Artikolu 87 Emendi għad-Direttiva 2002/47/KE

“6.   L-Artikoli 4 sa 7 ta' din id-Direttiva ma għandhomx japplikaw għal kwalunkwe restrizzjoni fuq l-infurzar ta' arranġamenti ta' kollateral finanzjarju jew għal kwalunkwe restrizzjoni fuq l-effett ta' arranġament ta' kollateral finanzjarju ta' garanzija, għal kwalunkwe dispożizzjoni ta' netting b'saldu antiċipat jew ta' tpaċija imposta skont it-Titolu IV, il-Kapitolu V jew VI, tad-Direttiva 2014/59/UE tal-Parlament Ewropew u tal-Kunsill (*1), jew tat-Titolu V, il-Kapitolu III, it-Taqsima 3, jew il-Kapitolu IV tar-Regolament (UE) 2021/23 tal-Parlament Ewropew u tal-Kunsill (*2), jew it-Titolu III, il-Kapitolu III, it-Taqsima 4, jew il-Kapitolu IV tad-Direttiva (UE) 2025/1 tal-Parlament Ewropew u tal-Kunsill (*3), jew għal kwalunkwe restrizzjoni bħal din imposta bis-saħħa ta' setgħat simili fil-liġi domestika ta' Stat Membru sabiex tiffaċilita r-riżoluzzjoni ordnata ta' kwalunkwe entità kif imsemmija fil-punt (d) tal-paragrafu 2 ta' dan l-Artikolu li hija soġġetta għal salvagwardji tal-inqas ekwivalenti għal dawk stabbiliti fit-Titolu IV, Kapitolu VII, tad-Direttiva 2014/59/UE u fit-Titolu V, il-Kapitolu V, tar-Regolament (UE) 2021/23;

“Artikolu 9a

Id-Direttiva 2008/48/KE, id-Direttiva 2014/59/UE, ir-Regolament (UE) 2021/23 u d-Direttiva (UE) 2025/1

Din id-Direttiva hija mingħajr preġudizzju għad-Direttiva 2008/48/KE, għad-Direttiva 2014/59/UE, għar-Regolament (UE) 2021/23 u għad-Direttiva (UE) 2025/1.”