Artikolu 230 Kalkolu tal-ammonti tal-iskopertura ponderati għar-riskju u l-ammonti ta' telf mistenni għal skopertura bi protezzjoni ta' kreditu finanzjata eliġibbli skont l-Approċċ IRB

E

= il-valur tal-iskopertura qabel ma jitqies l-effett tal-protezzjoni ta' kreditu finanzjata; għal skopertura garantita minn kollateral finanzjarju eliġibbli f'konformità ma' dan il-Kapitolu, dak l-ammont għandu jiġi kkalkulat f'konformità mal-Artikolu 223(3); fil-każ ta' titoli mogħtija b'self jew imdaħħla, dak l-ammont għandu jkun ugwali għall-flus kontanti mogħtija b'self jew għat-titoli mogħtija b'self jew imdaħħla; għal titoli mogħtija b'self jew imdaħħla, il-valur tal-iskopertura għandu jiżdied billi jiġi applikat l-aġġustament għall-volatilità (HE) f'konformità mal-Artikoli 223 sa 227;

ES

= il-valur attwali tal-protezzjoni ta' kreditu finanzjata riċevuta wara l-applikazzjoni tal-aġġustament għall-volatilità applikabbli għal dak it-tip ta' protezzjoni ta' kreditu finanzjata (HC) u l-applikazzjoni tal-aġġustament għall-volatilità għad-diskrepanzi fil-munita (Hfx) bejn l-iskopertura u l-protezzjoni ta' kreditu finanzjata, f'konformità mal-paragrafi 2 u 3; ES għandha tiġi limitata bil-valur li ġej: E·(1+HE);

EU

= E·(1+HE) – ES;

LGDU

= l-LGD applikabbli għal skopertura mhux garantita kif stabbilit fl-Artikolu 161(1);

LGDS

= l-LGD applikabbli għall-iskoperturi garantiti mit-tip ta' FCP eliġibbli użat fit-tranżazzjoni, kif speċifikat fil-paragrafu 2, Tabella 1.