Artikolu 72 Skambju ta' informazzjoni

1.   Soġġetti għall-Artikolu 66, l-awtoritajiet ta' riżoluzzjoni u l-awtoritajiet superviżorji għandhom, fuq talba, jipprovdu lil xulxin l-informazzjoni rilevanti kollha għall-eżerċizzju tal-kompiti tal-awtoritajiet l-oħrajn skont din id-Direttiva.

2.   L-awtorità ta' riżoluzzjoni fil-livell tal-grupp għandha tikkoordina l-fluss tal-informazzjoni rilevanti kollha bejn l-awtoritajiet ta' riżoluzzjoni. B'mod partikolari, l-awtorità ta' riżoluzzjoni fil-livell tal-grupp għandha tipprovdi lill-awtoritajiet ta' riżoluzzjoni fi Stati Membri oħrajn bl-informazzjoni rilevanti kollha fil-ħin sabiex tiffaċilita l-eżerċizzju tal-kompiti msemmija fl-Artikolu 70(1), it-tieni subparagrafu, il-punti (b) sa (h).

3.   Awtorità ta' riżoluzzjoni ma għandhiex tittrażmetti informazzjoni li tkun ġiet ipprovduta minn awtorità superviżorja jew ta' riżoluzzjoni ta' pajjiż terz sakemm dik l-awtorità superviżorja jew ta' riżoluzzjoni ta' pajjiż terz ma tkunx tat il-kunsens tagħha għal tali trażmissjoni.