Artikolu 9 Statistika

(a)

data li tkejjel id-daqs u l-importanza tas-setturi differenti li jaqgħu fil-kamp ta' applikazzjoni ta' din id-Direttiva, inkluż l-għadd ta' persuni fiżiċi u ġuridiċi u l-importanza ekonomika ta' kull settur;

(b)

data li tkejjel il-fażijiet ta' rapportar, ta' investigazzjoni u ġudizzjarji tar-reġim nazzjonali fil-qasam tal-AML/CFT, inkluż l-għadd ta' rapporti dwar tranżazzjonijiet suspettużi li jkunu saru lill-FIU, il-mod kif ġew segwiti dawk ir-rapporti, l-informazzjoni dwar it-trasferimenti fiżiċi transfruntiera ta' flus kontanti trażmessa lill-FIU f'konformità mal-Artikolu 9 tar-Regolament (UE) 2018/1672 flimkien mal-mod kif ġiet segwita l-informazzjoni ppreżentata u, fuq bażi annwali, l-għadd ta' każijiet investigati, l-għadd ta' persuni mħarrka, l-għadd ta' persuni li jkunu nstabu ħatja għal reati ta' ħasil tal-flus jew ta' finanzjament tat-terroriżmu, it-tipi ta' reati predikati identifikati f'konformità mal-Artikolu 2 tad-Direttiva (UE) 2018/1673 tal-Parlament Ewropew u tal-Kunsill (38) fejn din l-informazzjoni tkun disponibbli, u l-valur f'euro tal-proprjetà li tkun ġiet iffriżata, sekwestrata jew konfiskata;

(c)

l-għadd u l-perċentwal ta' rapporti ta’ tranżazzjonijiet suspettużi li jirriżultaw fi tqassim lil awtoritajiet kompetenti oħra u, jekk disponibbli, l-għadd u l-perċentwal ta' rapporti li jirriżultaw f'investigazzjoni ulterjuri, flimkien mar-rapport annwali mfassal mill-FIUs skont l-Artikolu 27;

(d)

data dwar l-għadd ta’ talbiet transfruntiera għal informazzjoni li jkunu saru, ġew riċevuti, irrifjutati u mwieġba parzjalment jew kompletament mill-FIU, imqassma skont il-pajjiż kontroparti;

(e)

l-għadd ta’ talbiet għal assistenza legali reċiproka jew talbiet internazzjonali oħra għal informazzjoni relatata mas-sjieda benefiċjarja u għal informazzjoni dwar il-kontijiet bankarji kif imsemmi fil-Kapitolu IV tar-Regolament (UE) 2024/1624 u fit-Taqsimiet 1 u 2 tal-Kapitolu II ta’ din id-Direttiva li jkunu waslu mingħand jew saru lil kontropartijiet barra mill-Unjoni, imqassma skont l-awtorità kompetenti u l-pajjiż kontroparti;

(f)

ir-riżorsi umani allokati għas-superviżuri kif ukoll ir-riżorsi umani allokati għall-FIU għat-twettiq tal-kompiti speċifikati fl-Artikolu 19;

(g)

l-għadd ta’ azzjonijiet superviżorji fuq il-post u mhux fuq il-post, l-għadd ta’ każijiet ta’ ksur identifikati abbażi ta’ azzjonijiet superviżorji u sanzjonijiet pekunarji u pagamenti perjodiċi ta' penali imposti jew miżuri amministrattivi applikati mill-awtoritajiet superviżorji u mill-korpi ta' awtoregolamentazzjoni skont it-Taqsima 4 tal-Kapitolu IV;

(h)

l-għadd u t-tip ta' każijiet ta' ksur identifikati b'rabta mal-obbligi tal-Kapitolu IV tar-Regolament (UE) 2024/1624 u s-sanzjonijiet pekunarji imposti jew il-miżuri amministrattivi applikati b'rabta ma' dawk il-każijiet ta' ksur, l-għadd ta' diskrepanzi rrapportati lir-reġistru ċentrali msemmi fl-Artikolu 10 ta' din id-Direttiva, kif ukoll l-għadd ta' kontrolli li jkunu saru mill-entità responsabbli għar-reġistru ċentrali jew f'isimha skont l-Artikolu 10(11) ta' din id-Direttiva;

(i)

l-informazzjoni li ġejja dwar l-implimentazzjoni tal-Artikolu 12:

(j)

l-għadd ta' tfittxijiet fir-reġistri tal-kontijiet bankarji jew fil-mekkaniżmi għall-irkupru tad-data li jkunu saru mill-awtoritajiet kompetenti, imqassma skont il-kategorija ta' awtorità kompetenti, u l-għadd ta' tfittxijiet fl-interkonnessjoni tar-reġistri tal-kontijiet bankarji li jkunu saru mill-FIUs u l-awtoritajiet superviżorji;

(k)

id-data li ġejja dwar l-implimentazzjoni tas-sanzjonijiet finanzjarji mmirati: