ii), (iii) jew (iv) jew il-punt (g), sakemm dawk l-iskoperturi ma jitnaqqsux mill-fondi proprji jew ikunu soġġetti għat-trattament stabbilit fl-Artikolu 72e(5), l-ewwel subparagrafu, għandhom jiġu kkalkulati f'konformità mas-Subtaqsima 2.
|
|
Artikolu 151 2.
|
L-ammonti tal-iskoperturi peżati għar-riskju għal riskji ta’ dilwizzjoni għal riċevibbli mixtrija għandhom jiġu kkalkulati f’konformità mal-Artikolu 157. Fejn istituzzjoni jkollha azzjoni sħiħa ta’ rivalsa għall-bejjiegħ ta’ riċevibbli mixtrija għal riskji ta’ inadempjenza u għal riskji ta’ dilwizzjoni, id-dispożizzjonijiet ta’ dan l-Artikolu u tal-Artikolu 152 u l-Artikolu 158(1) sa (4) ma għandhomx japplikaw fir-rigward ta’ riċevibbli mixtrija u l-iskopertura għandha tiġi ttrattata bħala skopertura kollateralizzata.
|
|
Artikolu 151 3.
|
Il-kalkolu tal-ammonti tal-iskoperturi peżati għar-riskju għal riskji ta’ kreditu u għal riskji ta’ dilwizzjoni għandu jkun ibbażat fuq il-parametri rilevanti assoċjati mal-iskopertura inkwistjoni. Dawn għandhom jinkludu l- PD, l-LGD, il-maturità (minn hawn ’il quddiem “M”) u l-valur tal-iskopertura tal-iskopertura. Il-PD u l-LGD jistgħu jiġu kkunsidrati separatament jew flimkien, skont it-Taqsima 4.
|
|
Artikolu 151 5.
|
Il-kalkolu tal-ammonti tal-iskoperturi peżati għar-riskju għal riskji ta’ kreditu għal skoperturi fuq għoti ta’ self speċjalizzat jista’ jiġi kkalkulat skont l-Artikolu 153(5).
|
|
Artikolu 151 6.
|
Għal skoperturi li jappartjenu għall-klassijiet ta’ skopertura msemmija fil-punti (a) sa (d) tal-Artikolu 147(2), l-istituzzjonijiet għandhom jipprovdu l-istimi proprji tal-PDs skont l-Artikolu 143 u t-Taqsima 6.
|
|
Artikolu 151 7.
|
Għal skoperturi fil-livell tal-konsumatur, l-istituzzjonijiet għandhom jipprovdu l-istimi proprji tal-LGD, u tal-IRB-CCF fejn applikabbli skont l-Artikolu 166(8) u (8b), f'konformità mal-Artikolu 143 u t-Taqsima 6. L-istituzzjonijiet għandhom jużaw l-SA-CCFs meta l-Artikolu 166(8) u (8b) ma jippermettux l-użu tal-IRB-CCF.
|
|
Artikolu 151 8.
|
Għall-iskoperturi li ġejjin, l-istituzzjonijiet għandhom japplikaw il-valuri tal-LGD stabbiliti fl-Artikolu 161(1) u l-SA-CCFs f'konformità mal-Artikolu 166(8), (8a) u (8b):
(a)
skoperturi assenjati għall-klassi tal-iskoperturi msemmija fl-Artikolu 147(2), il-punt (b);
(b)
skoperturi għall-entitajiet tas-settur finanzjarju għajr dawk imsemmija fil-punt (a) ta' dan is-subparagrafu;
(c)
skoperturi għal korporattivi kbar mhux assenjati għall-klassi tal-iskoperturi msemmija fl-Artikolu 147(2), il-punt (c)(ii).
Għal skoperturi li jappartjenu għall-klassijiet tal-iskoperturi msemmija fl-Artikolu 147(2), il-punt (a), il-punt (aa)(i) jew (ii) u l-punt (c)(i), (ii) jew (iii), ħlief għall-iskoperturi msemmija fl-ewwel subparagrafu ta' dan il-paragrafu, l-istituzzjonijiet għandhom japplikaw il-valuri tal-LGD stabbiliti fl-Artikolu 161(1), u l-SA-CCFs f'konformità mal-Artikolu 166(8), (8a) u (8b), sakemm ma jkunux ingħataw permess li jużaw l-istimi proprji tagħhom tal-LGD u tal-IRB-CCF għal dawk l-iskoperturi f'konformità mal-paragrafu 9 ta' dan l-Artikolu.
|
|
Artikolu 151 9.
|
Għall-iskoperturi msemmija fil-paragrafu 8, it-tieni subparagrafu, ta' dan l-Artikolu, l-awtorità kompetenti għandha tippermetti lill-istituzzjonijiet jużaw l-istimi proprji tal-LGD, u tal-IRB-CCF fejn applikabbli skont l-Artikolu 166(8) u (8b), f'konformità mal-Artikolu 143 u t-Taqsima 6.
|
|
Artikolu 151 10.
|
L-ammonti tal-iskoperturi peżati għar-riskju għal skoperturi titolizzati u għal skoperturi li jappartjenu għall-klassi ta’ skopertura msemmija fil-punt (f) tal-Artikolu 147(2) għandhom jiġu kkalkulati skont il-Kapitolu 5.
|
|
Artikolu 151 11.
|
Għal skoperturi fil-forma ta' ishma jew unitajiet f'CIU li tappartjeni għall-klassi tal-iskoperturi msemmija fl-Artikolu 147(2), il-punt (ea), l-istituzzjonijiet għandhom japplikaw it-trattament stabbilit fl-Artikolu 152, sakemm dawk l-iskoperturi ma jitnaqqsux mill-fondi proprji jew ma jkunux soġġetti għat-trattament stabbilit fl-Artikolu 72e(5), l-ewwel subparagrafu.
|
,
1.1 Referenzi
1.2 Rekwiżiti identifikati
1.3 Standards relatati
2. Rekwiżiti identifikati
3. Standards relatati
- Builddate: 01.01.2027 00:00:00 -Doknr: CELEX:32013R0575
- EULAW -
EN: Legal acts of the European Union from EUR-Lex, https://eur-lex.europa.eu/. © European Union. Re-use is authorised by Decision 2011/833/EU, provided the source is acknowledged; the consolidated texts are licensed under CC BY 4.0 (EUR-Lex legal notice). Divided into sections and converted into the GRCA format, the wording unchanged. Only the legislation published in the Official Journal of the European Union is deemed authentic.
DE: Rechtsakte der Europäischen Union aus EUR-Lex, https://eur-lex.europa.eu/. © Europäische Union. Weiterverwendung nach Beschluss 2011/833/EU mit Quellenangabe gestattet; die konsolidierten Fassungen stehen unter CC BY 4.0 (Rechtlicher Hinweis von EUR-Lex). In Abschnitte aufgeteilt und in das GRCA-Format umgewandelt, der Wortlaut unverändert. Verbindlich sind allein die im Amtsblatt der Europäischen Union veröffentlichten Rechtsakte.
|