+Artikolu 325u Rekwiżiti ta' fondi proprji għar-riskji residwi
---+Artikolu 325u 1.
---+Artikolu 325u 2.
---+Artikolu 325u 3.
---+Artikolu 325u 4.
---+Artikolu 325u 4a.
---+Artikolu 325u 5.
---+Artikolu 325u 6.
---+Artikolu 325u 7.
|
Artikolu 325u Rekwiżiti ta' fondi proprji għar-riskji residwi
-
1. Ħarsa ġenerali
| Titlu |
Regolamentazzjoni |
|
Artikolu 325u 1.
|
Minbarra r-rekwiżiti ta' fondi proprji għar-riskju tas-suq stabbiliti fit-Taqsima 2, l-istituzzjonijiet għandhom japplikaw rekwiżiti ta' fondi proprji addizzjonali għal strumenti esposti għal riskji residwi f'konformità ma' dan l-Artikolu.
|
|
Artikolu 325u 2.
|
L-istrumenti jkunu meqjusa esposti għal riskji residwi meta jissodisfaw kwalunkwe waħda mill-kondizzjonijiet li ġejjin:
(a)
l-istrument jirreferi għal sottostanti eżotiku, li, għall-iskopijiet ta' dan il-Kapitolu, tfisser strument ta' portafoll ta' negozjar li jirreferi għal skopertura sottostanti li mhix fl-ambitu tat-trattamenti tar-riskju delta, vega jew kurvatura skont il-metodu bbażat fuq is-sensittivitajiet stabbilit fit-Taqsima 2 jew ir-rekwiżiti ta' fondi proprji għar-riskju ta' inadempjenza stipulat fit-Taqsima 5;
(b)
l-istrument huwa strument li għandu riskji residwi oħra, li, għall-finijiet ta' dan il-Kapitolu, tfisser kwalunkwe waħda minn dawn l-istrumenti li ġejjin:
(i)
l-istrumenti li huma soġġetti għar-rekwiżiti ta' fondi proprji għar-riskju vega u kurvatura taħt il-metodu bbażat fuq is-sensittivitajiet stipulat fit-Taqsima 2 u jiġġenera gwadanji li ma jistgħux jiġu replikati bħala kombinazzjoni lineari definita ta' opzjonijiet vanilla b'biċċa ekwità sottostanti unika, prezz tal-komoditajiet, rata tal-kambju, prezz ta' bond, prezz ta' swap ta' inadempjenza ta' kreditu jew swap tar-rati tal-imgħax;
(ii)
l-istrumenti li huma pożizzjonijiet li huma inklużi fl-ACTP imsemmija fl-Artikolu 325(6); iħħeġġjar li huma inklużi fl-ACTP, kif imsemmi fl-Artikolu 325(8), m'għandux jitqies.
|
|
Artikolu 325u 3.
|
L-istituzzjonijiet għandhom jikkalkulaw ir-rekwiżiti ta' fondi proprji addizzjonali msemmija fil-paragrafu 1 bħala s-somma tal-ammonti nozzjonali grossi tal-istrumenti msemmija fil-paragrafu 2 multiplikata bil-piżijiet tar-riskju li ġejjin:
(a)
1,0 % fil-każ ta' strumenti msemmija fil-punt (a) tal-paragrafu 2;
(b)
0,1 % fil-każ ta' strumenti msemmija fil-punt (b) tal-paragrafu 2.
|
|
Artikolu 325u 4.
|
B'deroga mill-paragrafu 1, l-istituzzjoni m'għandhiex tapplika r-rekwiżit ta' fondi proprji għal riskji residwi għal strument li jissodisfa kwalunkwe waħda minn dawn il-kondizzjonijiet li ġejjin:
(a)
l-istrument ikun elenkat fuq borża rikonoxxuta;
(b)
l-istrument huwa eliġibbli għall-ikklerjar ċentrali f'konformità mar-Regolament (UE) Nru 648/2012;
(c)
l-istrument ipaċi b'mod perfett ir-riskju tas-suq ta' pożizzjoni oħra fil-portafoll tan-negozju, f'liema każ iż-żewġ pożizzjonijiet tal-portafoll tan-negozjar li jaqblu perfettament għandhom jiġu eżentati mir-rekwiżit ta' fondi proprji għal riskji residwi.
|
|
Artikolu 325u 4a.
|
B'deroga mill-paragrafu 1, sal-31 ta' Diċembru 2032, istituzzjoni ma għandhiex tapplika r-rekwiżit ta' fondi proprji għal riskji residwi għal strumenti li għandhom l-għan biss li jiħħeġġjaw ir-riskju tas-suq ta' pożizzjonijiet fil-portafoll tan-negozjar li jiġġeneraw rekwiżit ta' fondi proprji għal riskji residwi u li huma soġġetti għall-istess tip ta' riskji residwi bħall-pożizzjonijiet li jiħħeġġjaw. L-awtorità kompetenti għandha tagħti permess biex jiġi applikat it-trattament imsemmi fl-ewwel subparagrafu jekk l-istituzzjoni tista' turi fuq bażi kontinwa għas-sodisfazzjon tal-awtorità kompetenti li l-istrumenti jikkonformaw mal-kriterji li għandhom jiġu ttrattati bħala pożizzjonijiet ta' ħħeġġjar. L-istituzzjoni għandha tirrapporta lill-awtorità kompetenti r-riżultat tal-kalkolu tar-rekwiżiti ta' fondi proprji għar-riskji residwi għall-istrumenti kollha li għalihom tiġi applikata d-deroga msemmija fl-ewwel subparagrafu.
|
|
Artikolu 325u 5.
|
L-ABE għandha tiżviluppa abbozz ta' standards tekniċi regolatorji biex jiġi speċifikat x'inhu sottostanti eżotiku u liema strumenti huma strumenti li għandha tiżviluppa abbozz ta' standards tekniċi regolatorji biex tispeċifika għandhom riskji residwi oħra għall-finijiet tal-paragrafu 2. Meta tiżviluppa dak l-abbozz ta' standards tekniċi regolatorji, l-ABE għandha teżamina jekk ir-riskju ta' lonġevità, it-temp, id-diżastri naturali u l-volatilità rrealizzata fil-futur għandhomx jitqiesu bħala sottostanti eżotiċi. L-ABE għandha tippreżenta dak l-abbozz ta' standards tekniċi regolatorji lill-Kummissjoni sat-28 ta' Ġunju 2021. Is-setgħa hija ddelegata lill-Kummissjoni biex tadotta l-istandards tekniċi regolatorji msemmija fl-ewwel subparagrafu f'konformità mal-artikoli 10 sa 14 tar-Regolament (UE) Nru 1093/2010.
|
|
Artikolu 325u 6.
|
L-EBA għandha tiżviluppa abbozzi ta' standards tekniċi regolatorji sabiex tispeċifika l-kriterji li l-istituzzjonijiet għandhom jużaw biex jidentifikaw il-pożizzjonijiet li jikkwalifikaw għad-deroga msemmija fil-paragrafu 4a. Dawk il-kriterji għandhom jinkludu, mill-inqas, in-natura tal-istrumenti msemmija f'dak il-paragrafu, il-profitt u t-telf nett tal-pożizzjonijiet ikkombinati, is-sensittivitajiet tal-pożizzjonijiet ikkombinati u r-riskji li jibqgħu mhux iħħeġġjati fil-pożizzjonijiet ikkombinati, filwaqt li titqies b'mod partikolari l-possibbiltà li l-pożizzjoni oriġinali tista' tiġi ħħeġġjata b'ammont parzjali. L-EBA għandha tippreżenta dawk l-abbozzi ta' standards tekniċi regolatorji lill-Kummissjoni sat-30 ta' Ġunju 2024. Il-Kummissjoni tingħata s-setgħa li tissupplimenta dan ir-Regolament billi tadotta l-istandards tekniċi regolatorji msemmija fl-ewwel subparagrafu ta' dan il-paragrafu f'konformità mal-Artikoli 10 sa 14 tar-Regolament (UE) Nru 1093/2010.
|
|
Artikolu 325u 7.
|
Sal-31 ta' Diċembru 2029, l-EBA għandha tippreżenta rapport lill-Kummissjoni dwar l-impatt tal-applikazzjoni tat-trattament imsemmi fil-paragrafu 4a. Abbażi tas-sejbiet ta' dak ir-rapport, il-Kummissjoni għandha tippreżenta, fejn xieraq, proposta leġiżlattiva lill-Parlament Ewropew u lill-Kunsill biex ittawwal it-trattament imsemmi f'dak il-paragrafu.
|
,
1.1 Referenzi
1.2 Rekwiżiti identifikati
1.3 Standards relatati
2. Rekwiżiti identifikati
3. Standards relatati
- Builddate: 01.01.2027 00:00:00 -Doknr: CELEX:32013R0575
- EULAW -
EN: Legal acts of the European Union from EUR-Lex, https://eur-lex.europa.eu/. © European Union. Re-use is authorised by Decision 2011/833/EU, provided the source is acknowledged; the consolidated texts are licensed under CC BY 4.0 (EUR-Lex legal notice). Divided into sections and converted into the GRCA format, the wording unchanged. Only the legislation published in the Official Journal of the European Union is deemed authentic.
DE: Rechtsakte der Europäischen Union aus EUR-Lex, https://eur-lex.europa.eu/. © Europäische Union. Weiterverwendung nach Beschluss 2011/833/EU mit Quellenangabe gestattet; die konsolidierten Fassungen stehen unter CC BY 4.0 (Rechtlicher Hinweis von EUR-Lex). In Abschnitte aufgeteilt und in das GRCA-Format umgewandelt, der Wortlaut unverändert. Verbindlich sind allein die im Amtsblatt der Europäischen Union veröffentlichten Rechtsakte.
|