Artikolu 83 Dispożizzjonijiet speċifiċi dwar penali amministrattivi u miżuri amministrattivi oħrajn

(a)

ksur tal-Artikoli 5 jew 7 minħabba n-nuqqas ta' tfassil, ta' manutenzjoni u ta' aġġornament ta' pjanijiet ta' rkupru preventiv u ta' pjanijiet ta' rkupru preventiv ta' grupp;

(b)

ksur tal-Artikolu 12 minħabba n-nuqqas ta' provvista tal-informazzjoni kollha neċessarja għall-iżvilupp ta' pjanijiet ta' riżoluzzjoni;

(c)

ksur tal-Artikolu 63(1) minħabba n-nuqqas tal-korp amministrattiv, maniġerjali jew superviżorju ta' entità msemmija fl-Artikolu 1(1), il-punti (a) sa (e), li jinnotifika lill-awtorità superviżorja meta dik l-entità tkun qed tfalli jew x'aktarx li tfalli.

(a)

dikjarazzjoni pubblika li tindika l-persuna fiżika, l-entità kif imsemmija fl-Artikolu 1(1), il-punti (a) sa (e), impriża omm apikali jew persuna ġuridika oħra responsabbli għall-ksur u n-natura tal-ksur;

(b)

ordni li teħtieġ li l-persuna fiżika jew ġuridika responsabbli twaqqaf l-imġiba u li ma tirrepetix dik l-imġiba;

(c)

projbizzjoni temporanja ta' kwalunkwe membru tal-korp amministrattiv, maniġerjali jew superviżorju jew tal-maniġment superjuri tal-entità msemmija fl-Artikolu 1(1), il-punti (a) sa (e), jew ta' kwalunkwe persuna fiżika oħra, li tinżamm responsabbli, milli teżerċita funzjonijiet f'impriża tal-assigurazzjoni jew tar-riassigurazzjoni jew f'entità kif imsemmija fl-Artikolu 1(1), il-punti (a) sa (e);

(d)

fil-każ ta' persuna ġuridika, multi amministrattivi sa 10 % tal-fatturat nett annwali totali ta' dik il-persuna ġuridika fis-sena kontabilistika preċedenti;

(e)

fil-każ ta' persuna fiżika, multi amministrattivi sa massimu ta' EUR 5 000 000, jew fl-Istati Membri fejn l-euro ma hijiex il-munita uffiċjali, il-valur korrispondenti fil-munita nazzjonali fit-28 ta’ Jannar 2025;

(f)

multi amministrattivi sad-doppju tal-ammont tal-benefiċċju miksub minħabba l-ksur meta dak il-benefiċċju jkun jista' jiġi ddeterminat.