Artikolu 28a Rapport ta’ aċċertament dwar is-sostenibbiltà kkonsolidat

L-awditur(i) statutorju/i jew id-ditta/i tal-awditjar għandhom jippreżentaw ir-riżultati tal-aċċertament tar-rapportar dwar is-sostenibbiltà f’rapport ta’ aċċertament dwar ir-rapportar dwar is-sostenibbiltà. Dak ir-rapport għandu jitħejja f’konformità mar-rekwiżiti tal-istandards ta’ aċċertament adottati mill-Kummissjoni permezz tal-atti delegati adottati skont l-Artikolu 26a(3), jew, sa ma l-Kummissjoni tadotta dawk l-istandards ta’ aċċertament, f’konformità mal-istandards nazzjonali ta’ aċċertament, kif imsemmi fl-Artikolu 26a(2).

Ir-rapport ta’ aċċertament dwar ir-rapportar dwar is-sostenibbiltà għandu jkun bil-miktub u għandu:

Meta l-aċċertament dwar ir-rapportar dwar is-sostenibbiltà titwettaq minn aktar minn awditur statutorju wieħed jew ditta tal-awditjar waħda, l-awditur(i) statutorju/i jew id-ditta/i tal-awditjar għandhom jaqblu dwar ir-riżultati tal-aċċertament tar-rapportar dwar is- sostenibbiltà u jippreżentaw rapport u opinjoni konġunti. F’każ ta’ nuqqas ta’ qbil, kull awditur statutorju jew ditta tal-awditjar għandha tippreżenta l-opinjonijiet tagħha f’paragrafu separat tar-rapport tal-aċċertament dwar ir-rapportar dwar is-sostenibbiltà u tagħti r-raġuni tan-nuqqas ta’ qbil.

Ir-rapport ta’ aċċertament dwar ir-rapportar dwar is-sostenibbiltà għandu jiġi ffirmat u datat mill-awditur statutorju li jkun qed iwettaq l-aċċertament tar-rapportar dwar is-sostenibbiltà. Meta ditta tal-awditjar twettaq l-aċċertament tar-rapportar dwar is-sostenibbiltà, ir-rapport ta’ aċċertament dwar ir-rapportar dwar is-sostenibbiltà għandu jkollu l-firma ta’ mill-inqas l-awditur(i) statutorju/i li jwettaq/jwettqu l-aċċertament tar-rapportar dwar is-sostenibbiltà f’isem id-ditta tal-awditjar. Fejn aktar minn awditur statutorju wieħed jew ditta tal-awditjar waħda tkun ġiet ingaġġata simultanjament, ir-rapport ta’ aċċertament dwar ir-rapportar dwar is-sostenibbiltà għandu jiġi ffirmat mill-awdituri statutorji kollha jew mill-inqas mill-awdituri statutorji li jwettqu l-aċċertament tar-rapportar dwar is-sostenibbiltà f’isem kull ditta tal-awditjar. F’ċirkustanzi eċċezzjonali, l-Istati Membri jistgħu jipprevedu li ma jkunx hemm l-obbligu li tali firma/firem tkun/ikunu żvelata/i lill-pubbliku jekk tali divulgazzjoni tista’ twassal għal theddida imminenti u sinifikattiva għas-sigurtà personali ta’ kwalunkwe persuna.

L-Istati Membri jistgħu jitolbu li, fejn l-istess awditur statutorju jwettaq l-awditjar statutorju tad-dikjarazzjonijiet finanzjarji annwali u l-aċċertament tar-rapportar dwar is-sostenibbiltà, ir-rapport ta’ aċċertament tar-rapportar dwar is-sostenibbiltà jiġi inkluż bħala taqsima separata fir-rapport tal-awditjar.

Ir-rapport tal-awditur statutorju jew tad-ditta tal-awditjar dwar ir-rapportar konsolidat dwar is-sostenibbiltà għandu jkun konformi mar-rekwiżiti stipulati fil-paragrafi 1 sa 5.