+Artikolu 325c Ambitu, struttura u rekwiżiti kwalitattivi tal-approċċ standardizzat alternattiv
---+Artikolu 325c 1.
---+Artikolu 325c 2.
---+Artikolu 325c 3.
---+Artikolu 325c 4.
---+Artikolu 325c 5.
---+Artikolu 325c 6.
---+Artikolu 325c 7.
---+Artikolu 325c 8.

Artikolu 325c Ambitu, struttura u rekwiżiti kwalitattivi tal-approċċ standardizzat alternattiv

-

1. Ħarsa ġenerali

,
Artikolu 325c 1.
L-istituzzjonijiet għandu jkollhom fis-seħħ, u jagħmlu disponibbli għall-awtoritajiet kompetenti, sett dokumentat ta' politiki, ta' proċeduri u ta' kontrolli interni għall-monitoraġġ u għall-iżgurar tal-konformità mar-rekwiżiti ta' dan il-Kapitolu. Kwalunkwe bidla f'dawk il-politiki, il-proċeduri u l-kontrolli għandha tiġi nnotifikata lill-awtoritajiet kompetenti fi żmien xieraq.
Artikolu 325c 2.

Istituzzjonijiet għandhom jikkalkulaw ir-rekwiżiti ta' fondi proprji għar-riskju tas-suq f'konformita' mal-approċċ standardizzat alternattiv għal portafoll ta' pożizzjonijiet fil-portafoll tan-negozjar jew pożizzjonijiet fil-portafoll mhux tan-negozjar li huma soġġetti għal-kambju barrani u riskju tal-komoditajiet bħala s-somma tat-tliet komponenti li ġejjin:

(a) 

ir-rekwiżit ta' fondi proprji skont il-metodu bbażat fuq is-sensittivitajiet stabbilit fit-Taqsima 2;

(b) 

ir-rekwiżit ta' fondi proprji għar-riskju ta' inadempjenza stabbilit fit-Taqsima 5 li huwa applikabbli biss għall-pożizzjonijiet fil-portafoll tan-negozjar imsemmi f'dik it-Taqsima;

(c) 

ir-rekwiżit ta' fondi proprji għal riskji residwi stabbiliti fit-Taqsima 4 li huma applikabbli biss għall-pożizzjonijiet tal-portafoll tan-negozjar imsemmija f'dik it-Taqsima.
Artikolu 325c 3.
B'deroga mill-paragrafu 2, istituzzjoni għandha tikkalkula r-rekwiżiti ta' fondi proprji għar-riskju tas-suq f'konformità mal-approċċ standardizzat alternattiv għall-parteċipazzjonijiet tal-istituzzjoni tal-istrumenti tad-dejn proprji tagħha bħala s-somma taż-żewġ komponenti msemmija fil-paragrafu 2, il-punti (a) u (c). Meta tikkalkula r-rekwiżiti ta' fondi proprji għar-riskju tas-suq għall-istrumenti ta' dejn proprji skont il-metodu bbażat fuq is-sensittivitajiet imsemmi fil-paragrafu 2, il-punt (a), l-istituzzjoni għandha teskludi minn dak il-kalkolu r-riskji mill-firxa tal-kreditu proprja tal-istituzzjoni.
Artikolu 325c 4.
L-istituzzjonijiet għandu jkollhom unità għall-kontroll tar-riskji li tkun indipendenti mill-unitajiet tan-negozjar kummerċjali u li tirrapporta direttament lill-maniġment superjuri. Dik l-unità għall-kontroll tar-riskji għandha tkun responsabbli għat-tfassil u għall-implimentazzjoni tal-approċċ standardizzat alternattiv. Għandha tipproduċi u tanalizza rapporti ta' kull xahar dwar l-output tal-approċċ standardizzat alternattiv, kif ukoll dwar l-adegwatezza tal-limiti tan-negozjar tal-istituzzjoni.
Artikolu 325c 5.
L-istituzzjonijiet għandhom jirrieżaminaw b'mod indipendenti l-approċċ standardizzat alternattiv li jużaw għall-finijiet ta' dan il-Kapitolu għas-sodisfazzjon tal-awtoritajiet kompetenti, jew bħala parti mill-proċess ta' awditjar intern regolari tagħhom, jew billi jagħtu mandat lil impriża terza sabiex twettaq dak ir-rieżami. L-eżitu ta' tali rieżami għandu jiġi rrappurtat lill-korpi maniġerjali xierqa.

Għall-finijiet tal-ewwel subparagrafu, “impriża ta' parti terza” tfisser impriża li tipprovdi servizzi ta' awditjar jew ta' konsulenza lil istituzzjonijiet u li għandha persunal li għandu biżżejjed ħiliet fil-qasam tar-riskju tas-suq.
Artikolu 325c 6.

Ir-rieżami tal-approċċ standardizzat alternattiv imsemmi fil-paragrafu 5 għandu jkopri l-attivitajiet kemm tal-unitajiet tan-negozjar kummerċjali kif ukoll tal-unità indipendenti għall-kontroll tar-riskji u għandu jivvaluta tal-anqas dawn li ġej:

(a) 

il-politiki, il-proċeduri u l-kontrolli interni għall-monitoraġġ u għall-iżgurar tal-konformità mar-rekwiżiti msemmija fil-paragrafu 1 ta' dan l-Artikolu;

(b) 

l-adegwatezza tad-dokumentazzjoni tas-sistema u tal-proċessi tal-ġestjoni tar-riskju u tal-organizzazzjoni tal-unità għall-kontroll tar-riskji msemmija fil-paragrafu 4 ta' dan l-Artikolu;

(c) 

l-akkuratezza tal-komputazzjonijiet tas-sensittività u tal-proċess użat sabiex jiġu dderivati dawk il-komputazzjonijiet mill-mudelli tal-ipprezzar tal-istituzzjoni li jservu bħala bażi għar-rapportar tal-profitt u telf lill-maniġment superjuri, kif imsemmi fl-Artikolu 325t;

(d) 

il-proċess ta' verifika li l-istituzzjoni tuża biex tevalwa l-konsistenza, il-puntwalità u l-affidabbiltà tas-sorsi tad-data użati fil-kalkolu tar-rekwiżiti ta' fondi proprji għar-riskju tas-suq bl-użu tal-approċċ standardizzat alternattiv, inkluż l-indipendenza ta' dawk is-sorsi tad-data.

Istituzzjoni għandha twettaq ir-rieżami msemmi fl-ewwel subparagrafu tal-anqas darba fis-sena, jew fuq bażi anqas frekwenti sa kull sentejn meta l-istituzzjoni tista' turi għas-sodisfazzjon tal-awtorità kompetenti li d-daqs, l-importanza sistematika, in-natura, l-iskala u l-kumplessità tan-negozju tal-portafoll tan-negozjar tagħha jiġġustifikaw rieżami aktar frekwenti.
Artikolu 325c 7.
L-awtoritajiet kompetenti għandhom jivverifikaw li l-kalkolu msemmi fil-paragrafu 2 ta' dan l-Artikolu, inkluż l-implimentazzjoni minn istituzzjoni tar-rekwiżiti stabbiliti f'dan il-Kapitolu u fl-Artikolu 325a, jitwettaq b'integrità.
Artikolu 325c 8.
L-EBA għandha tiżviluppa abbozzi ta' standards tekniċi regolatorji sabiex tispeċifika l-metodoloġija ta' valutazzjoni li skontha l-awtoritajiet kompetenti għandhom iwettqu l-verifika msemmija fil-paragrafu 7;

L-EBA għandha tippreżenta dawk l-abbozzi ta' standards tekniċi regolatorji lill-Kummissjoni sal-10 ta’ Lulju 2028.

Il-Kummissjoni tingħata s-setgħa li tissupplimenta dan ir-Regolament billi tadotta l-istandards tekniċi regolatorji msemmija fl-ewwel subparagrafu ta' dan il-paragrafu f'konformità mal-Artikoli 10 sa 14 tar-Regolament (UE) Nru 1093/2010.

1.1 Referenzi

1.2 Rekwiżiti identifikati

1.3 Standards relatati

2. Rekwiżiti identifikati

Rekwiżiti

3. Standards relatati

Standards
  • Builddate: 01.01.2027 00:00:00 -Doknr: CELEX:32013R0575
  • EULAW -

    EN: Legal acts of the European Union from EUR-Lex, https://eur-lex.europa.eu/. © European Union. Re-use is authorised by Decision 2011/833/EU, provided the source is acknowledged; the consolidated texts are licensed under CC BY 4.0 (EUR-Lex legal notice). Divided into sections and converted into the GRCA format, the wording unchanged. Only the legislation published in the Official Journal of the European Union is deemed authentic.

    DE: Rechtsakte der Europäischen Union aus EUR-Lex, https://eur-lex.europa.eu/. © Europäische Union. Weiterverwendung nach Beschluss 2011/833/EU mit Quellenangabe gestattet; die konsolidierten Fassungen stehen unter CC BY 4.0 (Rechtlicher Hinweis von EUR-Lex). In Abschnitte aufgeteilt und in das GRCA-Format umgewandelt, der Wortlaut unverändert. Verbindlich sind allein die im Amtsblatt der Europäischen Union veröffentlichten Rechtsakte.