Artikolu 5 Tħejjija tar-rapporti SREP u r-rapporti tal-valutazzjoni tar-riskju tal-likwidità

1.   Sabiex tiġi ffaċilitata kunsiderazzjoni xierqa tal-valutazzjoni tar-riskju tas-sussidjarji fid-deċiżjonijiet konġunti skont l-Artikolu 113(2) tad-Direttiva 2013/36/UE, l-awtoritajiet kompetenti rilevanti jipprovdu lis-superviżur konsolidanti bir-rapporti SREP tagħhom u r-rapporti tal-valutazzjoni tar-riskju tal-likwidità fil-ħin u f'kull każ sal-limitu ta' żmien speċifikat fl-iskeda tad-deċiżjonijiet konġunti skont il-punt (b) tal-Artikolu 3(2).

2.   Ir-rapporti SREP jitħejjew billi jintuża l-mudell fl-Anness I. Dawn ir-rapporti jiġu ssupplimentati b'taqsiriet tar-riżultati permezz tat-Tabella 1 tal-Anness II u t-taqsira tal-valutazzjoni tal-adegwatezza kapitali permezz tat-Tabella 2 tal-Anness II.

Ir-rapporti tal-valutazzjoni tar-riskju tal-likwidità jitħejjew billi jintuża l-mudell fl-Anness V. Dawn ir-rapporti jiġu ssupplimentati b'taqsiriet tar-riżultati permezz tat-Tabella 1 tal-Anness VI u t-taqsira tal-valutazzjoni tal-likwidità permezz tat-Tabella 2 tal-Anness VI.

Ir-rapporti SREP u r-rapporti tal-valutazzjoni tar-riskju tal-likwidità jistgħu jinkludu informazzjoni addizzjonali rilevanti.